Group Polls | ವಾಟ್ಸ್‌ಆ್ಯಪ್‌ನಲ್ಲೂ ಬರಲಿದೆ ಟ್ವಿಟರ್ ಮಾದರಿಯ ಸಮೀಕ್ಷೆ ಆಯ್ಕೆ

ವಾಟ್ಸ್ಆ್ಯಪ್ ಗ್ರೂಪ್ ಪೋಲ್ಸ್ ಅಪ್‌ಡೇಟ್ ಶೀಘ್ರದಲ್ಲೇ ಲಭ್ಯ

Last Updated 7 ಅಕ್ಟೋಬರ್ 2022, 7:33 IST

ಅಕ್ಷರ ಗಾತ್ರ

ಬೆಂಗಳೂರು: ಟ್ವಿಟರ್‌ನಲ್ಲಿ ಇರುವಂತೆಯೇ ಕಿರು ಸಮೀಕ್ಷೆಯ ಆಯ್ಕೆಯನ್ನು ವಾಟ್ಸ್‌ಆ್ಯಪ್ ಶೀಘ್ರದಲ್ಲೇ ಬಳಕೆದಾರರಿಗೆ ಗ್ರೂಪ್‌ಗಳಲ್ಲಿ ಒದಗಿಸಲಿದೆ.

ಆ್ಯಂಡ್ರಾಯ್ಡ್ ಬೀಟಾ v2.22.21.16 ಆವೃತ್ತಿಯಲ್ಲಿ ಈ ಆಯ್ಕೆಯನ್ನು ವಾಟ್ಸ್‌ಆ್ಯಪ್ ಪರಿಶೀಲಿಸುತ್ತಿದೆ.

ಅದರಲ್ಲಿ ಟ್ವಿಟರ್‌ನಲ್ಲಿ ಇರುವಂತೆಯೇ, ಜನಮತ ಸಂಗ್ರಹಿಸುವ ಆಯ್ಕೆಯನ್ನು ಒದಗಿಸಲು ವಾಟ್ಸ್‌ಆ್ಯಪ್ ಮುಂದಾಗಿದೆ.

ಗ್ರೂಪ್‌ಗಳಲ್ಲಿ ಜನರ ಭಾಗವಹಿಸುವಿಕೆ ಹೆಚ್ಚಿಸಲು ಇದರಿಂದ ಅನುಕೂಲವಾಗಲಿದೆ. ಹೊಸ ಫೀಚರ್‌ಗಳನ್ನು ಕಾಲಕಾಲಕ್ಕೆ ಒದಗಿಸುವ ಮೂಲಕ ವಾಟ್ಸ್‌ಆ್ಯಪ್ ಬಳಕೆದಾರರಿಗೆ ಹೆಚ್ಚಿನ ಆಯ್ಕೆಗಳನ್ನು ನೀಡುತ್ತಿದೆ.

ಗುಂಪು ಕರೆ ಸೌಲಭ್ಯ: ಪರೀಕ್ಷೆ ಆರಂಭಿಸಿದ ವಾಟ್ಸ್‌ಆ್ಯಪ್‌