ಬುಧವಾರ, ಆಗಸ್ಟ್ 12, 2020
26 °C

Tiktok pro ಹೆಸರಲ್ಲಿ ಮಾಲ್‌ವೇರ್ ಬರುತ್ತಿದೆ, ಎಚ್ಚರ

ಏಜೆನ್ಸೀಸ್ Updated:

ಅಕ್ಷರ ಗಾತ್ರ : | |

ಟಿಕ್‌ಟಾಕ್‌ ಪ್ರೊ ಹೆಸರಿನಲ್ಲಿ ಮಾಲ್‌ವೇರ್‌– ಪ್ರಾತಿನಿಧಿಕ ಚಿತ್ರ

ಮುಂಬೈ: ಚೀನಾದ 59 ಆ್ಯಪ್‌ಗಳನ್ನು ಕೇಂದ್ರ ಸರ್ಕಾರ ನಿಷೇಧಿಸಿದ ಬೆನ್ನಲ್ಲೇ ಫೇಸ್‌ಬುಕ್ ಒಡೆತನದ ಇನ್‌ಸ್ಟಾಗ್ರಾಮ್‌ 'ಟಿಕ್‌ಟಾಕ್' ಬಳಕೆದಾರರನ್ನು ಸೆಳೆಯಲು 'ರೀಲ್ಸ್' ಆರಂಭಿಸುತ್ತಿದೆ.  ಕಿರು ವಿಡಿಯೊ ಮಾಡಲು ಮತ್ತು ಹಂಚಿಕೊಳ್ಳಲು ಮೇಡ್‌ ಇನ್‌ ಇಂಡಿಯಾ ಆ್ಯಪ್‌ಗಳು ಪ್ರಚುರಗೊಳ್ಳುತ್ತಿವೆ. ಈ ನಡುವೆ ನೆಟಿಜನ್‌ಗಳ ಮಾಹಿತಿ ಕಸಿಯಲು 'ಟಿಕ್‌ಟಾಕ್‌ ಪ್ರೊ' ಹೆಸರಿನ ಕುತಂತ್ರಾಂಶದ (ಮಾಲ್‌ವೇರ್‌) ಮೂಲಕ ಪ್ರಯತ್ನಿಸಲಾಗುತ್ತಿದೆ.

ಆನ್‌ಲೈನ್‌ ವಂಚಕರು ಟಿಕ್‌ಟಾಕ್‌ ಪ್ರೊ ಹೆಸರಿನಲ್ಲಿ ಲಿಂಕ್‌ ಸೃಷ್ಟಿಸಿ ವಾಟ್ಸ್‌ಆ್ಯಪ್‌ ಸಂದೇಶಗಳ ಮೂಲಕ ಹರಿಯಬಿಡುತ್ತಿದ್ದಾರೆ. ಭಾರತದಲ್ಲಿ ನಿಷೇಧಿಸಲಾಗಿರುವ 'ಟಿಕ್‌ಟಾಕ್‌ ಆ್ಯಪ್‌ನ್ನು ಡೌನ್‌ಲೋಡ್‌ ಮಾಡಿಕೊಳ್ಳಲು ಈ ಲಿಂಕ್‌ ಬಳಸಿ' ಎಂಬ ಸಂದೇಶಗಳು ಈಗಾಗಲೇ ಭಾರತದ ಯುವ ಜನರನ್ನು ಸೆಳೆದಿದೆ. ಆ ಲಿಂಕ್‌ ಮೇಲೆ ಕ್ಲಿಕ್‌ ಮಾಡಿ ಡೌನ್‌ಲೋಡ್‌ ಪ್ರಯತ್ನಿಸಿದರೆ ಬಳಕೆದಾರರ ಮಾಹಿತಿ ಮೋಸಗಾರರ ವಶವಾಗುತ್ತದೆ ಎಂದು ಮಹಾರಾಷ್ಟ್ರ ಸೈಬರ್‌ ಘಟಕದ ಅಧಿಕಾರಿಗಳು ಎಚ್ಚರಿಕೆ ನೀಡಿದ್ದಾರೆ.

ಕುತಂತ್ರಾಂಶದ ಲಿಂಕ್‌ಗಳು ವಾಟ್ಸ್‌ಆ್ಯಪ್‌ ಅಲ್ಲದೆ ಟೆಕ್ಸ್ಟ್ ಮೆಸೇಜ್‌ಗಳ ಮೂಲಕವೂ ಹಂಚಿಕೆಯಾಗುತ್ತಿದೆ ಎಂದಿದ್ದಾರೆ. ಟಿಕ್‌ಟಾಕ್‌ಗೆ ಪರ್ಯಾಯ ಆ್ಯಪ್‌ಗಳ ಹುಡುಕಾಟದಲ್ಲಿರುವವರು ಹಾಗೂ ಮಾನಸಿಕವಾಗಿ ಟಿಕ್‌ಟಾಕ್‌ ಬಳಕೆಯಿಂದ ಇನ್ನೂ ಹೊರಬಾರದ ಬಳಕೆದಾರರೇ ಆನ್‌ಲೈನ್‌ ವಂಚಕರ ಟಾರ್ಗೆಟ್‌ ಆಗಿದ್ದಾರೆ.

ಸೆಲ್ಫ್‌ಸ್ಕ್ಯಾನ್‌: ನಿಷೇಧಿತ ಕ್ಯಾಮ್‌ಸ್ಕ್ಯಾನರ್‌ ಅಪ್ಲಿಕೇಷನ್‌ಗೆ ಪರ್ಯಾಯವಾಗಿ ಪಶ್ಚಿಮ ಬಂಗಾಳ ಮುಖ್ಯಮಂತ್ರಿ ಮಮತಾ ಬ್ಯಾನರ್ಜಿ ಸೆಲ್ಫ್‌ಸ್ಕ್ಯಾನ್‌ (SelfScan)ಬಿಡುಗಡೆ ಮಾಡಿದ್ದಾರೆ. ರಾಜ್ಯದ ಮಾಹಿತಿ ತಂತ್ರಜ್ಞಾನ ಇಲಾಖೆಯಿಂದ  ಸೆಲ್ಫ್‌ಸ್ಕ್ಯಾನ್‌ ಅಭಿವೃದ್ಧಿ ಪಡಿಸಲಾಗಿದೆ. ದಾಖಲೆಗಳು, ಬರಹ, ಲೇಖಗಳನ್ನು ಸ್ಕ್ಯಾನ್‌ ಮಾಡಲು ಈ ಆ್ಯಪ್‌ ಬಳಸಬಹುದಾಗಿದೆ.

ಪ್ರಜಾವಾಣಿ ಫೇಸ್‌ಬುಕ್ ಪುಟವನ್ನು ಲೈಕ್ ಮಾಡಿ, ಪ್ರಮುಖ ಸುದ್ದಿಗಳ ಅಪ್‌ಡೇಟ್ಸ್ ಪಡೆಯಿರಿ.

ಪ್ರಜಾವಾಣಿಯನ್ನು ಟ್ವಿಟರ್‌ನಲ್ಲಿ ಇಲ್ಲಿ ಫಾಲೋ ಮಾಡಿ.

ಟೆಲಿಗ್ರಾಂ ಮೂಲಕ ನಮ್ಮ ಸುದ್ದಿಗಳ ಅಪ್‌ಡೇಟ್ಸ್ ಪಡೆಯಲು ಇಲ್ಲಿ ಕ್ಲಿಕ್ ಮಾಡಿ.

ಈ ವಿಭಾಗದಿಂದ ಇನ್ನಷ್ಟು