ಕದಿರೋವ್‌ ಬೆದರಿಕೆ ಹಾಕಿರುವ ವಿಡಿಯೊ ಟ್ವಿಟರ್‌ನಲ್ಲಿ ಗುರುವಾರ ಬಿಡುಗಡೆಯಾಗಿದ್ದು, ‘ನಮಗೆ ಪುಟಿನ್‌ ಅವರು ಆದೇಶ ನೀಡಿದರೆ, ಕೇವಲ ಆರು ಸೆಕೆಂಡ್‌ಗಳಲ್ಲಿ ನಮ್ಮ ಸಾಮರ್ಥ್ಯವನ್ನು ನಿಮಗೆ ತೋರಿಸುತ್ತೇವೆ’ ಎಂದು ಬೆದರಿಕೆ ಹಾಕಿರುವಸಂದೇಶ ವಿಡಿಯೊದಲ್ಲಿದೆ.

ಉಕ್ರೇನ್‌ ಮೇಲೆ ಪುಟಿನ್‌ ಸಾರಿರುವ ಸೇನಾ ಕಾರ್ಯಾಚರಣೆ ಸ್ವಾಗತಿಸಿರುವ ಕದಿರೋವ್‌, ರಷ್ಯಾ ಪರ ಹೋರಾಟಕ್ಕೆ ಚೆಚನ್ಯಾಪಡೆಯ ಒಂದು ಸಾವಿರ ಯೋಧರು ಮಾರ್ಚ್‌ ಎರಡನೇ ವಾರದೊಳಗೆ ಉಕ್ರೇನ್‌ ತಲುಪಿದ್ದರು ಎಂದು ಹೇಳಿಕೊಂಡಿದ್ದಾರೆ.

ಉಕ್ರೇನ್‌ಗೆ ನೀಡಿರುವ ಶಸ್ತ್ರಾಸ್ತ್ರಗಳನ್ನು ಪೋಲೆಂಡ್‌ ವಾಪಸ್‌ ಪಡೆಯಬೇಕು ಎಂದು ಕದಿರೋವ್‌ಎಚ್ಚರಿಸಿರುವುದಾಗಿ ‘ಎನ್‌ಡಿಟಿವಿ’ ವರದಿ ಮಾಡಿದೆ.

ಎರಡನೇ ವಿಶ್ವಸಮರದ ವಿಜಯ ದಿನೋತ್ಸವದಂದು ಪೋಲೆಂಡ್‌ನಲ್ಲಿ ರಷ್ಯಾ ರಾಯಭಾರಿ ಸೆರ್ಗೆ ಆಂಡ್ರೀವ್ ಮೇಲೆ ಕೆಂಪು ಬಣ್ಣ ಎರಚಿ, ಅವರ ನಿಯೋಗವನ್ನು ತಕ್ಷಣ ದೇಶ ತೊರೆಯಲು ಒತ್ತಾಯಿಸಿದ ಘಟನೆ ಪ್ರಸ್ತಾಪಿಸಿರುವ ಕದಿರೋವ್‌ ‘ನಮ್ಮ ರಾಯಭಾರಿಯನ್ನು ನೀವು ನಡೆಸಿಕೊಂಡ ರೀತಿಗೆ ಅಧಿಕೃತವಾಗಿ ಕ್ಷಮೆಯಾಚಿಸಬೇಕು’ ಎಂದು ಒತ್ತಾಯಿಸಿದ್ದಾರೆ.