ಶುಕ್ರವಾರ, ಮೇ 14, 2021
32 °C

ಕೋವಿಡ್‌: ಭಾರತದಲ್ಲಿನ ರೂಪಾಂತರ ವೈರಸ್‌ನ ಸೋಂಕು ಪ್ರಕರಣ ಇಸ್ರೇಲ್‌ನಲ್ಲಿ ಪತ್ತೆ

ರಾಯಿಟರ್ಸ್‌ Updated:

ಅಕ್ಷರ ಗಾತ್ರ : | |

Prajavani

ಜೆರುಸಲೇಮ್‌: ಭಾರತದಲ್ಲಿ ಕಂಡು ಬಂದಿರುವ ರೂಪಾಂತರ ಕೊರೊನಾ ವೈರಸ್‌ ತಳಿಯ ಸೋಂಕಿನ 8 ಪ್ರಕರಣಗಳು ಇಸ್ರೇಲ್‌ನಲ್ಲಿ ವರದಿಯಾಗಿವೆ.

ಈ ಸೋಂಕಿನ ವಿರುದ್ಧ ಫೈಜರ್‌ ಕಂಪನಿಯ ಲಸಿಕೆ ಭಾಗಶಃವಾದರೂ ಪರಿಣಾಮಕಾರಿ ಎಂಬ ವಿಶ್ವಾಸ ಇದೆ ಎಂದು ಆರೋಗ್ಯ ಸಚಿವಾಲಯದ ಮಹಾ ನಿರ್ದೇಶಕ ಹೆಜಿ ಲೆವಿ ಮಂಗಳವಾರ ತಿಳಿಸಿದರು.

ವಿದೇಶಗಳಿಂದ ಹಲವಾರು ಜನರು ಕಳೆದ ವಾರ ಇಲ್ಲಿಗೆ ಬಂದಿದ್ದಾರೆ. ಅವರ ಪೈಕಿ, ಮೊದಲು 7 ಜನರಲ್ಲಿ ಭಾರತದಲ್ಲಿ ಕಂಡು ಬಂದಿರುವ ವೈರಸ್‌ನ ತಳಿಯ ಸೋಂಕು ದೃಢಪಟ್ಟಿತ್ತು. ಈಗ ಅಂಥ ಪ್ರಕರಣಗಳ ಸಂಖ್ಯೆ 8ಕ್ಕೆ ಏರಿದೆ ಎಂದೂ ಸಚಿವಾಲಯ ತಿಳಿಸಿದೆ.

ಇಸ್ರೇಲ್‌ನ ಜನಸಂಖ್ಯೆ 90.3 ಲಕ್ಷದಷ್ಟಿದೆ. ಈ ಪೈಕಿ, 16 ವರ್ಷ ಮೇಲ್ಪಟ್ಟ ವಯೋಮಾನದ ಶೇ 81ರಷ್ಟು ಜನರಿಗೆ ಲಸಿಕೆ ನೀಡಲಾಗಿದೆ. ಈ ಕಾರಣದಿಂದ ಕೋವಿಡ್‌–19 ಪ್ರಕರಣಗಳು ಕಡಿಮೆಯಾಗಿದ್ದು, ಆಸ್ಪತ್ರೆಗೆ ದಾಖಲಾಗುವವರ ಸಂಖ್ಯೆಯಲ್ಲೂ ಗಣನೀಯವಾಗಿ ಇಳಿಕೆ ಕಂಡು ಬಂದಿದೆ ಎಂದು ಸಚಿವಾಲಯ ಮೂಲಗಳು ಹೇಳಿವೆ.

ಫಲಿತಾಂಶ 2021 ಪೂರ್ಣ ಮಾಹಿತಿ ಇಲ್ಲಿದೆ

ತಾಜಾ ಸುದ್ದಿಗಳಿಗಾಗಿ ಪ್ರಜಾವಾಣಿ ಆ್ಯಪ್ ಡೌನ್‌ಲೋಡ್ ಮಾಡಿಕೊಳ್ಳಿ: ಆಂಡ್ರಾಯ್ಡ್ ಆ್ಯಪ್ | ಐಒಎಸ್ ಆ್ಯಪ್

ಪ್ರಜಾವಾಣಿ ಫೇಸ್‌ಬುಕ್ ಪುಟವನ್ನುಫಾಲೋ ಮಾಡಿ.

ಈ ವಿಭಾಗದಿಂದ ಇನ್ನಷ್ಟು