ವಾಷಿಂಗ್ಟನ್: ಮಂಗಳ ಗ್ರಹದಲ್ಲಿ ‘ಕ್ಯೂರಿಯಾಸಿಟಿ ರೋವರ್’ ಗುರುತಿಸಿರುವ ಮೊನಚು ಆಕೃತಿಯ ಚಿತ್ರಗಳನ್ನು ನಾಸಾ ಇತ್ತೀಚೆಗೆ ಬಿಡುಗಡೆ ಮಾಡಿದೆ.
ನಾಸಾದ ‘ಸಿಇಟಿಐ ಇನ್ಸ್ಟಿಟ್ಯೂಟ್’ ಟ್ವಿಟರ್ನಲ್ಲಿ ಚಿತ್ರವನ್ನು ಹಂಚಿಕೊಂಡಿದೆ. ‘ಮೊನಚು ಆಕೃತಿಗಳು ಬಂಡೆಗಲ್ಲುಗಳ ನಡುವಿನ ಟೊಳ್ಳಾದ ಭಾಗದಲ್ಲಿ ತುಂಬಿಕೊಂಡ ಸಿಮೆಂಟ್ನಂಥ ಪದರಗಳಾಗಿವೆ. ಮೃದುವಾದ ಬಂಡೆಗಳು ಸವೆದು ಹೋದ ಬಳಿಕವು ಸಿಮೆಂಟ್ನಂಥ ಈ ರಚನೆಗಳು ಹಾಗೆಯೇ ಉಳಿದುಕೊಂಡಿವೆ’ ಎಂದು ಅದು ತಿಳಿಸಿದೆ.
ಮಂಗಳನಲ್ಲಿನ ದೊಡ್ಡ ಕುಳಿ ‘ಗೇಲ್ ಕ್ರೇಟರ್’ನಲ್ಲಿ ಈ ಆಕೃತಿ ಪತ್ತೆಯಾಗಿದೆ ಎಂದು ‘ಸಿಇಟಿಐ ಇನ್ಸ್ಟಿಟ್ಯೂಟ್’ ಹೇಳಿದೆ.
ಇನ್ನು ‘ಸಿಇಟಿಐ ಇನ್ಸ್ಟಿಟ್ಯೂಟ್’ ಎಂಬುದು ಅಂತರಿಕ್ಷದಲ್ಲಿ ಇರಬಹುದಾದ ಜೀವಿಗಳ ಅನ್ವೇಷಣೆಗೆಂದು ನಾಸಾ ಆರಂಭಿಸಿರುವ ಕಾರ್ಯ ಯೋಜನೆಯಾಗಿದೆ.
#PPOD: Here is another cool rock at Gale crater on Mars! The spikes are most likely the cemented fillings of ancient fractures in a sedimentary rock. The rest of the rock was made of softer material and was eroded away. 📷: @NASA@NASAJPL@Caltech#MSSS fredk, acquired on May 17. pic.twitter.com/RGfjmRBfI7
— The SETI Institute (@SETIInstitute) May 26, 2022