ಗುರುವಾರ , ಸೆಪ್ಟೆಂಬರ್ 16, 2021
24 °C

ಫೋಟೊ ನೋಡಿ: ಅಡಗಿ ಕುಳಿತಿರುವ ಚಿರತೆ ಮರಿಯನ್ನು ನೀವು ಹುಡುಕಬಹುದೇ?

ಪ್ರಜಾವಾಣಿ ವಾರ್ತೆ Updated:

ಅಕ್ಷರ ಗಾತ್ರ : | |

ವನ್ಯಜೀವಿಗಳನ್ನು ನೋಡಲು ಯಾರಿಗೆ ತಾನೇ ಇಷ್ಟವಿರಲ್ಲ ಹೇಳಿ! ‘ಪ್ರಕೃತಿಯ ಮಡಿಲಲ್ಲಿ ಸ್ಚಚ್ಛಂದವಾಗಿ ಜೀವಿಸುತ್ತಿರುವ ಪ್ರಾಣಿಗಳನ್ನು ನೋಡುವುದೇ ನಮಗೆ ಒಂದು ಅದೃಷ್ಟ‘ ಎಂದು ರಷ್ಯಾದ ಖ್ಯಾತ ವನ್ಯಜೀವಿ ಛಾಯಾಗ್ರಾಹಕ ಸರ್ಗೆ ಗೊರಾಸ್ಕೊವ್‌ ಅವರು ಹೇಳಿದ ಮಾತು ಈ ಚಿರತೆಯನ್ನು ನೋಡಿದ ಕೂಡಲೇ ನೆನಪಾಗುತ್ತದೆ. 

ಕಳೆದ ಎರಡು ದಿನಗಳ ಹಿಂದೆ, ವನ್ಯಜೀವಿ ಮತ್ತು ಪ್ರಕೃತಿ ಛಾಯಾಗ್ರಾಹಕ ಮೋಹನ್ ಥಾಮಸ್ ಅವರು ತಮ್ಮ ಟ್ವಿಟರ್‌ ಖಾತೆಯಲ್ಲಿ ಚಿರತೆಯ ಫೋಟೊವನ್ನು ಹಂಚಿಕೊಂಡಿದ್ದರು. ಆ ಚಿತ್ರ ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್‌ ಆಗಿದೆ.

ಮರದ ಕೊಂಬೆಯ ಮೇಲೆ ಚಿರತೆಯೊಂದು ಮಲಗಿರುವುದು, ಅದರ ಪಕ್ಕದಲ್ಲೇ ಮರಿ ಚಿರತೆ ಅಡಗಿ ಕುಳಿತಿರುವ ಚಿತ್ರವದು. ಅದನ್ನು ನೋಡಿದ ಕೂಡಲೇ ಒಂದು ಚಿರತೆ ಮಲಗಿರುವಂತೆ ಕಾಣುತ್ತದೆ. ಆದರೆ ಸೂಕ್ಷ್ಮವಾಗಿ ಗಮನಿಸಿದರೆ ಅಲ್ಲಿ ಮರಿ ಚಿರತೆಯೊಂದು ಅಡಗಿ ಕುಳಿತಿರುವುದು ಕಾಣುತ್ತದೆ. 

ಈ ಚಿತ್ರವನ್ನು ಹಂಚಿಕೊಂಡಿರುವ ಮೋಹನ್ ಥಾಮಸ್ ‘ಈ ಚಿತ್ರದಲ್ಲಿ ಮರಿ ಚಿರತೆಯೊಂದು ಅಡಗಿ ಕುಳಿತಿದೆ, ಅದನ್ನು ನೀವು  ಹುಡುಕಬಹುದೇ?‘ ಎಂದು ಒಕ್ಕಣೆ ಬರೆದುಕೊಂಡಿದ್ದಾರೆ.

ತಾಜಾ ಮಾಹಿತಿ ಪಡೆಯಲು ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ

ತಾಜಾ ಸುದ್ದಿಗಳಿಗಾಗಿ ಪ್ರಜಾವಾಣಿ ಆ್ಯಪ್ ಡೌನ್‌ಲೋಡ್ ಮಾಡಿಕೊಳ್ಳಿ: ಆಂಡ್ರಾಯ್ಡ್ ಆ್ಯಪ್ | ಐಒಎಸ್ ಆ್ಯಪ್

ಪ್ರಜಾವಾಣಿ ಫೇಸ್‌ಬುಕ್ ಪುಟವನ್ನುಫಾಲೋ ಮಾಡಿ.

ಈ ವಿಭಾಗದಿಂದ ಇನ್ನಷ್ಟು