ಚೀನಾ ಉತ್ಪಾದಿತ ಕೋವಿಡ್‌ ಲಸಿಕೆ ಶೇ 86ರಷ್ಟು ಪರಿಣಾಮಕಾರಿ: ಯುಎಇ
ಅಕ್ಷರ ಗಾತ್ರ :ಆ |ಆ |ಆ
ದುಬೈ: ಚೀನಾ ಮೂಲದ ಸೈನೊಫಾರ್ಮ್‌ ಸಿಎನ್‌ಬಿಜಿ ಕಂಪನಿ ಉತ್ಪಾದಿಸಿರುವ ಕೋವಿಡ್‌ ಲಸಿಕೆ ಶೇ 86ರಷ್ಟು ಪರಿಣಾಮಕಾರಿ ಎಂದು ಯುಎಇಯ ಆರೋಗ್ಯ ಸಚಿವಾಲಯ ಹೇಳಿದೆ.
ಈ ಲಸಿಕೆಯನ್ನು ಸ್ವಯಂ ಸೇವಕರಿಗೆ ನೀಡಿದಾಗ ಯಾವುದೇ ಗಂಭೀರ ಸ್ವರೂಪದ ಅಡ್ಡಪರಿಣಾಮಗಳು ಕಂಡುಬಂದಿಲ್ಲ ಎಂದೂ ಸಚಿವಾಲಯದ ಪ್ರಕಟಣೆ ತಿಳಿಸಿದೆ.
125 ದೇಶಗಳ 18 ರಿಂದ 60 ವರ್ಷ ವಯೋಮಾನದ 31,000 ಸ್ವಯಂ ಸೇವಕರನ್ನು ಲಸಿಕೆಯ ಪ್ರಯೋಗಕ್ಕೆ ಆಯ್ಕೆ ಮಾಡಲಾಗಿತ್ತು. 28 ದಿನಗಳ ಅವಧಿಯಲ್ಲಿ ಈ ಲಸಿಕೆಯ ಎರಡು ಡೋಸ್‌ಗಳನ್ನು ನೀಡಲಾಗಿತ್ತು.
ದುಬೈ ಆಡಳಿತ ಚುಕ್ಕಾಣಿ ಹಿಡಿದಿರುವ ಶೇಖ್‌ ಮೊಹಮ್ಮದ್‌ ಬಿನ್‌ ರಶೀದ್‌ ಅಲ್‌ ಮಕ್ತೌಮ್‌ ಹಾಗೂ ಉನ್ನತ ಅಧಿಕಾರಿಗಳು ಪ್ರಾಯೋಗಿಕ ಲಸಿಕೆಯನ್ನು ಪಡೆದಿದ್ದರು.
ಆದರೆ, ಯುಎಇಯಲ್ಲಿ ನಡೆದ ಲಸಿಕೆಯ ಪ್ರಯೋಗಗಳ ಫಲಿತಾಂಶವನ್ನು ಮಾತ್ರ ಆಧರಿಸಿ ಈ ಅಭಿಪ್ರಾಯವನ್ನು ನೀಡಲಾಗಿದೆಯೋ ಅಥವಾ ಚೀನಾದಲ್ಲಿ ನಡೆದ ಪ್ರಯೋಗಗಳ ಫಲಿತಾಂಶವನ್ನು ಸಹ ಈ ವರದಿ ಒಳಗೊಂಡಿದೆಯೇ ಎಂಬ ಬಗ್ಗೆ ಯಾವುದೇ ಸ್ಪಷ್ಟತೆ ಇಲ್ಲ ಎಂದು ಮೂಲಗಳು ಹೇಳಿವೆ.
ಸೈನೊಫಾರ್ಮ್‌ ಕಂಪನಿ ಉತ್ಪಾದಿಸಿರುವ ಕೋವಿಡ್‌ ಲಸಿಕೆಯನ್ನು ತುರ್ತು ಸಂದರ್ಭಗಳಲ್ಲಿ ಬಳಸಲು ಕೆಲವು ದೇಶಗಳು ಅನುಮತಿ ನೀಡಿವೆ. ಈ ಲಸಿಕೆಯನ್ನು ದೇಶದ ಶೇ 80ರಷ್ಟು ಜನರಿಗೆ ನೀಡಲು ಮೊರೊಕ್ಕೊ ಸಿದ್ಧತೆ ನಡೆಸಿದೆ.
ತಾಜಾ ಮಾಹಿತಿ ಪಡೆಯಲು ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ
ತಾಜಾ ಸುದ್ದಿಗಳಿಗಾಗಿ ಪ್ರಜಾವಾಣಿ ಆ್ಯಪ್ ಡೌನ್‌ಲೋಡ್ ಮಾಡಿಕೊಳ್ಳಿ: ಆಂಡ್ರಾಯ್ಡ್ ಆ್ಯಪ್ | ಐಒಎಸ್ ಆ್ಯಪ್
ಪ್ರಜಾವಾಣಿ ಫೇಸ್‌ಬುಕ್ ಪುಟವನ್ನುಫಾಲೋ ಮಾಡಿ.
