<p><strong>ಕೀವ್: </strong>‘ಘೋಸ್ಟ್ ಆಫ್ ಕೀವ್’ಎಂದೇ ಹೆಸರಾಗಿದ್ದ ಉಕ್ರೇನ್ನ ಫೈಟರ್ ಪೈಲಟ್ ಮೃತಪಟ್ಟಿರುವುದು ತಡವಾಗಿ ಬೆಳಕಿಗೆ ಬಂದಿದೆ. ಕಳೆದ ತಿಂಗಳು ಯುದ್ಧದಲ್ಲಿ ರಷ್ಯಾದ 40 ವಿಮಾನಗಳನ್ನು ಹೊಡೆದುರುಳಿಸಿದ ನಂತರ ಅವರನ್ನು ಕೊಲ್ಲಲಾಗಿದೆ ಎಂದು ಟೈಮ್ಸ್ ವರದಿ ಮಾಡಿದೆ.</p>.<p>ಸಾವಿನ ಬಳಿಕ ಅವರ ಹೆಸರನ್ನು 29 ವರ್ಷದ ಮೇಜರ್ ಸ್ಟೆಪನ್ ತಾರಾಬಾಲ್ಕ ಎಂದು ಬಹಿರಂಗಪಡಿಸಲಾಗಿದೆ. ಮಾಧ್ಯಮ ವರದಿಗಳ ಪ್ರಕಾರ, ಮಾರ್ಚ್ 13 ರಂದು ಶತ್ರು ಪಡೆಗಳ ವಿರುದ್ಧ ಹೋರಾಡುತ್ತಿರುವಾಗ ಸ್ಟೆಪನ್ ಚಲಾಯಿಸುತ್ತಿದ್ದ ಮಿಗ್–29ವಿಮಾನವನ್ನು ರಷ್ಯಾ ಪಡೆಗಳು ಹೊಡೆದುರುಳಿಸಿದ್ದು, ಈ ಸಂದರ್ಭ ಅವರ ಸಾವಾಗಿದೆ.</p>.<p>ಯುದ್ಧದ ಮೊದಲ ದಿನದಂದು ರಷ್ಯಾದ 6 ವಿಮಾನಗಳನ್ನು ಹೊಡೆದುರುಳಿಸಿದ ತಾರಾಬಾಲ್ಕ ಅವರನ್ನು ಉಕ್ರೇನ್ನ ‘ಗಾರ್ಡಿಯನ್ ಏಂಜೆಲ್’ಎಂದು ಅಲ್ಲಿನ ಸರ್ಕಾರ ಶ್ಲಾಘಿಸಿತ್ತು. ಆ ಸಮಯದಲ್ಲಿ, ಬಹುಶಃ ವಾಯುಪಡೆ ಕಾರ್ಯಾಚರಣೆಯ ರಹಸ್ಯದ ದೃಷ್ಟಿಯಿಂದ ಅವರ ಗುರುತನ್ನು ಬಹಿರಂಗಪಡಿಸಿರಲಿಲ್ಲ. ಬಳಿಕ ಅವರ ಸುತ್ತ ‘ಘೋಸ್ಟ್ ಆಫ್ ಕೀವ್’ಎಂಬ ಕಟ್ಟುಕಥೆಗಳು ಶುರುವಾಗಿದ್ದವು. ಅವರು ನಿಗೂಢ ವ್ಯಕ್ತಿಯಾಗಿಯೇ ಉಳಿದಿದ್ದರು.</p>.<p>ಜನರು ‘ಘೋಸ್ಟ್ ಆಫ್ ಕೀವ್’ಎಂದು ಕರೆಯಲ್ಪಡುವ ಅವರು ಈಗಾಗಲೇ ರಷ್ಯಾದ ಹಲವು ವಿಮಾನಗಳನ್ನು ಹೊಡೆದುರುಳಿಸುವ ಮೂಲಕ ದುಃಸ್ವಪ್ನವಾಗಿ ಕಾಡಿದ್ದಾರೆ ಎಂದು ಉಕ್ರೇನ್ನ ಅಧಿಕೃತ ಟ್ವಿಟರ್ ಹ್ಯಾಂಡಲ್ನಲ್ಲಿ ತಿಳಿಸಲಾಗಿದೆ.</p>.<p>ಇದನ್ನೂ ಓದಿ.. <a href="https://www.prajavani.net/world-news/russia-does-not-consider-itself-at-war-with-nato-blames-kyiv-for-talks-deadlock-932793.html"><strong>ಉಕ್ರೇನ್ ಸಂಘರ್ಷ ನ್ಯಾಟೊ ಜತೆಗಿನ ಯುದ್ಧವಲ್ಲ ಎಂದ ರಷ್ಯಾ: ಕಾರಣವೇನು?