ಮ್ಯಾನ್ಮಾರ್: ಎನ್‌ಎಲ್‌ಡಿ ಪಕ್ಷದ ಪ್ರಧಾನ ಕಚೇರಿ ಮೇಲೆ ಸೇನೆ ದಾಳಿ
ಅಕ್ಷರ ಗಾತ್ರ :ಆ |ಆ |ಆ
ಯಾಂಗೂನ್‌: ಮ್ಯಾನ್ಮಾರ್‌ನ ಮಿಲಿಟರಿ ಪಡೆಯು ಯಾಂಗೂನ್‌ನಲ್ಲಿರುವ ನ್ಯಾಷನಲ್ ಲೀಗ್ ಫಾರ್ ಡೆಮಾಕ್ರಸಿ (ಎನ್‌ಎಲ್‌ಡಿ) ಪಕ್ಷದ ಪ್ರಧಾನ ಕಚೇರಿಯ ಬೀಗವನ್ನು ಮಂಗಳವಾರ ರಾತ್ರಿ ಮುರಿದು, ಬಾಗಿಲುಗಳನ್ನು ಒಡೆದು ಕಚೇರಿಯನ್ನು ಧ್ವಂಸಗೊಳಿಸಿದೆ.
ಮಿಲಿಟರಿ ಪಡೆಯ ಈ ದಾಳಿಯ ದೃಶ್ಯವನ್ನು ಕಚೇರಿಯ ಕಾವಲುಗಾರರು ಸಿಸಿಟಿವಿ ಕ್ಯಾಮೆರಾಗಳ ಮೂಲಕ ವೀಕ್ಷಿಸಿದರೂ ಅಸಹಾಯಕರಾಗಿದ್ದರು.
‘ವಿಷಯ ಗೊತ್ತಾದ ಕೂಡಲೇ ಸ್ಥಳಕ್ಕೆ ಹೋಗಲು ಮುಂದಾದೆವು, ಆದರೆ ಮಿಲಿಟರಿ ಆಡಳಿತ ಕರ್ಫ್ಯೂ ಹೇರಿದ್ದ ಕಾರಣ ಹೋಗಲಾಗಲಿಲ್ಲ’ ಎಂದು ಪಕ್ಷದ ಪ್ರಧಾನ ಕಚೇರಿಯ ಉಸ್ತುವಾರಿ ಸೋ ವಿನ್ ತಿಳಿಸಿದ್ದಾರೆ.
‘ಮಿಲಿಟರಿ ಸರ್ವಾಧಿಕಾರಿ ದಾಳಿ ನಡೆಸಿ ಪಕ್ಷದ ಕಚೇರಿಯನ್ನು ಧ್ವಂಸಗೊಳಿಸಿದ್ದಾರೆ’ ಎಂದು ಎನ್‌ಎಲ್‌ಡಿ ದೂರಿದೆ. ಕಳೆದ ವಾರವಷ್ಟೇ ನಾಯಕಿ ಆಂಗ್‌ ಸಾನ್‌ ಸೂಕಿ ಅವರನ್ನು ದಂಗೆಯ ಮೂಲಕ ಸೇನೆ ಪದಚ್ಯುತಗೊಳಿಸಿತ್ತು.
ಕೇಂದ್ರ ಬಜೆಟ್ 2021 ಪೂರ್ಣ ಮಾಹಿತಿ ಇಲ್ಲಿದೆ
ತಾಜಾ ಸುದ್ದಿಗಳಿಗಾಗಿ ಪ್ರಜಾವಾಣಿ ಆ್ಯಪ್ ಡೌನ್‌ಲೋಡ್ ಮಾಡಿಕೊಳ್ಳಿ: ಆಂಡ್ರಾಯ್ಡ್ ಆ್ಯಪ್ | ಐಒಎಸ್ ಆ್ಯಪ್
ಪ್ರಜಾವಾಣಿ ಫೇಸ್‌ಬುಕ್ ಪುಟವನ್ನುಫಾಲೋ ಮಾಡಿ.
