ಕರಡಿಯ ಕೂದಲಿನ ನಕಲು ಈ ನೂಲು

ಧ್ರುವಪ್ರದೇಶಗಳಲ್ಲಿ ಚಳಿಯ ತೀವ್ರತೆಯ ಬಗ್ಗೆ ಪ್ರತ್ಯೇಕವಾಗಿ ವಿವರಿಸುವ ಅಗತ್ಯವಿಲ್ಲ. ಅತೀವ ಶೀತ ಅಲ್ಲಿ ಜೀವಿಗಳಿಗೆ ವಾಸಯೋಗ್ಯವಲ್ಲದ ವಾತಾವರಣವನ್ನು ನಿರ್ಮಾಣ ಮಾಡಿರುತ್ತದೆ. ಆದರೆ, ಹಿಮಕರಡಿಗೆ ಈ ಶೀತ ದೊಡ್ಡ ವೈರಿಯೇನಲ್ಲ. ಅದರ ಒತ್ತಾದ ಕೂದಲನ್ನು ಶೀತ ಸೀಳಿಕೊಂಡ ಒಳಹೋಗಲಾರದೇ ಇರುವ ಕಾರಣ, ಹಿಮಕರಡಿಯ ಮೈ ಬೆಚ್ಚಗೇ ಇರುತ್ತದೆ! ಇದನ್ನು ಗಮನಿಸಿರುವ ವಿಜ್ಞಾನಿಗಳು ಬೆಚ್ಚನೆಯ ಉಡುಪಿಗೆ ಸ್ಫೂರ್ತಿ ಪಡೆದು ಹೊಸ ಬಗೆಯ ನೂಲನ್ನು ತಯಾರಿಸಿದ್ದಾರೆ. ಈ ನೂಲಿನಿಂದ ಬಟ್ಟೆ ತಯಾರಿಸಿದರೆ ಮೈಗೆ ಚಳಿಯೇ ತಾಗದಂತೆ!

. ಚೀನಾದ ಹ್ಯಾಂಗ್ಜೋದ ಜೆಯಿಯಾಂಗ್ ವಿಶ್ವವಿದ್ಯಾಲಯದ ಹೌ ಬಾಯ್ ಹಾಗೂ ಅವರ ವಿಜ್ಞಾನಿಗಳ ತಂಡದ ಆಶ್ರಯದಲ್ಲಿ ಈ ಸಂಶೋಧನೆ ನಡೆದಿದೆ. ಹಿಮಕರಡಿಯ ಕೂದಲಿನ ಮಾದರಿಯನ್ನು ಸೂಕ್ಷ್ಮವಾಗಿ ಅಧ್ಯಯನ ಮಾಡಿ, ಅದೇ ಮಾದರಿಯಲ್ಲಿ ಕೃತಕವಾದ ನೂಲನ್ನು ತಯಾರಿಸಿ ಅದರಿಂದ ಬಟ್ಟೆಯನ್ನೂ ತಯಾರಿಸಿದ್ದಾರೆ. ಅದರ ಬಗ್ಗೆ ಇಲ್ಲೊಂದು ಸರಳ ವಿಶ್ಲೇಷಣೆಯಿದೆ. ಪ್ರಾಣಿಮೂಲದ ಕೂದಲಿನಿಂದ ಬಟ್ಟೆ ತಯಾರಿಸುವುದು ಮನುಷ್ಯನಿಗೆ ಹೊಸತೇನಲ್ಲ. ಕುರಿಯ ಉಣ್ಣೆಯಿಂದ ನೂಲು, ದಾರ, ಬಟ್ಟೆಯನ್ನು ಮಾಡುವುದು ನಮಗೆ ತಿಳಿದೇ ಇದೆ. ಕುರಿಯ ಉಣ್ಣೆಯಿಂದ ಮಾಡಿದ ಸ್ವೆಟರನ್ನು ಚಳಿಯಲ್ಲಿ ಧರಿಸುವುದು ಅದೆಷ್ಟು ಹಿತಕರ ಅಲ್ಲವೇ? ಅಂತೆಯೇ, ಕೂದಲು ಅಲ್ಲದೇ ಇದ್ದರೂ, ದೇಹಜನ್ಯವಾದ ರೇಷ್ಮೆಹುಳುವಿನ ಜೊಲ್ಲಿನಿಂದ ತಯಾರಾಗುವ ನೂಲು ಸಹ ಬೆಚ್ಚನೆಯ ಆಹ್ಲಾದಕರ ಅನುಭವವನ್ನು ಧರಿಸಿದಾಗ ನೀಡುತ್ತದೆ. ಬೆಚ್ಚನೆಯ ವಾತಾವರಣದಲ್ಲಿ ತಣ್ಣನೆಯ ಅನುಭವವನ್ನೂ ರೇಷ್ಮೆಯ ನೂಲು ನೀಡುವುದು ಮತ್ತೊಂದು ವಿಶೇಷ.

