ಮಂಗಳವಾರ, ನವೆಂಬರ್ 24, 2020
19 °C

ಅಮೆರಿಕ ಅಧ್ಯಕ್ಷೀಯ ಚುನಾವಣೆ: ಡೊನಾಲ್ಡ್ ಟ್ರಂಪ್ ವಿರುದ್ಧ ಒಬಾಮ ವಾಗ್ದಾಳಿ

ಪಿಟಿಐ Updated:

ಅಕ್ಷರ ಗಾತ್ರ : | |

ಪಿಟ್ಸ್‌ಬರ್ಗ್‌, ಅಮೆರಿಕ: ‘ತಮ್ಮ ಅಹಂಕಾರದ ಪೋಷಣೆಗೆ ಮಾತ್ರವೇ ಗಮನಹರಿಸುವ ಅಮೆರಿಕ ಅಧ್ಯಕ್ಷ ಡೊನಾಲ್ಡ್ ಟ್ರಂಪ್ ಸ್ವಹಿತಾಸಕ್ತಿಗಷ್ಟೇ ಆದ್ಯತೆ ನೀಡುತ್ತಾರೆ. ಅನ್ಯರಿಗೆ ಸಹಾಯ ಮಾಡುವ ಆಸಕ್ತಿಯನ್ನು ಅವರು ಹೊಂದಿಲ್ಲ’ ಎಂದು ಮಾಜಿ ಅಧ್ಯಕ್ಷ ಬರಾಕ್‌ ಒಬಾಮ ಆರೋಪಿಸಿದ್ದಾರೆ.

ಡೆಮಾಕ್ರಟಿಕ್ ಪಕ್ಷದ ಅಭ್ಯರ್ಥಿ ಜೋ ಬಿಡೆನ್ ಪರವಾಗಿ ಮಿಚಿಗನ್‌ನಲ್ಲಿ ನಡೆದ ರ‍್ಯಾಲಿಯಲ್ಲಿ, ಟ್ರಂಪ್‌ ಆಡಳಿತ ನೀತಿ ಮತ್ತು ವಾಕ್ಚಾರ್ತುಯದ ವಿರುದ್ಧ ಒಬಾಮ ವಾಗ್ದಾಳಿ ನಡೆಸಿದರು.

‘ನಾಲ್ಕು ವರ್ಷಗಳ ಆಡಳಿತಾವಧಿಯಲ್ಲಿ ಟ್ರಂಪ್‌ ಜನರಿಗೆ ನೆರವಾಗುವ ಆಸಕ್ತಿ ಪ್ರದರ್ಶಿಸಿಲ್ಲ. ಜೋ ಬಿಡೆನ್‌ ಅವರು, ಪ್ರತಿಯೊಬ್ಬರ ಭಾವನೆಗಳನ್ನು ಅರ್ಥೈಸಿಕೊಳ್ಳುವ ಜೊತೆಗೆ ಗೌರವ ನೀಡುವ ಸ್ವಭಾವ ಹೊಂದಿದ್ದಾರೆ’ ಎಂದರು. 

ಟ್ರಂಪ್‌ ಅವರು, ‘ಶ್ವೇತ ಭವನದಲ್ಲಿ ರಿಯಾಲಿಟಿ ಶೋ ನಡೆಸುತ್ತಿದ್ದಾರೆ. ದೇಶ ಕೊರೊನಾ ಸೋಂಕಿನಿಂದ ತತ್ತರಿಸುತ್ತಿದ್ದರೂ, ಟ್ರಂಪ್‌ ತಲೆ ಕೆಡಿಸಿಕೊಂಡಿಲ್ಲ. ಅದುವೇ ಟ್ರಂಪ್‌ ಮತ್ತು ಬಿಡೆನ್‌ಗೂ ಇರುವ ವ್ಯತ್ಯಾಸ. ಬಿಡೆನ್‌ ಅವರು ನಿಮ್ಮ ಮತ್ತು ನಿಮ್ಮ ಕುಟುಂಬದ ಕುರಿತು ಕಾಳಜಿ ಹೊಂದಿದ್ದಾರೆ’ ಎಂದರು.

ಪ್ರಜಾವಾಣಿ ಫೇಸ್‌ಬುಕ್ ಪುಟವನ್ನು ಲೈಕ್ ಮಾಡಿ, ಪ್ರಮುಖ ಸುದ್ದಿಗಳ ಅಪ್‌ಡೇಟ್ಸ್ ಪಡೆಯಿರಿ.

ಪ್ರಜಾವಾಣಿಯನ್ನು ಟ್ವಿಟರ್‌ನಲ್ಲಿ ಇಲ್ಲಿ ಫಾಲೋ ಮಾಡಿ.

ಟೆಲಿಗ್ರಾಂ ಮೂಲಕ ನಮ್ಮ ಸುದ್ದಿಗಳ ಅಪ್‌ಡೇಟ್ಸ್ ಪಡೆಯಲು ಇಲ್ಲಿ ಕ್ಲಿಕ್ ಮಾಡಿ.

ಈ ವಿಭಾಗದಿಂದ ಇನ್ನಷ್ಟು