HR ಹೆಡ್ ಜೊತೆ ಸರಸವಾಡಿ ಸಿಕ್ಕಿಬಿದ್ದಿದ್ದ US ಟೆಕ್ ಕಂಪನಿ ಸಿಇಒ ರಾಜೀನಾಮೆ!

ಬೆಂಗಳೂರು : ತಮ್ಮದೇ ಕಂಪನಿಯ ಮಾನವ ಸಂಪನ್ಮೂಲ ವಿಭಾಗದ ಮಹಿಳಾ ಮುಖ್ಯ ಅಧಿಕಾರಿಯ ಜೊತೆ ಸರಸವಾಡಿ ಜಾಗತಿಕವಾಗಿ ಸುದ್ದಿಯಾಗಿದ್ದ ಅಮೆರಿಕದ ಟೆಕ್ ಕಂಪನಿ ‘ಅಸ್ಟ್ರೊನೊಮರ್’ ಸಿಇಒ ಆ್ಯಂಡಿ ಬೇರಾನ್ ತಮ್ಮ ಹುದ್ದೆಗೆ ರಾಜೀನಾಮೆ ಸಲ್ಲಿದ್ದಾರೆ.

ಆ್ಯಂಡಿ ಬೇರಾನ್ ರಾಜೀನಾಮೆ ನೀಡಿರುವುದಾಗಿ ಅಸ್ಟ್ರೊನೊಮರ್ ಕಂಪನಿಯು LinkedIn ನಲ್ಲಿ ತಿಳಿಸಿದೆ. 'ನಮ್ಮ ಕಂಪನಿಯು ಮೌಲ್ಯಗಳು ಮತ್ತು ಮಾನದಂಡಗಳಿಗೆ ಬದ್ಧವಾಗಿದೆ' ಎಂದು ರಾಜೀನಾಮೆಯನ್ನು ಸಮರ್ಥಿಸಿಕೊಂಡಿದೆ.

ಆ್ಯಂಡಿ ಹಾಗೂ ಎಚ್ಆರ್ ಹೆಡ್ ಕ್ಟಿಸ್ಟಿನ್ ಕ್ಯಾಬೊಟ್ ಕಾರ್ಯಕ್ರಮವೊಂದರಲ್ಲಿ ಸರಸ ಸಲ್ಲಾಪದಲ್ಲಿದ್ದಾಗ ಕ್ಯಾಮೆರಾ ಎದುರು ಸಿಕ್ಕಿಬಿದ್ದು ಫಜೀತಿ ಅನುಭವಿಸಿದ್ದರು. ಘಟನೆಯ ವಿಡಿಯೊ ಜಾಗತಿಕವಾಗಿ ಸದ್ದು ಮಾಡಿತ್ತು.

ಈ ಮೂಲಕ ಒಹಿಯೊ ರಾಜ್ಯದ ಸಿನ್ಸಿನಾಟಿ ಮೂಲದ ಅಸ್ಟ್ರೊನೊಮರ್ ಸಿಇಒ ಆ್ಯಂಡಿ ಬೇರಾನ್ ಹಾಗೂ ಮುಖ್ಯ ಮಾನವ ಸಂಪನ್ಮೂಲ ಅಧಿಕಾರಿಣಿಯಾದ ಕ್ಟಿಸ್ಟಿನ್ ಕ್ಯಾಬೊಟ್ ಸಂಬಂಧದಲ್ಲಿರುವುದು ಬಹಿರಂಗವಾಗಿತ್ತು.

ಸದ್ಯ ಕ್ಟಿಸ್ಟಿನ್ ಕ್ಯಾಬೊಟ್ ಅವರನ್ನು ಕಡ್ಡಾಯ ರಜೆ ಮೇಲೆ ಕಳುಹಿಸಿ ಕಂಪನಿ ಆದೇಶಿಸಿದೆ.

. ಬೋಸ್ಟನ್ನ ಗಿಲ್ಲೇಟ್ ಸ್ಟೇಡಿಯಂನಲ್ಲಿ ಅದ್ಧೂರಿ ಸಂಗೀತ ಕಾರ್ಯಕ್ರಮವೊಂದರಲ್ಲಿ ಆ್ಯಂಡಿ ಹಾಗೂ ಕ್ಟಿಸ್ಟಿನ್ ಭಾಗವಹಿಸಿದ್ದರು. ಕ್ರೀಡಾಂಗಣದಲ್ಲಿ ದೊಡ್ಡ ದೊಡ್ಡ ಎಲೆಕ್ಟ್ರಾನಿಕ್ ಪರದೆಗಳನ್ನು ಹಾಕಲಾಗಿತ್ತು. ಕಾರ್ಯಕ್ರಮದಲ್ಲಿ ಕ್ಯಾಮೆರಾಮೆನ್ ಮಾಡಿದ ಕೈಚಳಕದಿಂದ ಕ್ಟಿಸ್ಟಿನ್ ಅವರ ಜೊತೆ ಆ್ಯಂಡಿ ಬೇರಾನ್ ಆತ್ಮೀಯವಾಗಿರುವ ದೃಶ್ಯ ಪರದೆಯಲ್ಲಿ ಬಿತ್ತರವಾಗಿತ್ತು. ಇದನ್ನು ಗಮನಿಸಿದ ಅವರು ತಕ್ಷಣವೇ ಅಡಗಿಕೊಳ್ಳಲು ಯತ್ನಿಸಿದ್ದಾರೆ. ಅದೇ ವೇಳೆ ಯಾರೋ ಕಿಡಿಗೇಡಿಗಳು ಈ ಘಟನೆಯನ್ನು ವಿಡಿಯೊ ಮಾಡಿಕೊಂಡು ಸಾಮಾಜಿಕ ಜಾಲತಾಣಗಳಲ್ಲಿ ಹರಿಬಿಟ್ಟಿದ್ದಾರೆ.