. ನೇರವಾಗಿ ಪ್ರಾಣಿಗಳ ಚರ್ಮವನ್ನೇ ಬಳಸಿ ಬಟ್ಟೆ ಮಾಡುವುದೂ ಇದೆ. ಇವಿಷ್ಟೇ ಅಲ್ಲದೇ, ಸಾಕಷ್ಟು ಬೇರೆಯದೇ ರೀತಿಯ ಉದಾಹರಣೆಗಳನ್ನೂ ನೀಡಬಹುದು. ಆದರೂ, ಪ್ರಾಣಿಜನ್ಯವಸ್ತುಗಳನ್ನು ಮನುಷ್ಯನು ಬಳಸುವುದು ಈಗ ಚರ್ಚಾಸ್ಪದ ವಿಷಯವಾಗಿದೆ. ಪ್ರಾಣಿಜನ್ಯವಸ್ತುಗಳನ್ನು ಬಳಸುವುದು ಅಮಾನವೀಯವೆಂದೂ, ಅದು ಕೆಲವು ಜಾತಿಯ ಪ್ರಾಣಿಗಳ ನಾಮಾವೇಷಕ್ಕೂ ಕಾರಣವಾಗುವುದೆಂದೂ ವಿಶ್ಲೇಷಿಸಲಾಗುತ್ತಿದೆ. ಹೀಗೆ ಪ್ರಾಣಿಗಳ ಸಂತತಿಯ ನಾಶವನ್ನು ತಡೆಗಟ್ಟಲು ನೆರವಾಗುವಂಥ ನೀತಿನಿಯಮಗಳೂ ಅಂತರರಾಷ್ಟ್ರೀಯ ಮಟ್ಟದಲ್ಲಿ ರೂಪುಗೊಂಡಿವೆ. ಈ ಹಿನ್ನೆಲೆಯಲ್ಲಿ ಈಗ ಚೀನಾದಲ್ಲಿ ನಡೆದಿರುವ ಈ ಸಂಶೋಧನೆಯು ಮಹತ್ವವನ್ನು ಪಡೆದಿದೆ. ಪ್ರಾಣಿಗಳ ಯಾವುದೇ ಬಗೆಯ ಉತ್ಪನ್ನಗಳನ್ನು ಬಳಸದೆಯೇ, ಅವುಗಳ ಗುಣಲಕ್ಷಣವನ್ನು ಹೋಲುವ ಉತ್ಪನ್ನಗಳನ್ನು ನಿರ್ಮಿಸಬಹುದೇ ಎಂಬುದೇ ಈ ಪ್ರಯೋಗವಾಗಿದೆ. ಈ ಪ್ರಯೋಗಕ್ಕೆ ಭಾಗಶಃ ಯಶಸ್ಸೂ ಸಿಕ್ಕಿದೆ.

. ಏನಿದು ಸಂಶೋಧನೆ?

. ಹಿಮಕರಡಿಗಳ ಮೈಮೇಲಿನ ಕೂದಲು ಬಹಳ ಒತ್ತಾಗಿರುತ್ತದೆ; ಅದು ಚಳಿಯನ್ನು ಒಳಬಿಡುವುದಿಲ್ಲ. ಹಾಗಾದರೆ, ಅದರ ಕಾರ್ಯನಿರ್ವಹಣೆ ಹೇಗೆ – ಎಂಬ ಸಂಶೋಧನೆಯೇ ಈಗ ನಡೆದಿರುವುದು.

