ಮೆಕ್ಸಿಕೊ: ಸೆಂಟ್ರಲ್ ಮೆಕ್ಸಿಕೊ ಪ್ರದೇಶವೊಂದರಲ್ಲಿ ಬೃಹತ್ ಬಾವಿಯಾಕಾರದಲ್ಲಿ ಭೂಮಿ ಕುಸಿದಿದ್ದು ಸಮೀಪದಲ್ಲೇ ಇರುವ ಮನೆಯನ್ನು ನುಂಗಿಹಾಕುವ ಆತಂಕ ಎದುರಾಗಿದೆ.
ಪ್ಯೂಬ್ಲಾ ಎಂಬ ಪ್ರದೇಶದಲ್ಲಿ ಶನಿವಾರ ಸಣ್ಣ ಪ್ರಮಾಣದಲ್ಲಿ ಕಾಣಿಸಿಕೊಂಡ ಕುಸಿತ ಸಮಯ ಉರುಳಿದಂತೆ ಬೃಹತ್ ಗಾತ್ರವಾಗುತ್ತ ಬಂದಿದೆ. ನೀರು ತುಂಬಿದ ದೊಡ್ಡ ಹೊಂಡವು ಆರಂಭದಲ್ಲಿ 5 ಮೀಟರ್ನಷ್ಟು ಅಗಲವಿತ್ತು. ಇದೀಗ 80 ಮೀಟರ್ಗೂ ಹೆಚ್ಚು ಅಗಲಕ್ಕೆ ವಿಸ್ತರಿಸಿಕೊಂಡಿದೆ.
ಬೃಹತ್ ಹೊಂಡದ ವೈಮಾನಿಕ ಚಿತ್ರಗಳು ಸಾಮಾಜಿಕ ತಾಣಗಳಲ್ಲಿ ವೈರಲ್ ಆಗಿತ್ತು, ಚಿತ್ರಗಳು ನೋಡುಗರ ಎದೆ ಬಡಿತ ಜೋರಾಗಿಸುವಂತಿವೆ. ಭೂಮಿಯೇ ಬಾಯ್ಬಿಟ್ಟಂತೆ ಎಲ್ಲವೂ ಕುಸಿದು ಅಡಿ ಸೇರುತ್ತಿರುವುದು ಸ್ಥಳೀಯರಲ್ಲಿ ಆತಂಕಕ್ಕೆ ಕಾರಣವಾಗಿದೆ.