ಮೆಹುಲ್ ಚೋಕ್ಸಿ ನನ್ನ ಶುಗರ್ ಡ್ಯಾಡಿಯಲ್ಲ. ನಾನು ಅವರ ಗರ್ಲ್ ಫ್ರೆಂಡ್ ಅಲ್ಲ ಎಂದು ಬಾರ್ಬರಾ ಜರಾಬಿಕಾ ಎಎನ್ಐ ಸಂದರ್ಶನದಲ್ಲಿ ಸ್ಪಷ್ಟಪಡಿಸಿದ್ದಾರೆ. ನನ್ನ ಅಪಹರಣದ ಹಿಂದೆ ನನ್ನ ಗರ್ಲ್ಫ್ರೆಂಡ್ ಬಾರ್ಬರಾ ಜರಾಬಿಕಾ ಕೈವಾಡವಿದೆ ಎಂದು ಚೋಕ್ಸಿ, ಆಂಟಿಗುವಾ ಪೊಲೀಸರಿಗೆ ನೀಡಿದ್ದ ದೂರಿನಲ್ಲಿ ತಿಳಿಸಿದ್ದರು. ಇದೀಗ, ಈ ಬಗ್ಗೆ ಬಾರ್ಬರಾ ಜಬಾರಿಕಾ ಸ್ಪಷ್ಟನೆ ನೀಡಿದ್ದಾರೆ. ಪಂಜಾಬ್ ನ್ಯಾಶನಲ್ ಬ್ಯಾಂಕಿಗೆ 13 ಸಾವಿರ ಕೋಟಿ ರೂಪಾಯಿ ವಂಚನೆ ಪ್ರಕರಣದಲ್ಲಿ ಭಾರತಕ್ಕೆ ಹಸ್ತಾಂತರ ಪ್ರಕ್ರಿಯೆಯ ಕಾನೂನು ಹೋರಾಟದಲ್ಲಿ ತೊಡಗಿರುವ ಚೋಕ್ಸಿ, ಸದ್ಯ ಡೊಮಿನಿಕಾದಲ್ಲಿದ್ದಾರೆ. ಅಲ್ಲಿಯೂ ಅಕ್ರಮ ಪ್ರವೇಶದ ಆರೋಪ ಹೊತ್ತಿದ್ದಾರೆ.