‘ಜಿ–7’ ಶೃಂಗಕ್ಕೆ ಸಿಂಗಾರಗೊಂಡ ಕಾರ್ನ್‌ವೆಲ್‌

ಫಾಲ್ಮೌಥ್, ಬ್ರಿಟನ್: ಬ್ರಿಟನ್ನ ವಾಯವ್ಯ ಭಾಗದಲ್ಲಿ, ಕಡಲತೀರದ ನಗರ ಕಾರ್ನ್ವೆಲ್ ಪ್ರವಾಸಿಗರಿಂದ ಗಿಜಿಗುಡುವ ಬೀಚ್ನಿಂದ, ಸಮುದ್ರದ ತೆರೆಗಳ ಏರಿಳಿತದೊಂದಿಗೆ ಆಟವಾಡಿ ಸಂಭ್ರಮಿಸುವುದಕ್ಕೆ ಪ್ರಸಿದ್ಧಿ.

. ಆದರೆ, ಈಗ ಈ ನಗರ ಬೇರೆಯೇ ಕಾರಣಕ್ಕಾಗಿ ಗಮನ ಸೆಳೆಯುತ್ತಿದೆ. ಆಳೆತ್ತರದ ಕಬ್ಬಿಣದ ಸರಳುಗಳನ್ನು ಬಳಸಿ ಹಾಕಿರುವ ಬೇಲಿಗಳು, ಬಿಗಿ ಬಂದೋಬಸ್ತ್ಗಾಗಿ ನೂರಾರು ಜನ ಪೊಲೀಸರ ನಿಯೋಜನೆ, ಮೋಜು ಕಾಣುತ್ತಿದ್ದ ಬೀಚ್ನಲ್ಲಿ ಪ್ರತಿಭಟನೆ, ಧಿಕ್ಕಾರದ ಕೂಗುಗಳು ಕೇಳಿಸುತ್ತಿವೆ.

. ಏಳು ಬಲಿಷ್ಠ ರಾಷ್ಡ್ರಗಳ ಒಕ್ಕೂಟವಾದ ‘ಜಿ–7’ನ ಶೃಂಗಸಭೆ ಇಂದಿನಿಂದ ಭಾನುವಾರದವರೆಗೆ ನಡೆಯುತ್ತಿರುವುದು ಇಂಥ ವಿದ್ಯಮಾನಗಳಿಗೆ ಕಾರಣವಾಗಿದೆ.

. ಅಮೆರಿಕ ಅಧ್ಯಕ್ಷ ಜೋ ಬೈಡನ್ ಅವರಲ್ಲದೇ, ಕೆನಡಾ, ಫ್ರಾನ್ಸ್, ಜರ್ಮನಿ, ಇಟಲಿ ಹಾಗೂ ಜಪಾನ್ನ ನಾಯಕರು ಇಲ್ಲಿ ಬಂದಿಳಿಯಲಿದ್ದು, ಸಮೀಪದ ಗ್ರಾಮ ಕಾರ್ಬಿಸ್ ಬೇ ಎಂಬಲ್ಲಿ ಮೂರು ದಿನಗಳ ಕಾಲ ನಡೆಯುವ ಶೃಂಗಸಭೆಯಲ್ಲಿ ಪಾಲ್ಗೊಳ್ಳುವರು.

. ಹವಾಮಾನ ಬದಲಾವಣೆ ತಡೆಗಟ್ಟಲು ಕ್ರಮ ಕೈಗೊಳ್ಳಬೇಕು, ಕೋವಿಡ್ ಲಸಿಕೆಯ ಉತ್ಪಾದನೆಗೆ ಅಡ್ಡಿಯಾಗಿರುವ ಬೌದ್ಧಿಕಆಸ್ತಿ ಹಕ್ಕುಗಳಿಗೆ ಸಂಬಂಧಿಸಿದ ನಿಯಮಗಳನ್ನು ಸಡಿಲಗೊಳಿಸಬೇಕು ಎಂದು ಒತ್ತಾಯಿಸಿ ಪ್ರತಿಭಟನೆಗಳು ಆರಂಭವಾಗಿವೆ.

. ಕಡಲ ಕಿನಾರೆಯಲ್ಲೂ ಭದ್ರತಾ ಪಡೆಗಳನ್ನು ನಿಯೋಜಿಸಲಾಗಿದೆ. 3,000ಕ್ಕೂ ಹೆಚ್ಚು ಅಧಿಕಾರಿಗಳಿಗೆ ಸ್ಥಳಾವಕಾಶ ಕಲ್ಪಿಸುವ ಬೃಹತ್ ಹಡಗನ್ನು ಸ್ಥಳೀಯ ಆಡಳಿತ ಬಾಡಿಗೆಗೆ ಪಡೆದಿದೆ. ಒಟ್ಟಾರೆ, ಈ ಶೃಂಗಸಭೆಗೆ ಯಾವುದೇ ರೀತಿಯ ಅಡ್ಡಿ ಆಗಬಾರದು ಎಂದು ಇಲ್ಲಿನ ಆಡಳಿತ ಹಲವಾರು ಮುಂಜಾಗ್ರತಾ ಕ್ರಮಗಳನ್ನು ಕೈಗೊಂಡಿದೆ.

. ಇಲ್ಲಿನ ಪ್ರಮುಖ ರಸ್ತೆಯನ್ನು ಒಂದು ವಾರದ ಅವಧಿಗೆ ಬಂದ್ ಮಾಡಲಾಗಿದೆ. ಲೋಕಲ್ ಟ್ರೇನ್ಗಳ ಸಂಚಾರವನ್ನೂ ಸ್ಥಗಿತಗೊಳಿಸಲಾಗಿದೆ.

