ನಾಲ್ವರು ಹಫೀಜ್‌ ಸಹಚರರು ದೋಷಿ: ಪಾಕ್ ಕೋರ್ಟ್
ಅಕ್ಷರ ಗಾತ್ರ :ಆ |ಆ |ಆ
ಲಾಹೋರ್‌: ಭಯೋತ್ಪಾದಕ ಸಂಘಟನೆಗಳಿಗೆ ಹಣಕಾಸು ನೆರವು ನೀಡುತ್ತಿರುವುದಕ್ಕೆ ಸಂಬಂಧಿಸಿದ ಪ್ರಕರಣದ ವಿಚಾರಣೆ ನಡೆಸಿದ ಪಾಕಿಸ್ತಾನದ ಭಯೋತ್ಪಾದನಾ ನಿಗ್ರಹ ಕೋರ್ಟ್, ನಿಷೇಧಿತ ಜಮಾತ್‌–ಉದ್‌–ದಾವಾ (ಜೆಯುಡಿ) ಉಗ್ರ ಸಂಘಟನೆಯ ನಾಲ್ವರ ಸದಸ್ಯರು ದೋಷಿಗಳು ಎಂದು ಬುಧವಾರ ಹೇಳಿದೆ.
ಭಯೋತ್ಪಾದಕ ಸಂಘಟನೆಗಳಿಗೆ ಹಣಕಾಸು ನೆರವು ನೀಡಿದ ಆರೋಪದ ಮೇಲೆ ಹಫೀಜ್‌ ಅಬ್ದುಲ್‌ ರೆಹಮಾನ್‌ ಮಕ್ಕಿ, ಯಾಹ್ಯಾ ಮುಜಾಹಿದ್‌, ಜಫರ್‌ ಇಕ್ಬಾಲ್‌ ಹಾಗೂ ಮುಹಮ್ಮದ್‌ ಅಶ್ರಫ್‌ ಎಂಬುವವರ ವಿರುದ್ಧ ದೋಷಾರೋಪ ಹೊರಿಸಲಾಗಿದೆ‘ ಎಂದು ಕೋರ್ಟ್‌ನ ಅಧಿಕಾರಿಯೊಬ್ಬರು ತಿಳಿಸಿದ್ದಾರೆ.
ಈ ನಾಲ್ವರು, ಮುಂಬೈ ಮೇಲೆ ನಡೆದ ಉಗ್ರರ ದಾಳಿಯ ಸೂತ್ರಧಾರಿ ಹಫೀಜ್‌ ಸಯೀದ್‌ ಸಹಚರರು. ಈ ಪೈಕಿ ಹಫೀಜ್‌ ಅಬ್ದುಲ್‌ ರೆಹಮಾನ್‌ ಎಂಬಾತ ಸಯೀದ್‌ನ ಬಾಮೈದುನ. ಯಾಹ್ಯಾ ಮುಜಾಹಿದ್‌ ಜೆಯುಡಿಯ ವಕ್ತಾರ ಎಂದು ಮೂಲಗಳು ತಿಳಿಸಿವೆ.
ತಾಜಾ ಮಾಹಿತಿ ಪಡೆಯಲು ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ
ತಾಜಾ ಸುದ್ದಿಗಳಿಗಾಗಿ ಪ್ರಜಾವಾಣಿ ಆ್ಯಪ್ ಡೌನ್‌ಲೋಡ್ ಮಾಡಿಕೊಳ್ಳಿ: ಆಂಡ್ರಾಯ್ಡ್ ಆ್ಯಪ್ | ಐಒಎಸ್ ಆ್ಯಪ್
ಪ್ರಜಾವಾಣಿ ಫೇಸ್‌ಬುಕ್ ಪುಟವನ್ನುಫಾಲೋ ಮಾಡಿ.
