ಶಾಂಘೈ: ಕೊರೊನಾ ಸೋಂಕು ಏರಿಕೆ, ನೂರಾರು ವಿಮಾನಗಳ ಸಂಚಾರ ರದ್ದು

ನಗರದಲ್ಲಿ ಹಲವು ಸರಕು ನಿರ್ವಹಣಾ ಸಿಬ್ಬಂದಿಯಲ್ಲಿ ಕೊರೊನಾ ಸೋಂಕು ದೃಢಪಟ್ಟಿತ್ತು. ಈ ಹಿನ್ನೆಲೆಯಲ್ಲಿ ಶಾಂಘೈ ಪುಡಾಂಗ್ ಅಂತರರಾಷ್ಟ್ರೀಯ ವಿಮಾನ ನಿಲ್ದಾಣದ ಸಿಬ್ಬಂದಿಯನ್ನು ಕೋವಿಡ್‌ ‍ಪರೀಕ್ಷೆಗೆ ಒಳಪಡಿಸಲಾಗಿದೆ.

ಮೊದಲಿಗೆ ಕೊರೊನಾ ಸೋಂಕು ಚೀನಾದಲ್ಲಿ ಕಾಣಿಸಿಕೊಂಡಿದ್ದು, ಲಾಕ್‌ಡೌನ್‌ ಮತ್ತು ಪ್ರಯಾಣ ನಿರ್ಬಂಧ ಕ್ರಮಗಳ ಮೂಲಕ ಚೀನಾ ಸೋಂಕು ಹರಡುವುದನ್ನು ನಿಯಂತ್ರಿಸಿತ್ತು. ಈಗ ಮತ್ತೆ ಹಲವು ನಗರಗಳಲ್ಲಿ ಪ್ರಕರಣಗಳು ವರದಿಯಾಗಿದೆ.

ಈ ತಿಂಗಳು ಶಾಂಘೈ ವಿಮಾನ ನಿಲ್ದಾಣದಲ್ಲಿಯೇ ಏಳು ಸೋಂಕು ಪ್ರಕರಣಗಳು ವರದಿಯಾಗಿದ್ದವು.

ಮಂಗಳವಾರ ಪುಡಾಂಗ್ ವಿಮಾನ ನಿಲ್ದಾಣದಿಂದ 500 ಕ್ಕೂ ಹೆಚ್ಚು ವಿಮಾನಗಳ ಸಂಚಾರ ಸ್ಥಗಿತಗೊಳಿಸಲಾಗಿದೆ ಎಂದು ವಿಮಾನಯಾನದ ಮಾಹಿತಿ ನೀಡುವ ವಾರಿಫ್ಲೈಟ್‌ ಸಂಸ್ಥೆಯು ಹೇಳಿದೆ.

ಈ ನಗರದಲ್ಲಿ ಸುಮಾರು 26 ಲಕ್ಷಕ್ಕೂ ಹೆಚ್ಚು ಜನರನ್ನು ಕೋವಿಡ್‌ ಪರೀಕ್ಷೆಗೆ ಒಳಪಡಿಸಲಾಗಿದೆ.