. ಹಿಮಕರಡಿಯ ಕೂದಲನ್ನು ಅಡ್ಡವಾಗಿ ಸೀಳಿ ಸೂಕ್ಷ್ಮ ದರ್ಶಕದಲ್ಲಿ ವೀಕ್ಷಿಸಿದರೆ, ಅದರಲ್ಲಿ ಎರಡು ಪ್ರಮುಖ ಭಾಗಗಳನ್ನು ಗುರುತಿಸಬಹುದು. ಒಂದು, ಮೃದುವಾದ ಮೇಲ್ಮೆ; ಮತ್ತೊಂದು, ಒಳಭಾಗದಲ್ಲಿರುವ ಗಟ್ಟಿಯಾದ ತಿರುಳು. ಇದರ ಈ ಗುಣವೇ ಶಾಖವನ್ನು ಕೂದಲು ತನ್ನ ಮೂಲಕ ಬಿಟ್ಟುಕೊಡದಿರುವಂತೆ ನೋಡಿಕೊಳ್ಳುವುದು. ಈ ಸರಳ ರಚನೆಯನ್ನು ಅನುಕರಿಸಿರುವ ಹೌ ಬಾಯ್ ಹಾಗೂ ಅವರ ವಿಜ್ಞಾನಿಗಳ ತಂಡವು, ದಾರವನ್ನು ಅತೀವ ಶೀತಕ್ಕೆ (ನೈಟ್ರೋಜನ್ ಕೋಲ್ಡ್) ಒಡ್ಡಿದ್ದಾರೆ. ಆಗ ಅದು ಗಟ್ಟಿಯಾಗುತ್ತದೆ. ಬಳಿಕ, ಅದಕ್ಕೆ ಥರ್ಮೋಪ್ಲಾಸ್ಟಿಕ್ ಪಾಲಿಯೂರಥೇನ್ ಎಂಬ ಸಾಮಗ್ರಿಯಿಂದ ಒಂದು ಪದರವನ್ನು ಲೇಪಿಸಿದ್ದಾರೆ. ಈ ರೀತಿಯ ಪ್ರಕ್ರಿಯೆಗೆ ಒಳಗಾಗುವ ದಾರವನ್ನು ಬಳಿಕ ಕೊಠಡಿಯ ಉಷ್ಣಾಂಶಕ್ಕೆ ಬರುವವರೆಗೂ ಕಾದು, ಅದನ್ನು ಸ್ವೆಟರ್ ಮಾದರಿಯ ಅಂಗಿಯಾಗಿ ನೇಯ್ದಿದ್ದಾರೆ.

. ಈ ಪ್ರಯೋಗವು ಹಲವು ಕುತೂಹಲಕಾರಿ ಉತ್ತರಗಳನ್ನು ನೀಡಿದೆ. ಕುರಿಯ ಉಣ್ಣೆಯಿಂದ ನಿರ್ಮಿಸಿದ ಸ್ವೆಟರ್ಗಿಂತ ಸುಮಾರು ಐದು ಪಟ್ಟು ಹೆಚ್ಚು ಚಳಿಯನ್ನು ತಡೆದುಕೊಳ್ಳುವ ಗುಣವನ್ನು ಈ ಹೊಸ ಬಗೆಯ ನೂಲಿನ ಸ್ವೆಟರ್ ತೋರಿಸಿದೆ. ಅಂದರೆ, ಇದು ಹೆಚ್ಚು ಬಲಿಷ್ಠವೂ ಸಮರ್ಥವೂ ಆದ ನೂಲೆಂದು ಸಾಬೀತಾಗಿದೆ. ಈ ಬಗೆಯ ಬಟ್ಟೆಗಳನ್ನು ಅತೀವ ಶೀತವಿರುವ ಪ್ರದೇಶಗಳಲ್ಲಿ ಧರಿಸಿದರೆ ಚಳಿಯಿಂದ ರಕ್ಷಣೆಯನ್ನು ಪಡೆಯಬಹುದು ಎಂಬ ವಾದವನ್ನು ಚೀನಾದ ಈ ವಿಜ್ಞಾನಿಗಳು ಮಂಡಿಸಿದ್ದಾರೆ.

. ಸಾಮಾನ್ಯವಾಗಿ ಚಳಿಯ ಸಮರ್ಥ ನಿರ್ವಹಣೆಗೆ ಬಹು ಪದರ ಉಡುಪುಗಳನ್ನು ಧರಿಸಬೇಕು ಎಂದು ವಿಜ್ಞಾನಿಗಳು ಹೇಳುತ್ತಾರೆ. ಅಂದರೆ, ಒಂದು ದಪ್ಪನೆಯ ಬಟ್ಟೆಯ ಬದಲಿಗೆ, ಒಂದರ ಮೇಲೊಂದರಂತೆ ತೆಳುವಾದ ಬಟ್ಟೆಗಳನ್ನೇ ಧರಿಸಿದರೆ ಶಾಖ ಒಳಗೆ ಇಳಿಯುವುದಿಲ್ಲ. ಈ ವಿಜ್ಞಾನವನ್ನೇ ಹೌ ಬಾಯ್ ಅನುಮೋದಿಸಿದ್ದಾರೆ. ಈ ಹೊಸ ನೂಲಿನಿಂದ ತಯಾರಾದ ಬಟ್ಟೆಗಳನ್ನು ಸಾಧ್ಯವಾದಷ್ಟು ತೆಳುವಾಗಿ ನಿರ್ಮಿಸಿ, ಬಹು ಪದರಗಳಲ್ಲಿ ಧರಿಸಿದರೆ ಅತ್ಯಂತ ಆಹ್ಲಾದಕರವಾದ ಬೆಚ್ಚನೆಯ ಅನುಭವವನ್ನು ಪಡೆಯಬಹುದು ಎಂದಿದ್ದಾರೆ. ಮಾತ್ರವಲ್ಲ, ಇದು ಪ್ರಾಣಿಜನ್ಯ ನೂಲಿಗಿಂತ ಕಡಿಮೆ ತೂಕವನ್ನು ಹೊಂದಿದೆ. ಹಾಗಾಗಿ,ಈ ಬಟ್ಟೆಗಳನ್ನು ಧರಿಸಿದರೆ ದೇಹಕ್ಕೆ ತೂಕದ ಹೊರೆ ಇರುವುದಿಲ್ಲ. ಅಲ್ಲದೇ, ಇದು ಕೃತಕ ನೂಲು ಆಗಿರುವ ಕಾರಣ ಪ್ರಾಣಿಹಿಂಸೆಯೂ ಆಗುವುದಿಲ್ಲವಷ್ಟೆ.