ಈ ವಿಡಿಯೊ ಜಾಲತಾಣಗಳಲ್ಲಿ ಸಾಕಷ್ಟು ಹರಿದಾಡುತ್ತಿದ್ದು ಟ್ರೋಲ್ಗಳಿಗೂ ಕಾರಣವಾಗಿದೆ. ಅಲ್ಲದೇ ಪರ–ವಿರೋಧದ ವ್ಯಾಪಕ ಚರ್ಚೆಗಳಿಗೂ ಕಾರಣವಾಗಿತ್ತು.

ಘಟನೆಯಿಂದ ತೀವ್ರ ಮುಜುಗರಕ್ಕೆ ಒಳಗಾಗಿರುವ ಆ್ಯಂಡಿ ಬೇರಾನ್ ಅವರು ತಮ್ಮ ಪತ್ನಿ ಮೇಗನ್ ಹಾಗೂ ಇಬ್ಬರು ಮಕ್ಕಳು ಮತ್ತು ಕಂಪನಿಯ ಸಿಬ್ಬಂದಿ ಬಳಿ ಕ್ಷಮೆ ಕೇಳಿದ್ದರು. ‘ಘಟನೆ ನಡೆದಾಗ ನಾನು ತೋರಿದ ವರ್ತನೆ ನನಗೆ ನಾಚಿಕೆ ತರಿಸಿದೆ. ಇದು ನನ್ನ ಖಾಸಗಿ ವಿಷಯ. ಆದರೆ, ಬೇರೆಯವರ ಖಾಸಗಿ ಕ್ಷಣಗಳನ್ನು ಹೀಗೆ ಬಹಿರಂಗಗೊಳಿಸುವುದು ಎಷ್ಟು ಸರಿ? ಅದರ ಪರಿಣಾಮ ಹೇಗಿರುತ್ತದೆ. ಈ ರೀತಿ ಮಾಡುವುದು ಸರಿ ಅಲ್ಲ’ ಎಂದು ಕಿಡಿಕಾರಿದ್ದರು.

ಕ್ಟಿಸ್ಟಿನ್ ಕ್ಯಾಬೊಟ್ ಅವರು ತಮ್ಮ ಪತಿ ಕೆನೆತ್ ತೋರ್ನ್ಬಿ ಹಾಗೂ ಇಬ್ಬರು ಮಕ್ಕಳನ್ನು ಹೊಂದಿದ್ದಾರೆ.

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

HR ಹೆಡ್ ಜೊತೆ ಸರಸವಾಡಿ ಸಿಕ್ಕಿಬಿದ್ದಿದ್ದ US ಟೆಕ್ ಕಂಪನಿ ಸಿಇಒ ರಾಜೀನಾಮೆ!

ಚಿನಕುರುಳಿ | ಭಾನುವಾರ, 20 ಜುಲೈ 2025

ವಾರ ಭವಿಷ್ಯ: 20-7-2025ರಿಂದ 26-7-2025 ರವರೆಗೆ

Greater Bengaluru | ಬಿಬಿಎಂಪಿ: ಐದು ನಗರ ಪಾಲಿಕೆಗಳಾಗಿ ಹೋಳು

Greater Bengaluru | ಐದು ನಗರ ಪಾಲಿಕೆಗಳ ಗಡಿ

ಕುಸ್ತಿ: ಭಾರತ ಮಹಿಳೆಯರಿಗೆ ತಂಡ ಪ್ರಶಸ್ತಿ

ಬ್ಯಾಸ್ಕೆಟ್‌ಬಾಲ್‌: ರಾಜ್‌ಕುಮಾರ್‌ ಬಿ.ಸಿ ತಂಡಕ್ಕೆ ಜಯ

ಮೂರು WTC ಫೈನಲ್‌ಗಳಿಗೆ ಇಂಗ್ಲೆಂಡ್ ಆತಿಥ್ಯ: ICC ಸಭೆಯಲ್ಲಿ ಮಹತ್ವದ ನಿರ್ಣಯ

ಬಿ.ಸಿ. ರಾಯ್‌ ಫುಟ್‌ಬಾಲ್‌ ಟ್ರೋಫಿ: ಅಮೃತಸರದಲ್ಲಿ ಕರ್ನಾಟಕ ತಂಡಕ್ಕೆ ಜಯ

ಒಳನೋಟ | ಬದಲಾಗುತ್ತಿದೆಯೇ ಅವಿಭಜಿತ ದಕ್ಷಿಣ ಕನ್ನಡ

ಒಳನೋಟ: ವ್ಯಾಮೋಹದ ಜಿಮ್‌, ಸ್ಟೆರಾಯ್ಡ್‌

ಒಳನೋಟ | ಬೇಸಾಯಕ್ಕೆ ಯುವಜನ ಬೇಕಾಗಿದ್ದಾರೆ! ಕೃಷಿ ಒಲ್ಲೆ ಎನ್ನುವವರೇ ಹೆಚ್ಚು

ಒಳನೋಟ: ಸೋರುವ ಕೊಠಡಿಯಲ್ಲೇ ಕಲಿಕೆ!

ಚಿನಕುರುಳಿ | ಭಾನುವಾರ, 20 ಜುಲೈ 2025

ವಾರ ಭವಿಷ್ಯ: 20-7-2025ರಿಂದ 26-7-2025 ರವರೆಗೆ

Greater Bengaluru | ಬಿಬಿಎಂಪಿ: ಐದು ನಗರ ಪಾಲಿಕೆಗಳಾಗಿ ಹೋಳು

Greater Bengaluru | ಐದು ನಗರ ಪಾಲಿಕೆಗಳ ಗಡಿ