ಸೋಮವಾರ, ಸೆಪ್ಟೆಂಬರ್ 21, 2020
25 °C

ವಾಟ್ಸ್ಆ್ಯಪ್‍ನಲ್ಲಿ ವದಂತಿ ಹರಡಬೇಡಿ: ಟಿವಿಯಲ್ಲಿ ಜಾಹೀರಾತು ಅಭಿಯಾನ

ಪ್ರಜಾವಾಣಿ ವಾರ್ತೆ Updated:

ಅಕ್ಷರ ಗಾತ್ರ : | |

ಬೆಂಗಳೂರು: ಸಾಮಾಜಿಕ ಮಾಧ್ಯಮ ವಾಟ್ಸ್ಆ್ಯಪ್‌‍ನಲ್ಲಿ ಸುಳ್ಳು ಸುದ್ದಿ, ವದಂತಿ ಹರಡಬೇಡಿ ಎಂಬ ಸಂದೇಶದೊಂದಿಗೆ ಇದೇ ಮೊದಲ ಬಾರಿ ಟೆಲಿವಿಷನ್‍ನಲ್ಲಿ ಜಾಹೀರಾತು ಅಭಿಯಾನ ಆರಂಭವಾಗಿದೆ.

ಭಾರತದಲ್ಲಿ ಸುಳ್ಳು ಸುದ್ದಿಗೆ ಕಡಿವಾಣ ಹಾಕಲು ಕ್ರಮಗಳನ್ನು ಕೈಗೊಳ್ಳಬೇಕು ಎಂಬ ಒತ್ತಾಯ ಕೇಳಿ ಬಂದ ಕಾರಣ ಇದೀಗ ವಾಟ್ಸ್ಆ್ಯಪ್ ಟಿವಿಯಲ್ಲಿ ಜಾಹೀರಾತು ಅಭಿಯಾನ ಆರಂಭಿಸಿದೆ. Share Joy, Not Rumors ಎಂಬ ಅಭಿಯಾನ ಘೋಷವಾಕ್ಯದೊಂದಿಗೆ ಮೂರು ಜಾಹೀರಾತುಗಳು ಈಗ ಟಿವಿ, ಫೇಸ್‍ಬುಕ್ ಮತ್ತು ಯೂಟ್ಯೂಬ್ ನಲ್ಲಿ ಪ್ರಸಾರವಾಗುತ್ತಿವೆ.

ರಾಜಸ್ಥಾನ ಮತ್ತು ತೆಲಂಗಾಣ ವಿಧಾನಸಭಾ ಚುನಾವಣೆಗೆ ಮುನ್ನ ಈ ಜಾಹೀರಾತುಗಳು ತೆರೆಕಂಡಿರುವುದು ವಿಶೇಷ. 

ಮುಂಬೈಯ ತಪ್ರೂಟ್ ಎಂಬ ಏಜೆನ್ಸಿ ಸಹಯೋಗದೊಂದಿಗೆ ಸಿನಿಮಾ ನಿರ್ದೇಶಕಿ ಶ್ರೀಶಾ ಗುಹಾ ಥಕುರ್ತಾ ಈ ವಿಡಿಯೊ ತಯಾರಿಸಿದ್ದಾರೆ ಎಂದು ದಿ ನೆಕ್ಸ್ಟ್ ವೆಬ್ ವರದಿ ಮಾಡಿದೆ.
ಜನರೊಂದಿಗೆ ಸಂಪರ್ಕ ಹೊಂದಲು ಸಹಾಯ ಮಾಡುವ ಈ  ಮಾಧ್ಯಮಗಳು ತಪ್ಪು ಮಾಹಿತಿಯನ್ನೂ ಹಬ್ಬಿಸುತ್ತವೆ. ಈ ವಿಡಿಯೊಗಳು ವಾಟ್ಸ್ಆ್ಯಪ್ ನಲ್ಲಿ  ಹೇಗೆ ಸುರಕ್ಷಿತವಾಗಿರಬಹುದು ಮತ್ತು ಸುಳ್ಳು ಸುದ್ದಿ ಬಗ್ಗೆ ಜನರಿಗೆ ಜಾಗೃತಿ ಮೂಡಿಸಲು ಸಹಕಾರಿ ಆಗುತ್ತದೆ ಎಂಬುದು ನಮ್ಮ ನಂಬಿಕೆ ಎಂದು ಈ ಜಾಹೀರಾತುಗಳಿಗೆ ನೇತೃತ್ವ ನೀಡಿದ ಬೋಸ್ಕೊ ಜುಬೈಗಾ ಹೇಳಿದ್ದಾರೆ.

ಪ್ರಜಾವಾಣಿ ಫೇಸ್‌ಬುಕ್ ಪುಟವನ್ನು ಲೈಕ್ ಮಾಡಿ, ಪ್ರಮುಖ ಸುದ್ದಿಗಳ ಅಪ್‌ಡೇಟ್ಸ್ ಪಡೆಯಿರಿ.

ಪ್ರಜಾವಾಣಿಯನ್ನು ಟ್ವಿಟರ್‌ನಲ್ಲಿ ಇಲ್ಲಿ ಫಾಲೋ ಮಾಡಿ.

ಟೆಲಿಗ್ರಾಂ ಮೂಲಕ ನಮ್ಮ ಸುದ್ದಿಗಳ ಅಪ್‌ಡೇಟ್ಸ್ ಪಡೆಯಲು ಇಲ್ಲಿ ಕ್ಲಿಕ್ ಮಾಡಿ.

ಈ ವಿಭಾಗದಿಂದ ಇನ್ನಷ್ಟು