ಗುರುವಾರ , ಫೆಬ್ರವರಿ 25, 2021
28 °C

ಪೌರತ್ವ ಗುರುತು: ಟ್ರಂಪ್ ಆದೇಶ ಹಿಂಪಡೆದ ಬೈಡನ್

ಪಿಟಿಐ/ ರಾಯಿಟರ್ಸ್‌ Updated:

ಅಕ್ಷರ ಗಾತ್ರ : | |

Prajavani

ವಾಷಿಂಗ್ಟನ್: 2020ರ ಗಣತಿಯ ಅಂಕಿ ಅಂಶಗಳನ್ನು ಆಧರಿಸಿ ಜನರ ಪೌರತ್ವ ಹಾಗೂ ಅವರ ವಯಸ್ಸು ಕುರಿತ ದತ್ತಾಂಶ ಸಿದ್ಧಪಡಿಸುವ ಪ್ರಕ್ರಿಯೆಯನ್ನು ಅಮೆರಿಕದ ಜನಗಣತಿ ಸಂಸ್ಥೆ ಕೈಬಿಟ್ಟಿದೆ. ಈ ಮೂಲಕ ಟ್ರಂಪ್‌ ಆಡಳಿತ ಕೈಗೊಂಡಿದ್ದ ಮತ್ತೊಂದು ನಿರ್ಧಾರವನ್ನು ನೂತನ ಜೋ ಬೈಡನ್‌ ಆಡಳಿತವು ಹಿಂದೆ ಪಡೆದಿದೆ.

ಈ ಕುರಿತು ಆದೇಶಕ್ಕೆ ಜೋ ಬೈಡನ್ ಈಗಾಗಲೇ ಸಹಿ ಹಾಕಿದ್ದಾರೆ. ಈ ಸಂಬಂಧ ಹೇಳಿಕೆಯಲ್ಲಿ, ಜನಗಣತಿ ಸಂಸ್ಥೆಯು ಪೌರತ್ವ ಮತ್ತು ವಯಸ್ಸು ಆಧರಿಸಿದ ದತ್ತಾಂಶ ಸಿದ್ಧಪಡಿಸುವ ಪ್ರಕ್ರಿಯೆಯನ್ನು ಕೈಬಿಡಲಾಗಿದೆ. 2020ರ ಗಣತಿಗೆ ಸಂಬಂಧಿಸಿದ ಟ್ರಂಪ್ ಅವರ ಎರಡು ನಿರ್ದೇಶನಗಳನ್ನು ಕೈಬಿಡಲು ನಿರ್ಧರಿಸಲಾಗಿದೆ ಎಂದಿದೆ.

ಮೊದಲನೆಯದು ಅಮೆರಿಕದ ಪ್ರತಿ ನಾಗರಿಕರ ಪೌರತ್ವವನ್ನು ದಾಖಲೆಗಳನ್ನು ಆಧರಿಸಿ ಗ್ರಹಿಸುವುದು, ಎರಡನೆಯದು ಪೌರತ್ವವಿಲ್ಲದ, ನಿಯಮಬಾಹಿರವಾಗಿ ಇರುವ ನಾಗರಿಕರನ್ನು ಪ್ರತ್ಯೇಕಗೊಳಿಸುವುದು ಎಂದು ಸಂಸ್ಥೆಯು ತಿಳಿಸಿದೆ.

ಟ್ರಂಪ್‌ ಅವರ ವಾಣಿಜ್ಯ ಕಾರ್ಯದರ್ಶಿ ವಿಲ್ಬರ್ ರಾಸ್ ಅವರು, ಬ್ಲಾಕ್ ಹಂತದ ಪೌರತ್ವ ಅಂಕಿ ಅಂಶ ಒದಗಿಸಬೇಕು ಎಂದು 2018ರಲ್ಲಿ ಆದೇಶಿಸಿದ್ದರು. ಬೈಡನ್‌ ಅವರ ಆದೇಶದ ನಂತರ ಜನಗಣತಿ ಸಂಸ್ಥೆಯು, ಗಣತಿಗೆ ಸಂಬಂಧಿತ ಯಾವುದೇ ದಾಖಲೆ ಭೂಪ್ರದೇಶ ಆಧರಿಸಿ ವಲಸಿಗರು ಅಥವಾ ಪೌರತ್ವ ಕುರಿತ ಮಾಹಿತಿ ಹೊಂದಿರುವುದಿಲ್ಲ ಎಂದಿದೆ.

ಕೇಂದ್ರ ಬಜೆಟ್ 2021 ಪೂರ್ಣ ಮಾಹಿತಿ ಇಲ್ಲಿದೆ

ತಾಜಾ ಸುದ್ದಿಗಳಿಗಾಗಿ ಪ್ರಜಾವಾಣಿ ಆ್ಯಪ್ ಡೌನ್‌ಲೋಡ್ ಮಾಡಿಕೊಳ್ಳಿ: ಆಂಡ್ರಾಯ್ಡ್ ಆ್ಯಪ್ | ಐಒಎಸ್ ಆ್ಯಪ್

ಪ್ರಜಾವಾಣಿ ಫೇಸ್‌ಬುಕ್ ಪುಟವನ್ನುಫಾಲೋ ಮಾಡಿ.

ಈ ವಿಭಾಗದಿಂದ ಇನ್ನಷ್ಟು