ನಾಸಾ ಹೊಸ ಸಾಹಸ: ಮಂಗಳನ ಮೇಲೆ ಮೊದಲ ಹೆಲಿಕಾಪ್ಟರ್‌ ಹಾರಾಟ!

ಕೇಪ್ ಕೆನಾವೆರಲ್ (ಅಮೆರಿಕ): ಅಮೆರಿಕ ಬಾಹ್ಯಾಕಾಶ ಸಂಶೋಧನಾ ಸಂಸ್ಥೆಯು (ನಾಸಾ) ಮಂಗಳ ಗ್ರಹದಲ್ಲಿ ಸಣ್ಣ ಹೆಲಿಕಾಪ್ಟರ್ನ ಹಾರಾಟವನ್ನು ಸೋಮವಾರ ಯಶಸ್ವಿಯಾಗಿ ನಡೆಸಿದೆ. ಬೇರೆ ಗ್ರಹದಲ್ಲಿ ಹೆಲಿಕಾಪ್ಟರ್ ಹಾರಿಸಿದ ಮೊದಲ ಬಾಹ್ಯಾಕಾಶ ಸಂಶೋಧನಾ ಸಂಸ್ಥೆ ಎಂಬ ಹೆಗ್ಗಳಿಕೆಗೆ ನಾಸಾ ಪಾತ್ರವಾಗಿದೆ.

. 1.8 ಕೆ.ಜಿ. ತೂಕದ ಈ ಹೆಲಿಕಾಪ್ಟರ್ಗೆ ಇಂಜೆನ್ಯುವಿಟಿ ಎಂದು ಹೆಸರಿಡಲಾಗಿದೆ. ನಾಸಾವು ಈಚೆಗೆ ಮಂಗಳ ಗ್ರಹಕ್ಕೆ ಕಳುಹಿಸಿದ್ದ ಪರ್ಸಿವಿಯರೆನ್ಸ್ ರೋವರ್ ನೌಕೆಯು, ಈ ಹೆಲಿಕಾಪ್ಟರ್ ಅನ್ನು ಹೊತ್ತೊಯ್ದಿತ್ತು. 15 ದಿನಗಳ ಹಿಂದೆಯೇ ಹೆಲಿಕಾಪ್ಟರ್ ಅನ್ನು ಕೆಳಗೆ ಇಳಿಸಿ, ಅದರಿಂದ 200 ಮೀಟರ್ ದೂರಕ್ಕೆ ರೋವರ್ ಸರಿದಿತ್ತು.

. ಕ್ಯಾಲಿಫೋರ್ನಿಯಾದಲ್ಲಿ ಇರುವ ನಿಯಂತ್ರಣ ಕೇಂದ್ರದಿಂದ ಈ ಕಾರ್ಯಾಚರಣೆ ನಡೆಸಲಾಗಿತ್ತು. ಇದಕ್ಕಾಗಿ ನೂರು ಚದರ ಮೀಟರ್ನ ಜಾಗವನ್ನು ಆಯ್ಕೆ ಮಾಡಿಕೊಳ್ಳಲಾಗಿತ್ತು. ಪೂರ್ವನಿಗದಿಯಂತೆ ಏಪ್ರಿಲ್ ಮೊದಲ ವಾರದಲ್ಲೇ ಈ ಕಾರ್ಯಾಚರಣೆ ನಡೆಯಬೇಕಿತ್ತು. ಆದರೆ ಹೆಲಿಕಾಪ್ಟರ್ನ ರೆಕ್ಕೆಗಳು ಕೆಲಸ ಮಾಡದೇ ಇದ್ದುದ್ದರಿಂದ ಕಾರ್ಯಾಚರಣೆ ರದ್ದಾಗಿತ್ತು. ನಂತರ ತಂತ್ರಾಂಶದಲ್ಲಿನ ನ್ಯೂನತೆಯನ್ನು ವಿಜ್ಞಾನಿಗಳು ಸರಿಪಡಿಸಿದ್ದರು. ಹೀಗಾಗಿ ಸೋಮವಾರ ಕಾರ್ಯಾಚರಣೆಯನ್ನು ಯಶಸ್ವಿಯಾಗಿ ನಡೆಸಲಾಯಿತು ಎಂದು ನಾಸಾ ಮಾಹಿತಿ ನೀಡಿದೆ.