. ಕಾರ್ಬಿಸ್ ಬೇ ಗ್ರಾಮದ ‘ಟ್ರೆಗಾನಾ ಕ್ಯಾಸಲ್’ನಲ್ಲಿ ಏಳು ರಾಷ್ಟ್ರಗಳ ನಾಯಕರು ತಂಗಲಿರುವ ಕಾರಣ, ಈ ಹೋಟೆಲ್ಗೆ ಬಿಗಿ ಭದ್ರತೆ ಒದಗಿಸಲಾಗಿದೆ. ಈ ಹೋಟೆಲ್ ಸುತ್ತ ಮೂರು ಮೀಟರ್ ಎತ್ತರ, ಲೋಹದ ಬೇಲಿ ಹಾಕಲಾಗಿದ್ದು, ಅದಕ್ಕೆ ‘ರಿಂಗ್ ಆಫ್ ಸ್ಟೀಲ್’ ಎಂದು ಕರೆಯಲಾಗುತ್ತಿದೆ. ಒಟ್ಟಾರೆ, ಈ ಹೋಟೆಲ್ ಈಗ ಉಕ್ಕಿನ ಕೋಟೆಯಂತಾಗಿದೆ ಎನ್ನಬಹುದು.

. ಸಮೀಪವೇ ಇರುವ ಫಾಲ್ಮೌಥ್ ಪಟ್ಟಣದಲ್ಲಿ ಅಂತರರಾಷ್ಟ್ರೀಯ ಮಾಧ್ಯಮಗಳ ಪ್ರತಿನಿಧಿಗಳಿಗಾಗಿ ವ್ಯವಸ್ಥೆ ಮಾಡಲಾಗಿದ್ದು, ಅಲ್ಲಿಯೂ ವ್ಯಾಪಕ ಭದ್ರತೆಯನ್ನು ಕೈಗೊಳ್ಳಲಾಗಿದೆ.

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

‘ಜಿ–7’ ಶೃಂಗಕ್ಕೆ ಸಿಂಗಾರಗೊಂಡ ಕಾರ್ನ್‌ವೆಲ್‌

ಚಿನಕುರುಳಿ: ಮಂಗಳವಾರ, 16 ಸೆಪ್ಟೆಂಬರ್ 2025

ಚುರುಮುರಿ: ಟ್ರಂಪು ವರ್ಸಸ್‌ ಪಂಟ್ರು

ಸ್ವಂತ ಅಣ್ಣನಂತೆ ಮದ್ವೆ ಮಾಡಿಸಿದ್ರು: ನಿರ್ಮಾಪಕರ ನೆನೆದು ಕಣ್ಣೀರಿಟ್ಟ ಅನುಶ್ರೀ

ದಿನ ಭವಿಷ್ಯ: ದಾಖಲೆಯ ನಿರ್ವಹಣೆಯ ವಿಚಾರದಲ್ಲಿ ಕೆಲಸ ಪೂರ್ಣಗೊಳಿಸುವಿರಿ

ಕ್ಯಾ.ತಿಮ್ಮಪ್ಪಯ್ಯ ಸ್ಮಾರಕ ಕ್ರಿಕೆಟ್ ಟೂರ್ನಿ: ಹರ್ಷಿಲ್–ಅನೀಶ್ವರ್ ಶತಕದ ಜೊತೆಯಾಟ

ವ್ಹೀಲ್‌ಚೇರ್ ಟೆನಿಸ್ ಟೂರ್ನಿ ಇಂದು

ಪ್ರೊ ಕಬಡ್ಡಿ ಲೀಗ್‌ | ದೇವಾಂಕ್ ಮಿಂಚು: ಬೆಂಗಾಲ್‌ಗೆ ಗೆಲುವು

Asia Cup: ಅಫ್ಗಾನಿಸ್ತಾನ ಎದುರು ಬಾಂಗ್ಲಾದೇಶಕ್ಕೆ ರೋಚಕ ಗೆಲುವು

ಒಳನೋಟ: ಕಿರಾಣಿ ಅಂಗಡಿಗಳಿಗೆ ಗ್ರಹಣ

ಒಳನೋಟ | ನೆರೆ ಸಂತ್ರಸ್ತರ ತೀರದ ಬವಣೆ

Elephant Attack | ಆನೆ ದಾಳಿ ಸಂತ್ರಸ್ತರ ಅರಣ್ಯ ರೋದನ

ಒಳನೋಟ: ಬೆಳಗಾವಿ, ಮಹಾರಾಷ್ಟ್ರ ಗಡಿಯಲ್ಲಿ ಮದ್ಯ ಅಕ್ರಮ ಸಾಗಣೆ ನಿರಂತರ..!

ಚಿನಕುರುಳಿ: ಮಂಗಳವಾರ, 16 ಸೆಪ್ಟೆಂಬರ್ 2025

ಚುರುಮುರಿ: ಟ್ರಂಪು ವರ್ಸಸ್‌ ಪಂಟ್ರು

ಸ್ವಂತ ಅಣ್ಣನಂತೆ ಮದ್ವೆ ಮಾಡಿಸಿದ್ರು: ನಿರ್ಮಾಪಕರ ನೆನೆದು ಕಣ್ಣೀರಿಟ್ಟ ಅನುಶ್ರೀ

ದಿನ ಭವಿಷ್ಯ: ದಾಖಲೆಯ ನಿರ್ವಹಣೆಯ ವಿಚಾರದಲ್ಲಿ ಕೆಲಸ ಪೂರ್ಣಗೊಳಿಸುವಿರಿ