ಸೋಮವಾರ, ಮೇ 16, 2022
28 °C

ದೇವಸ್ಥಾನದ ಆಭರಣ ಗಿರವಿ: ಭಾರತ ಮೂಲದ ಅರ್ಚಕನ ವಿರುದ್ಧ ಪ್ರಕರಣ

ಪಿಟಿಐ Updated:

ಅಕ್ಷರ ಗಾತ್ರ : | |

Prajavani

ಸಿಂಗಪುರ: ದೇಶದ ಅತಿ ಪುರಾತನ ಹಿಂದೂ ದೇವಾಲಯಕ್ಕೆ ಸೇರಿದ 20 ಲಕ್ಷ ಸಿಂಗಪುರ ಡಾಲರ್ ಮೌಲ್ಯದ ಆಭರಣವನ್ನು ಗಿರವಿ ಇಡುವ ಮೂಲಕ ಭಾರತ ಮೂಲದ 37 ವರ್ಷದ ಮುಖ್ಯ ಅರ್ಚಕ ವಿಶ್ವಾಸ ದ್ರೋಹದ ಕ್ರಿಮಿನಲ್‌ ಅಪರಾಧ ಎಸಗಿದ್ದಾರೆ ಎಂದು ಆರೋಪಿಸಲಾಗಿದೆ.

ಕ್ರಿಮಿನಲ್‌ ವಿಶ್ವಾಸದ್ರೋಹಕ್ಕೆ ಸಂಬಂಧಿಸಿದಂತೆ ಅರ್ಚಕ ಕಂದಸ್ವಾಮಿ ಸೇನಾಪತಿ ವಿರುದ್ಧ ಐದು ಆರೋಪಗಳನ್ನು ಹೊರಿಸಲಾಗಿದೆ. ಭ್ರಷ್ಟಾಚಾರ, ಡ್ರಗ್ಸ್‌ ಸಾಗಣೆ ಆರೋಪವೂ ಇದರಲ್ಲಿ ಸೇರಿದೆ ಎಂದು ಚಾನಲ್ ನ್ಯೂಸ್ ಏಷಿಯಾ ವರದಿ ಮಾಡಿದೆ.

ಕಂದಸ್ವಾಮಿ ಇಲ್ಲಿನ ಶ್ರೀ ಮರಿಯಮ್ಮ ದೇವಸ್ಥಾನದ ಮುಖ್ಯ ಅರ್ಚಕರು. ದೇಗುಲದ ಆಭರಣಗಳನ್ನು 2016 ರಿಂದ 2020ರ ಅವಧಿಯಲ್ಲಿ ಪದೇ ಪದೇ ಅವರು ಗಿರವಿ ಇಟ್ಟಿದ್ದು, ಹಣವನ್ನು ತಮ್ಮ ವಹಿವಾಟಿಗೆ ಬಳಸಿದ್ದರು ಎಂದು ಆರೋಪಿಸಲಾಗಿದೆ.

ಗಿರವಿ ಇಟ್ಟಿದ್ದ ಮೊತ್ತದ ವಹಿವಾಟು ಸುಮಾರು ₹ 10.09 ಕೋಟಿ (2 ಮಿಲಿಯನ್‌ ಸಿಂಗಪುರ ಡಾಲರ್) ಎಂದು ದೂರಿನಲ್ಲಿ ತಿಳಿಸಲಾಗಿದೆ. ಸುಮಾರು 106,503 ಸಿಂಗಪುರ ಡಾಲರ್ ಅನ್ನು (₹ 77.4 ಲಕ್ಷ) ದೇಶದ ಹೊರಗೆ ನಿಯಮಬಾಹಿರವಾಗಿ ಸಾಗಿಸಿದ್ದಾರೆ ಎಂದು ಆರೋಪಿಸಲಾಗಿದೆ.

ತಾಜಾ ಮಾಹಿತಿ ಪಡೆಯಲು ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ

ತಾಜಾ ಸುದ್ದಿಗಳಿಗಾಗಿ ಪ್ರಜಾವಾಣಿ ಆ್ಯಪ್ ಡೌನ್‌ಲೋಡ್ ಮಾಡಿಕೊಳ್ಳಿ: ಆಂಡ್ರಾಯ್ಡ್ ಆ್ಯಪ್ | ಐಒಎಸ್ ಆ್ಯಪ್

ಪ್ರಜಾವಾಣಿ ಫೇಸ್‌ಬುಕ್ ಪುಟವನ್ನುಫಾಲೋ ಮಾಡಿ.

ಈ ವಿಭಾಗದಿಂದ ಇನ್ನಷ್ಟು