. ಪೂರ್ವ ನಿಗದಿಯಂತೆ ಹೆಲಿಕಾಪ್ಟರ್ 10 ಅಡಿ ಎತ್ತರದವರೆಗೂ ಏರಿದೆ. ಇದಕ್ಕೆ 5 ಸೆಕೆಂಡ್ ತೆಗೆದು ಕೊಂಡಿದೆ. ನಂತರ ಅದೇ ಎತ್ತರದಲ್ಲಿ 30 ಸೆಕೆಂಡ್ ಹಾರಾಟ ನಡೆಸಿದೆ. ನಂತರ 5 ಸೆಕೆಂಡ್ನಲ್ಲಿ ಕೆಳಕ್ಕೆ ಇಳಿದಿದೆ. ಒಟ್ಟು 40 ಸೆಕೆಂಡ್ಗಳ ಕಾರ್ಯಾಚರಣೆ ನಡೆಸಿದೆ. 1903ರಲ್ಲಿ ರೈಟ್ ಸೋದರರು ಹಾರಿಸಿದ್ದ ರೈಟ್ ಫ್ಲೈಯರ್ನ ರೆಕ್ಕೆಯ ತುಂಡನ್ನು ಈ ಹೆಲಿಕಾಪ್ಟರ್ನಲ್ಲಿ ಇಡಲಾಗಿತ್ತು. ಆ ತುಂಡನ್ನು ಹೊತ್ತು, ಹೆಲಿಕಾಪ್ಟರ್ ಮಂಗಳನ ವಾತಾವರಣದಲ್ಲಿ ಹಾರಾಟ ನಡೆಸಿದೆ.

. ಕೇವಲ ಒಂದೂವರೆ ಅಡಿ ಉದ್ದವಿರುವ ಹೆಲಿಕಾಪ್ಟರ್ನ ದೇಹದಲ್ಲಿ ಬ್ಯಾಟರಿಗಳು ಮತ್ತು ಸೌರಫಲಕಗಳನ್ನು ಅಳವಡಿಸಲಾಗಿತ್ತು. 4 ಅಡಿ ಅಗಲದ ಎರಡು ಜತೆ ರೆಕ್ಕೆಗಳು ಇದ್ದವು.

. ಮಂಗಳನ ವಾತಾವರಣವು ತೆಳುವಾಗಿರುವ ಕಾರಣ, ರೆಕ್ಕೆಗಳು ಅತ್ಯಂತ ವೇಗವಾಗಿ ತಿರುಗ ಬೇಕಿತ್ತು. ಅಲ್ಲದೆ, ಮಂಗಳನ ಮೇಲಿನ ಮಾರುತಗಳು ಮತ್ತು ಚಳಿಯನ್ನು ತಡೆದುಕೊಳ್ಳುವಷ್ಟು ಗಟ್ಟಿಯಾಗಿ ಇರಬೇಕಿತ್ತು. ಇಷ್ಟೇ ತೂಕದ ಹೆಲಿಕಾಪ್ಟರ್, ಭೂಮಿ ಯ ಮೇಲೆ ಹಾರಾಟ ನಡೆಸಲು ರೆಕ್ಕೆಗಳು ಪ್ರತಿ ನಿಮಿಷಕ್ಕೆ 500 ಬಾರಿ ತಿರುಗಿದರೆ ಸಾಕು. ಆದರೆ ಮಂಗಳ ಗ್ರಹದಲ್ಲಿ ರೆಕ್ಕೆಗಳು 2,500 ಬಾರಿ ತಿರುಗ ಬೇಕು. ಅಲ್ಲದೆ, 28.7 ಕೋಟಿ ಕಿ.ಮೀ. ದೂರದಿಂದ ಕಾರ್ಯಾಚರಣೆಯನ್ನು ನಿಯಂತ್ರಿಸಬೇಕಿತ್ತು. ಈ ಎಲ್ಲಾ ಸವಾಲುಗಳನ್ನು ಎದುರಿಸಿ, ಕಾರ್ಯಾಚರಣೆಯನ್ನು ಯಶಸ್ವಿಯಾಗಿ ನಡೆಸಲಾಗಿದೆ ಎಂದು ನಾಸಾ ತಿಳಿಸಿದೆ.

. ಹಾರಾಟದಿಂದ ಏನು ಪ್ರಯೋಜನ?