</strong></a><br /></p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ಕೀವ್: </strong>‘ಘೋಸ್ಟ್ ಆಫ್ ಕೀವ್’ಎಂದೇ ಹೆಸರಾಗಿದ್ದ ಉಕ್ರೇನ್ನ ಫೈಟರ್ ಪೈಲಟ್ ಮೃತಪಟ್ಟಿರುವುದು ತಡವಾಗಿ ಬೆಳಕಿಗೆ ಬಂದಿದೆ. ಕಳೆದ ತಿಂಗಳು ಯುದ್ಧದಲ್ಲಿ ರಷ್ಯಾದ 40 ವಿಮಾನಗಳನ್ನು ಹೊಡೆದುರುಳಿಸಿದ ನಂತರ ಅವರನ್ನು ಕೊಲ್ಲಲಾಗಿದೆ ಎಂದು ಟೈಮ್ಸ್ ವರದಿ ಮಾಡಿದೆ.</p>.<p>ಸಾವಿನ ಬಳಿಕ ಅವರ ಹೆಸರನ್ನು 29 ವರ್ಷದ ಮೇಜರ್ ಸ್ಟೆಪನ್ ತಾರಾಬಾಲ್ಕ ಎಂದು ಬಹಿರಂಗಪಡಿಸಲಾಗಿದೆ. ಮಾಧ್ಯಮ ವರದಿಗಳ ಪ್ರಕಾರ, ಮಾರ್ಚ್ 13 ರಂದು ಶತ್ರು ಪಡೆಗಳ ವಿರುದ್ಧ ಹೋರಾಡುತ್ತಿರುವಾಗ ಸ್ಟೆಪನ್ ಚಲಾಯಿಸುತ್ತಿದ್ದ ಮಿಗ್–29ವಿಮಾನವನ್ನು ರಷ್ಯಾ ಪಡೆಗಳು ಹೊಡೆದುರುಳಿಸಿದ್ದು, ಈ ಸಂದರ್ಭ ಅವರ ಸಾವಾಗಿದೆ.</p>.<p>ಯುದ್ಧದ ಮೊದಲ ದಿನದಂದು ರಷ್ಯಾದ 6 ವಿಮಾನಗಳನ್ನು ಹೊಡೆದುರುಳಿಸಿದ ತಾರಾಬಾಲ್ಕ ಅವರನ್ನು ಉಕ್ರೇನ್ನ ‘ಗಾರ್ಡಿಯನ್ ಏಂಜೆಲ್’ಎಂದು ಅಲ್ಲಿನ ಸರ್ಕಾರ ಶ್ಲಾಘಿಸಿತ್ತು. ಆ ಸಮಯದಲ್ಲಿ, ಬಹುಶಃ ವಾಯುಪಡೆ ಕಾರ್ಯಾಚರಣೆಯ ರಹಸ್ಯದ ದೃಷ್ಟಿಯಿಂದ ಅವರ ಗುರುತನ್ನು ಬಹಿರಂಗಪಡಿಸಿರಲಿಲ್ಲ. ಬಳಿಕ ಅವರ ಸುತ್ತ ‘ಘೋಸ್ಟ್ ಆಫ್ ಕೀವ್’ಎಂಬ ಕಟ್ಟುಕಥೆಗಳು ಶುರುವಾಗಿದ್ದವು. ಅವರು ನಿಗೂಢ ವ್ಯಕ್ತಿಯಾಗಿಯೇ ಉಳಿದಿದ್ದರು.</p>.<p>ಜನರು ‘ಘೋಸ್ಟ್ ಆಫ್ ಕೀವ್’ಎಂದು ಕರೆಯಲ್ಪಡುವ ಅವರು ಈಗಾಗಲೇ ರಷ್ಯಾದ ಹಲವು ವಿಮಾನಗಳನ್ನು ಹೊಡೆದುರುಳಿಸುವ ಮೂಲಕ ದುಃಸ್ವಪ್ನವಾಗಿ ಕಾಡಿದ್ದಾರೆ ಎಂದು ಉಕ್ರೇನ್ನ ಅಧಿಕೃತ ಟ್ವಿಟರ್ ಹ್ಯಾಂಡಲ್ನಲ್ಲಿ ತಿಳಿಸಲಾಗಿದೆ.</p>.<p>ಇದನ್ನೂ ಓದಿ.. <a href="https://www.prajavani.net/world-news/russia-does-not-consider-itself-at-war-with-nato-blames-kyiv-for-talks-deadlock-932793.html"><strong>ಉಕ್ರೇನ್ ಸಂಘರ್ಷ ನ್ಯಾಟೊ ಜತೆಗಿನ ಯುದ್ಧವಲ್ಲ ಎಂದ ರಷ್ಯಾ: ಕಾರಣವೇನು?</strong></a><br /></p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>