ರಿಕಿ ಕೇಜ್ ಅವರ ಸಂಗೀತ ಎಂದರೆ ಕೇವಲ ಗಾಯನವಲ್ಲ, ವಾದ್ಯ ನುಡಿಸಾಣಿಕೆ ಮಾತ್ರವೇ ಅಲ್ಲ, ಅದು ಪರಿಸರ ಕಾಳಜಿ. ಪರಿಸರ ಸಾಂಗತ್ಯದೊಂದಿಗೆ ಸ್ವರ ಸಂಯೋಜನೆ ಮಾಡುವ ಅವರು ವಿಶ್ವದ ಪ್ರಮುಖ ಪಕೃತಿ ಸಂರಕ್ಷಕ ಎಂಬ ಕೀರ್ತಿಗೆ ಪಾತ್ರರಾಗಿದ್ದಾರೆ. ಭಾರತೀಯ ಸಂಗೀತವನ್ನು ಆಧಾರವಾಗಿಟ್ಟುಕೊಂಡು ಸಮಕಾಲೀನ ಸಂಗೀತ ಸಂಯೋಜನೆ ಮಾಡುವಲ್ಲಿ ಸಿದ್ಧಹಸ್ತರು. ಜಗತ್ತಿನ ಹಲವು ಪ್ರಕಾರದ ಸಂಗೀತವನ್ನು ಒಂದೇ ವೇದಿಕೆಯ ಮೇಲೆ ತಂದು ಸೈ ಎನಿಸಿಕೊಂಡಿದ್ದಾರೆ, 30ಕ್ಕೂ ಹೆಚ್ಚು ದೇಶಗಳಲ್ಲಿ ಕಾರ್ಯಕ್ರಮ ನೀಡಿದ್ದಾರೆ. ಸಂಗೀತದ ಮೂಲಕ ಹಲವು ದೇಶಗಳ ನಡುವೆ ಸಾಮರಸ್ಯ ಸೃಷ್ಟಿಸುತ್ತಿರುವ ಅವರು ಭಾಷೆ, ದೇಶಗಳನ್ನು ಮೀರಿದ್ಧಾರೆ. ರಾಜಸ್ತಾನ ಮೂಲದವರಾದ ರಿಕಿ ಕೇಜ್ ಕರ್ನಾಟಕದ ಜೊತೆ ಅವಿನಾಭಾವ ಸಂಬಂಧ ಹೊಂದಿದ್ದಾರೆ. ಅವರ ಎರಡು ಹಿತಾನುಭವ ಈ ವಾರದ ‘ಜಸ್ಟ್ ಮ್ಯೂಸಿಕ್’ ಸರಣಿಯಲ್ಲಿವೆ.