ಮಾಸ್ಕೊ: ಉಕ್ರೇನ್ ಗಡಿಗೆ ಸಮೀಪದಲ್ಲಿರುವ ಹಳ್ಳಿಯೊಂದರ ಕಟ್ಟಡದ ಮೇಲೆಶೆಲ್ ದಾಳಿ ನಡೆದಿದೆ. ಇದರಿಂದಾಗಿ ಕಟ್ಟಡದ ಮೇಲ್ಛಾವಣಿಗೆ ಹಾನಿಯಾಗಿದ್ದು, ಪ್ರಾಣಹಾನಿ ಸಂಭವಿಸಿಲ್ಲ ಎಂದು ರಷ್ಯಾ ಆರೋಪಿಸಿದೆ.
ಈ ಮಾಹಿತಿಯನ್ನು ರಷ್ಯಾದ ನೈರುತ್ಯ ಭಾಗದಲ್ಲಿರುವ ಸ್ಥಳೀಯ ಆಡಳಿತ ಖಚಿತಪಡಿಸಿರುವುದಾಗಿ TASS ಸುದ್ದಿ ಸಂಸ್ಥೆ ವರದಿ ಮಾಡಿದೆ.ಆದರೆ, ರಷ್ಯಾದ ಆರೋಪವನ್ನು ಉಕ್ರೇನ್ ಅಲ್ಲಗಳೆದಿದೆ.
'ರಷ್ಯಾದ ಪ್ರದೇಶದಲ್ಲಿ ಉಕ್ರೇನ್ ಶೆಲ್ ದಾಳಿ ನಡೆಸಿದೆ ಎಂಬುದು ಸುಳ್ಳು ಸುದ್ದಿ. ಸರ್ಕಾರದ ಪಡೆಗಳು ದಾಳಿ ನಡೆಸಿಲ್ಲ. ಪರಿಸ್ಥಿತಿಈಗಾಗಲೇ ಬಿಗಡಾಯಿಸಿದೆ. ಅದನ್ನು ಮತ್ತಷ್ಟುಉದ್ವಿಗ್ನಗೊಳಿಸುವ ಆಸಕ್ತಿ ನಮಗಿಲ್ಲ' ಎಂದು ಉಕ್ರೇನ್ ಸ್ಪಷ್ಟಪಡಿಸಿರುವುದಾಗಿ ರಾಯಿಟರ್ಸ್‌ ತಿಳಿಸಿದೆ.
