ಬೆಂಗಳೂರು: ಟೀಂ ಇಂಡಿಯಾದ ಮಾಜಿ ಕ್ರಿಕೆಟಿಗ ಮಹೇಂದ್ರ ಸಿಂಗ್ ಧೋನಿ, ಸದಾ ವಿವಿಧ ಸ್ಟೈಲಿಶ್ ಲುಕ್ ಮೂಲಕ ಸದ್ದು ಮಾಡುತ್ತಿರುತ್ತಾರೆ.
ಚೆನ್ನೈ ಸೂಪರ್ ಕಿಂಗ್ಸ್, ಎಂ. ಎಸ್. ಧೋನಿ ಅವರ ನ್ಯೂ ಲುಕ್ ಫೋಟೊ ಒಂದನ್ನು ತಂಡದ ಟ್ವಿಟರ್ ಖಾತೆಯಲ್ಲಿ ಪೋಸ್ಟ್ ಮಾಡಿದೆ.
ಧೋನಿ, ಮಗಳು ಝಿವಾ ಜತೆಗೆ ರಜೆ ಕಳೆಯುತ್ತಿರುವ ಚಿತ್ರ ಇಂಟರ್‌‌ನೆಟ್‌ನಲ್ಲಿ ವೈರಲ್ ಆಗಿದ್ದು, ಧೋನಿಯ ಮೀಸೆ ಕುರಿತು ಜೋರಾದ ಚರ್ಚೆ ನಡೆದಿದೆ.
ಧೋನಿ ಹೇರ್‌ಸ್ಟೈಲ್ ಪ್ರತಿ ಬಾರಿ ಸುದ್ದಿಯಾಗುತ್ತಿದ್ದರೆ, ಈ ಬಾರಿ ಮೀಸೆಯ ಕುರಿತು ಜನರು ಟ್ವಿಟರ್‌ನಲ್ಲಿ ಟ್ವೀಟ್ ಮಾಡಿದ್ದಾರೆ. ಧೋನಿಯ ಹೊಸ ಸ್ಟೈಲಿಶ್ ಲುಕ್ ಅನ್ನು ಸಿಂಘಂ ಚಿತ್ರಕ್ಕೆ ಹೋಲಿಸಿದರೆ, ಮತ್ತೆ ಕೆಲವರು ಧೋನಿ ಹೊಸ ಮೀಸೆಯ ವಿನ್ಯಾಸ ಚೆನ್ನಾಗಿ ಒಪ್ಪುತ್ತದೆ, ಅದನ್ನೇ ಮುಂದುವರಿಸಿ ಎಂದಿದ್ದಾರೆ.
