ಕೊಲಂಬೊ: ಫೈಜರ್ ಕಂಪನಿ ಉತ್ಪಾದಿತ ಲಸಿಕೆಯ 1.4 ಕೋಟಿ ಡೋಸ್ ಖರೀದಿ ಹಾಗೂ ಲಸಿಕೆ ಕಾರ್ಯಕ್ರಮಗಳ ವೆಚ್ಚಗಳಿಗಾಗಿ ಅಂತರರಾಷ್ಟ್ರೀಯ ಹಣಕಾಸು ನಿಧಿ(ಐಎಂಎಫ್) ಯಿಂದ ₹738.77 ಕೋಟಿ (100 ಮಿಲಿಯನ್ ಡಾಲರ್) ಸಾಲ ಕೇಳಲು ಶ್ರೀಲಂಕಾ ನಿರ್ಧರಿಸಿದೆ.
‘ಆರೋಗ್ಯ ಸಚಿವ ಕೆಹೆಲಿಯಾ ರಂಬುಕ್ವೆಲ್ಲಾ ಅವರು 'ಕೋವಿಡ್– 19 ನಿಯಂತ್ರಣದ ಕಾರ್ಯತಂತ್ರದ ಸಿದ್ಧತೆ' ಕಾರ್ಯಕ್ರಮದಡಿ ಸಾಲ ಪಡೆಯುವಂತೆ ಪ್ರಸ್ತಾವನೆ ಸಲ್ಲಿಸಿದ್ದಾರೆ‘ ಎಂದು ಸರ್ಕಾರ ಹೇಳಿಕೆಯಲ್ಲಿ ತಿಳಿಸಿದೆ.
ಲಸಿಕೆ ಖರೀದಿ ಹಾಗೂ ಲಸಿಕಾ ಕಾರ್ಯಕ್ರಮಗಳ ವೆಚ್ಚಕ್ಕಾಗಿ ಹಣ ಮಂಜೂರು ಮಾಡಲು ಐಎಫ್ಎಫ್ ಸಮ್ಮತಿಸಿದೆ ಎಂದೂ ಸರ್ಕಾರ ತಿಳಿಸಿದೆ.
ಔಷಧೀಯ ವ್ಯವಹಾರಗಳ ಸಚಿವ ಚನ್ನಾ ಜಯಸುಮನ ಅವರು ‘ದೇಶದ ಜನಸಂಖ್ಯೆ 2.1 ಕೋಟಿ ಪೈಕಿ, ಶೇ 50ರಷ್ಟು ಮಂದಿಗೆ ಕೋವಿಡ್ ಲಸಿಕೆ ನೀಡಲಾಗಿದೆ’ ಎಂದು ಸಂಸತ್ತಿಗೆ ಮಂಗಳವಾರ ತಿಳಿಸಿದರು.