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ಕರಡಿಯ ಕೂದಲಿನ ನಕಲು ಈ ನೂಲು

ಚಿನಕುರುಳಿ: 02 ಜುಲೈ 2025, ಬುಧವಾರ

ಮಂಡ್ಯ: ಡೆತ್‌ನೋಟ್‌ ಬರೆದಿಟ್ಟು ತಾಯಿ-ಮಗಳು ನೇಣಿಗೆ ಶರಣು

ಧರ್ಮಪುರ: ಜಂಬೂ ನೇರಳೆಯಿಂದ ಕಾಲು ಕೋಟಿ ಆದಾಯ

ಚುರುಮುರಿ | ಗ್ರಾಮಾಭಿವೃದ್ಧಿ...

ವಿಂಡೀಸ್ ಕ್ರಿಕೆಟಿಗನ ವಿರುದ್ಧ ಲೈಂಗಿಕ ದೌರ್ಜನ್ಯ ಆರೋಪ: ಕೋಚ್ ಸಾಮಿ ಹೇಳಿದ್ದೇನು?

ಎಫ್‌ಸಿ ಬೆಂಗಳೂರು ಯುನೈಟೆಡ್‌ ತಂಡದ ಮುಖ್ಯ ಕೋಚ್ ಆಗಿ ಮೋಹನ್‌ರಾಜ್ ಮರುನೇಮಕ

ಕೆನಡಾ ಓಪನ್‌: ಎರಡನೇ ಸುತ್ತಿಗೆ ಶ್ರೀಕಾಂತ್‌

ದೂರವಾದ ಪತ್ನಿ, ಮಗಳಿಗೆ ₹4 ಲಕ್ಷ ಪರಿಹಾರ ನೀಡಲು ಶಮಿಗೆ ಕೋಲ್ಕತ್ತ ಹೈಕೋರ್ಟ್ ಆದೇಶ

ಒಳನೋಟ: ಸೋರುವ ಕೊಠಡಿಯಲ್ಲೇ ಕಲಿಕೆ!

ಒಳನೋಟ: ಹದಗೆಟ್ಟ ಹಾಸ್ಟೆಲ್‌ ‘ಆರೋಗ್ಯ’.. ಸರಿಯಾಗದ SC, ST, OBC ವಸತಿಶಾಲೆಗಳು

ಒಳನೋಟ | ರಾಜ್ಯದಲ್ಲಿ ವಿದೇಶಿ ಹಣ್ಣುಗಳ ದಿಬ್ಬಣ

ಒಳನೋಟ | ಕಾಲ್ತುಳಿತ ಪ್ರಕರಣ: ಸಾವಿನ ಮನೆ ಬಾಗಿಲು ತೆರೆದವರಾರು?

ಚಿನಕುರುಳಿ: 02 ಜುಲೈ 2025, ಬುಧವಾರ

ಮಂಡ್ಯ: ಡೆತ್‌ನೋಟ್‌ ಬರೆದಿಟ್ಟು ತಾಯಿ-ಮಗಳು ನೇಣಿಗೆ ಶರಣು

ಧರ್ಮಪುರ: ಜಂಬೂ ನೇರಳೆಯಿಂದ ಕಾಲು ಕೋಟಿ ಆದಾಯ

ಚುರುಮುರಿ | ಗ್ರಾಮಾಭಿವೃದ್ಧಿ...