ಶುಕ್ರವಾರ, ಡಿಸೆಂಬರ್ 2, 2022
19 °C

ಅಲ್‌–ಶಬಾಬ್‌ ಸಹಸಂಸ್ಥಾಪಕ ಉಗ್ರನ ಹತ್ಯೆ

ಪ್ರಜಾವಾಣಿ ವೆಬ್‌ ಡೆಸ್ಕ್‌‌ Updated:

ಅಕ್ಷರ ಗಾತ್ರ : | |

ಮೊಗದಿಶು: ಅಲ್‌–ಖೈದದೊಂದಿಗೆ ಸಂಪರ್ಕಿತ ಉಗ್ರ ಸಂಘಟನೆ ಅಲ್‌–ಶಬಾಬ್‌ ಸಹಸಂಸ್ಥಾಪಕ ಅಬ್ದುಲಾಹಿ ಯಾರೆ ಅವರನ್ನು ಹತ್ಯೆಗೈದಿರುವುದಾಗಿ ಸೋಮಾಲಿಯಾ ಸರ್ಕಾರ ಘೋಷಿಸಿದೆ.

ಸೋಮಾಲಿಯಾ ಸೇನಾಪಡೆ ಮತ್ತು ಅಂತರರಾಷ್ಟ್ರೀಯ ಪಾಲುದಾರ ಪಡೆಗಳು ನಡೆಸಿದ ಜಂಟಿ ವೈಮಾನಿಕ ದಾಳಿಯಲ್ಲಿ ಉಗ್ರ ನಾಯಕನನ್ನು ಅ.1ರಂದು ಹತ್ಯೆ ಮಾಡಲಾಗಿದೆ ಎಂದು ಸಚಿವಾಲಯ ಮಾಧ್ಯಮಗಳಿಗೆ ತಿಳಿಸಿದೆ.

ಮುಖ್ಯಸ್ಥ ಅಹಮ್ಮದ್‌ ದಿರಿಯೆ ನಂತರ ಉಗ್ರ ಸಂಘಟನೆ ಚುಕ್ಕಾಣಿ ಹಿಡಿಯಲು ಸಜ್ಜಾಗಿದ್ದ ಅಬ್ದುಲಾಹಿ, ಗುಂಪಿನ ಮುಖ್ಯ ಬೋಧಕನಾಗಿದ್ದ ಮತ್ತು ಓರ್ವ ಕಿರಾತಕನಾಗಿದ್ದ. ಆತನ ಹತ್ಯೆ ದೇಶದಿಂದ ಒಂದು ಬೇಡವಾದ ಕಲ್ಲನ್ನು ತೆಗೆದು ಎಸೆದಂತಾಗಿದೆ ಎಂದು ಸರ್ಕಾರ ಹೇಳಿದೆ.

ಅಮೆರಿಕ 2012ರಲ್ಲಿ ಬಿಡುಗಡೆಗೊಳಿಸಿದ್ದ ಮೋಸ್ಟ್‌ ವಾಂಟೆಡ್‌ ಉಗ್ರರ ಪಟ್ಟಿಯಲ್ಲಿ ಅಬ್ದುಲಾಹಿ ಹೆಸರಿತ್ತು. ಆತನನ್ನು ಸೆರೆ ಹಿಡಿದವರಿಗೆ ಅಮೆರಿಕ 30 ಲಕ್ಷ ಡಾಲರ್‌ ಬಹುಮಾನ ಘೋಷಿಸಿತ್ತು.

ಹಸನ್‌ ಶೇಖ್‌ ಮಹಮ್ಮದ್‌ ಸೋಮಾಲಿಯಾದ ನೂತನ ಅಧ್ಯಕ್ಷರಾಗಿ ಚುನಾಯಿತರಾದ ಒಂದು ವಾರದೊಳಗೆ ದಾಳಿ ಸುದ್ದಿ ಹೊರಬಿದ್ದಿದೆ. ಇತ್ತೀಚಿನ ದಿನಗಳಲ್ಲಿ ಸೋಮಾಲಿಯಾ ಸೇನಾಪಡೆ ತೀವ್ರ ಕಾರ್ಯಾಚರಣೆ ನಡೆಸಿ ಉಗ್ರರನ್ನು ಸದೆಬಡಿಯುತ್ತಿದೆ.

ತಾಜಾ ಮಾಹಿತಿ ಪಡೆಯಲು ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ

ತಾಜಾ ಸುದ್ದಿಗಳಿಗಾಗಿ ಪ್ರಜಾವಾಣಿ ಆ್ಯಪ್ ಡೌನ್‌ಲೋಡ್ ಮಾಡಿಕೊಳ್ಳಿ: ಆಂಡ್ರಾಯ್ಡ್ ಆ್ಯಪ್ | ಐಒಎಸ್ ಆ್ಯಪ್

ಪ್ರಜಾವಾಣಿ ಫೇಸ್‌ಬುಕ್ ಪುಟವನ್ನುಫಾಲೋ ಮಾಡಿ.

ಈ ವಿಭಾಗದಿಂದ ಇನ್ನಷ್ಟು