ಪ್ರಸ್ತುತ ಫೇಸ್ಬುಕ್ ಕಂಪನಿ ಒಡೆತನ ಹೊಂದಿರುವ ವಾಟ್ಸ್ ಆ್ಯಪ್, ಹೊಸ ಅಪ್ಡೇಟ್ ಪಾಲಿಸಿ ವಿವಾದಕ್ಕೆ ಗುರಿಯಾಗುತ್ತಿದ್ದಂತೆ ಅದರ ಮುಖ್ಯಸ್ಥ ವಿಲ್ ಕ್ಯಾತರ್ಟ್ ಟ್ವಿಟರ್ ಮೂಲಕ ಸ್ಪಷ್ಟನೆ ನೀಡಿದ್ದಾರೆ. ಹೊಸ ಅಪ್ಡೇಟ್, ಬ್ಯುಸಿನೆಸ್ ಸಂವಹನಕ್ಕೆ ಮಾತ್ರ ಅನ್ವಯವಾಗುತ್ತದೆ. ಇದು ವಾಟ್ಸ್ ಆ್ಯಪ್ ಬಳಕೆದಾರರು ಅವರ ಗೆಳೆಯರು ಮತ್ತು ಕುಟುಂಬದವರ ಜತೆ ನಡೆಸುವ ಖಾಸಗಿ ಸಂವಹನಕ್ಕೆ ಯಾವುದೇ ಸಮಸ್ಯೆಯಾಗುವುದಿಲ್ಲ ಎಂದು ಅವರು ತಿಳಿಸಿದ್ದಾರೆ.