. ಒಟ್ಟು ಐದು ಹಾರಾಟಗಳನ್ನು ಯೋಜಿಸಲಾಗಿದೆ. ಒಂದಕ್ಕಿಂತ ಒಂದು ಮಹತ್ವಾಕಾಂಕ್ಷೆಯದ್ದೇ ಆಗಿದೆ. ಈ ಪ್ರಯೋಗವು ಯಶಸ್ವಿಯಾದರೆ ಹಲವು ಪ್ರಯೋಜನಗಳಿವೆ. ಮಂಗಳನ ಮೇಲೆ ಡ್ರೋನ್ ಹಾರಾಟ ಸಾಧ್ಯವಾ ಗಬಹುದು. ಮಂಗಳನ ಪಕ್ಷಿನೋಟ, ವಸ್ತುಗಳ ಸಾಗಾಟ, ಗಗನಯಾನಿಗಳಿಗೆ ಮಾಹಿತಿ ರವಾನೆಯಂತಹ ಕೆಲಸ ವನ್ನು ಈ ಡ್ರೋನ್ ಮಾಡಬಹುದು. ಮಂಗಳನ ಮೇಲಿನ ಹೆಲಿಕಾಪ್ಟರ್ ಹಾರಾಟವು ಭೂಮಿಯಲ್ಲಿ ಹಾರಾಟ ನಡೆಸುವ ಹೆಲಿಕಾಪ್ಟರ್ಗಳ ಸುಧಾರಣೆಗೂ ನೆರವು ನೀಡಲಿದೆ. ಹಿಮಾಲಯದಂತಹ ಎತ್ತರ ಪ್ರದೇಶದಲ್ಲಿ ಹಾರಾಟ ನಡೆಸುವ ಹೆಲಿಕಾಪ್ಟರ್ಗಳನ್ನು ಇನ್ನಷ್ಟು ಉತ್ತಮಪಡಿಸಲು ಸಹಾಯ ದೊರೆಯಬಹುದು.

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ನಾಸಾ ಹೊಸ ಸಾಹಸ: ಮಂಗಳನ ಮೇಲೆ ಮೊದಲ ಹೆಲಿಕಾಪ್ಟರ್‌ ಹಾರಾಟ!

ಚಿನಕುರುಳಿ Cartoon: 10 ಜುಲೈ 2025

ಚುರುಮುರಿ: ಇಂಗ್ಲಿಷ್ ಅವಮಾನ!

ಬಾಗೇಪಲ್ಲಿ ಕಾಂಗ್ರೆಸ್ ಶಾಸಕ‌ ಸುಬ್ಬಾರೆಡ್ಡಿ ನಿವಾಸದ ಮೇಲೆ ಇ.ಡಿ ದಾಳಿ

ಬೇಡಿಕೆ ಕುಸಿದ ಎಂಜಿನಿಯರಿಂಗ್ ಕೋರ್ಸ್‌ಗಳ ಶುಲ್ಕ ಶೇ 50 ಕಡಿತ

Wimbledon 2025: ಅರಿನಾ ಸಬಲೆಂಕಾಗೆ ಆಘಾತ ನೀಡಿದ ಅಮಂಡಾ ಅನಿಸಿಮೋವಾ

IND vs ENG 2nd Test: ಆತಿಥೇಯರಿಗೆ ರೂಟ್ ಆಸರೆ

ವಿಂಬಲ್ಡನ್‌ ಟೆನಿಸ್‌ ಟೂರ್ನಿ: ದಾಖಲೆಯ 14ನೇ ಬಾರಿ ಸೆಮಿಗೆ ಜೊಕೊವಿಚ್‌

ಮಂಗಳೂರಿನಲ್ಲಿ ರಾಜ್ಯ ರ‍್ಯಾಂಕಿಂಗ್ TT:ಮಹಿಳಾ ಸಿಂಗಲ್ಸ್ ಪ್ರಶಸ್ತಿ ಗೆದ್ದ ತೃಪ್ತಿ

ಒಳನೋಟ | ಬೇಸಾಯಕ್ಕೆ ಯುವಜನ ಬೇಕಾಗಿದ್ದಾರೆ! ಕೃಷಿ ಒಲ್ಲೆ ಎನ್ನುವವರೇ ಹೆಚ್ಚು

ಒಳನೋಟ: ಸೋರುವ ಕೊಠಡಿಯಲ್ಲೇ ಕಲಿಕೆ!

ಒಳನೋಟ: ಹದಗೆಟ್ಟ ಹಾಸ್ಟೆಲ್‌ ‘ಆರೋಗ್ಯ’.. ಸರಿಯಾಗದ SC, ST, OBC ವಸತಿಶಾಲೆಗಳು

ಒಳನೋಟ | ರಾಜ್ಯದಲ್ಲಿ ವಿದೇಶಿ ಹಣ್ಣುಗಳ ದಿಬ್ಬಣ

ಚಿನಕುರುಳಿ Cartoon: 10 ಜುಲೈ 2025

ಚುರುಮುರಿ: ಇಂಗ್ಲಿಷ್ ಅವಮಾನ!

ಬಾಗೇಪಲ್ಲಿ ಕಾಂಗ್ರೆಸ್ ಶಾಸಕ‌ ಸುಬ್ಬಾರೆಡ್ಡಿ ನಿವಾಸದ ಮೇಲೆ ಇ.ಡಿ ದಾಳಿ

ಬೇಡಿಕೆ ಕುಸಿದ ಎಂಜಿನಿಯರಿಂಗ್ ಕೋರ್ಸ್‌ಗಳ ಶುಲ್ಕ ಶೇ 50 ಕಡಿತ