ಮಂಗಳವಾರ, ಏಪ್ರಿಲ್ 20, 2021
31 °C

ಅಮೆರಿಕ ಆರ್ಥಿಕತೆಗೆ ಪುನಶ್ಚೇತನ: 900 ಶತಕೋಟಿ ಡಾಲರ್‌ ಪ್ಯಾಕೇಜ್‌ಗೆ ಅನುಮೋದನೆ

ಎಎಫ್‌ಪಿ Updated:

ಅಕ್ಷರ ಗಾತ್ರ : | |

ಡಾಲರ್‌

ವಾಷಿಂಗ್ಟನ್‌: ಕೋವಿಡ್‌–19 ಪಿಡುಗಿನಿಂದ ಕುಸಿದಿರುವ ದೇಶದ ಆರ್ಥಿಕತೆಗೆ ಪುನಶ್ಚೇತನ ನೀಡುವ 900 ಶತಕೋಟಿ ಡಾಲರ್‌ (₹ 66.52 ಲಕ್ಷ ಕೋಟಿ) ಪ್ಯಾಕೇಜ್‌ಗೆ ಅಮೆರಿಕದ ಸಂಸತ್‌ ಅನುಮೋದನೆ ನೀಡಿದೆ. 

ಬಹು ನಿರೀಕ್ಷಿತ ಈ ಕ್ರಮದಿಂದ ಲಕ್ಷಾಂತರ ಜನರಿಗೆ ಹಾಗೂ ಉದ್ದಿಮೆಗಳಿಗೆ ನೆರವಾಗಲಿರುವ ಈ ಶಾಸನಕ್ಕೆ ಅಧ್ಯಕ್ಷ ಡೊನಾಲ್ಡ್‌ ಟ್ರಂಪ್‌ ಅವರು ಅಂಕಿತ ಹಾಕಬೇಕಿದೆ.

ಕೋವಿಡ್‌–19ನಿಂದ ಈಗಾಗಲೇ ದೇಶ ತತ್ತರಿಸಿದ್ದು, ಬರುವ ದಿನಗಳಲ್ಲಿ ಆರ್ಥಿಕತೆ ಮತ್ತಷ್ಟು ಕುಸಿಯುವ ಆತಂಕವೂ ಇತ್ತು. ಹೀಗಾಗಿ ಜನರಿಗೆ ನೆರವಿನ ಹಸ್ತ ಚಾಚಿ, ಆ ಮೂಲಕ ದೇಶದ ಆರ್ಥಿಕತೆಗೆ ಪುನಶ್ಚೇತನ ನೀಡುವ ಈ ಪ್ಯಾಕೇಜ್‌ಗೆ ರಿಪ‍ಬ್ಲಿಕನ್‌ ಹಾಗೂ ಡೆಮಾಕ್ರಟಿಕ್‌ ಸಂಸದರು ಹಲವು ಸುತ್ತಿನ ಚರ್ಚೆ ನಂತರ ಅನುಮೋದನೆ ನೀಡಿದ್ದಾರೆ.

‘ಅಮೆರಿಕದ ಜನತೆಗೆ ಶೀಘ್ರವೇ ಭಾರಿ ನೆರವು ಸಿಗಲಿದೆ’ ಎಂದು ರಿಪಬ್ಲಿಕನ್‌ ಸಂಸದ ಮಿಚ್‌ ಮ್ಯಾಕ್‌ಕಾನೆಲ್‌ ಟ್ವೀಟ್‌ ಮಾಡಿದ್ದಾರೆ.

 ‘ನಿಯೋಜಿತ ಅಧ್ಯಕ್ಷ ಜೋ ಬೈಡನ್‌ ಅವರು ಹೇಳಿದ ಹಾಗೆ, ಜನರಿಗೆ ನೆರವು ನೀಡುವ ಸಲುವಾಗಿ ಇಟ್ಟ ಮೊದಲ ಹೆಜ್ಜೆ ಇದು. ಕೊರೊನಾ ವೈರಸ್‌ನಿಂದಾಗಿ ಸಾಕಷ್ಟು ಹಾನಿಯಾಗಿದ್ದು, ಮತ್ತಷ್ಟು ನೆರವು ನೀಡುವ ಅಗತ್ಯ ಇದೆ’ ಎಂದು ಸ್ಪೀಕರ್‌ ನ್ಯಾನ್ಸಿ ಪೆಲೋಸಿ ಹೇಳಿದ್ದಾರೆ.

ಕೇಂದ್ರ ಬಜೆಟ್ 2021 ಪೂರ್ಣ ಮಾಹಿತಿ ಇಲ್ಲಿದೆ

ತಾಜಾ ಸುದ್ದಿಗಳಿಗಾಗಿ ಪ್ರಜಾವಾಣಿ ಆ್ಯಪ್ ಡೌನ್‌ಲೋಡ್ ಮಾಡಿಕೊಳ್ಳಿ: ಆಂಡ್ರಾಯ್ಡ್ ಆ್ಯಪ್ | ಐಒಎಸ್ ಆ್ಯಪ್

ಪ್ರಜಾವಾಣಿ ಫೇಸ್‌ಬುಕ್ ಪುಟವನ್ನುಫಾಲೋ ಮಾಡಿ.

ಈ ವಿಭಾಗದಿಂದ ಇನ್ನಷ್ಟು