ಟಿಕ್ಟಾಕ್ ಮಾರಾಟ: ಸೆಪ್ಟೆಂಬರ್ 15ರ ಗಡುವು ವಿಸ್ತರಿಸಲ್ಲ ಎಂದ ಡೊನಾಲ್ಡ್ ಟ್ರಂಪ್
ಅಕ್ಷರ ಗಾತ್ರ :ಆ |ಆ |ಆ
ವಾಷಿಂಗ್ಟನ್: ಟಿಕ್ಟಾಕ್ ಅನ್ನು ಮಾರಾಟ ಮಾಡಲು ಅಥವಾ ಸ್ಥಗಿತಗೊಳಿಸಲು ಚೀನಾದ ಬೈಟ್‌ಡ್ಯಾನ್ಸ್ ಕಂಪನಿಗೆ ವಿಧಿಸಲಾಗಿರುವ ಸೆಪ್ಟೆಂಬರ್ 15ರ ಗಡುವನ್ನು ವಿಸ್ತರಿಸುವುದಿಲ್ಲ ಎಂದು ಅಮೆರಿಕದ ಅಧ್ಯಕ್ಷ ಡೊನಾಲ್ಡ್ ಟ್ರಂಪ್ ಹೇಳಿದ್ದಾರೆ.
ಮಿಷಿಗನ್‌ಗೆ ಚುನಾವಣಾ ಪ್ರಚಾರ ರ್‍ಯಾಲಿಯಲ್ಲಿ ಭಾಗವಹಿಸಲು ತೆರಳುವುದಕ್ಕೂ ಮುನ್ನ ಮಾತನಾಡಿದ ಅವರು, ‘ಭದ್ರತಾ ಕಾರಣಗಳಿಗಾಗಿ ದೇಶದಲ್ಲಿ ಚೀನಾ ಕಂಪನಿಯು ಟಿಕ್ಟಾಕ್ ಅನ್ನು ಸ್ಥಗಿತಗೊಳಿಸಬೇಕಿದೆ ಅಥವಾ ಮಾರಾಟ ಮಾಡಬೇಕಿದೆ. ಏನಾಗುತ್ತದೆ ನೋಡೋಣ’ ಎಂದು ಹೇಳಿದ್ದಾರೆ.
ಇದನ್ನೂ ಓದಿ: PUBG Ban: ಪಬ್ಜಿ, ವಿಚಾಟ್ ವರ್ಕ್ ಸೇರಿ 118 ಮೊಬೈಲ್ ಆ್ಯಪ್‌ಗಳಿಗೆ ನಿಷೇಧ
ಟಿಕ್ಟಾಕ್ ಅನ್ನು ಮಾರಾಟ ಮಾಡುವಂತೆ ಅಥವಾ ಸ್ಥಗಿತಗೊಳಿಸುವಂತೆ ಬೈಟ್‌ಡ್ಯಾನ್ಸ್ ಕಂಪನಿಗೆ ಆಗಸ್ಟ್‌ನಲ್ಲಿ ಅಮೆರಿಕ ಸರ್ಕಾರ ಸೂಚಿಸಿತ್ತು.
ಟಿಕ್ಟಾಕ್ ಮತ್ತು ವಿಚಾಟ್‌ನಂತಹ ಆ್ಯಪ್‌ಗಳು ಚೀನಾದ ಭದ್ರತಾ ಸಂಸ್ಥೆಗಳಿಗೆ ನೇರವಾಗಿ ದತ್ತಾಂಶಗಳನ್ನು ಒದಗಿಸಿಕೊಡುತ್ತಿವೆ ಎಂದು ಅಮೆರಿಕದ ವಿದೇಶಾಂಗ ಕಾರ್ಯದರ್ಶಿ ಮೈಕ್‌ ಪಾಂಪಿಯೊ ಕಳೆದ ತಿಂಗಳು ಆರೋಪಿಸಿದ್ದರು.
ಪ್ರಜಾವಾಣಿ ಫೇಸ್‌ಬುಕ್ ಪುಟವನ್ನು ಲೈಕ್ ಮಾಡಿ, ಪ್ರಮುಖ ಸುದ್ದಿಗಳ ಅಪ್‌ಡೇಟ್ಸ್ ಪಡೆಯಿರಿ.
ಪ್ರಜಾವಾಣಿಯನ್ನು ಟ್ವಿಟರ್‌ನಲ್ಲಿ ಇಲ್ಲಿ ಫಾಲೋ ಮಾಡಿ.
ಟೆಲಿಗ್ರಾಂ ಮೂಲಕ ನಮ್ಮ ಸುದ್ದಿಗಳ ಅಪ್‌ಡೇಟ್ಸ್ ಪಡೆಯಲು ಇಲ್ಲಿ ಕ್ಲಿಕ್ ಮಾಡಿ.
