ಪವಿತ್ರ ಭಾವನೆ: ಭಾರತ ಸಹಿತ ಜಗತ್ತಿನ ಹಲವೆಡೆ ಬೆರಣಿಯ ಬಗ್ಗೆ ಪವಿತ್ರ ಭಾವನೆ ಇದೆ. ಅದೊಂದು ಉತ್ತಮ ಉರುವಲು ಕೂಡ ಹೌದು. ಚರ್ಮದಲ್ಲಿನ ನಂಜು ನಿವಾರಕವಾಗಿಯೂ ಅದನ್ನು ಬಳಸಲಾಗುತ್ತದೆ. ಆದರೆ ಅಮೆರಿಕದಲ್ಲಿ ಮಾತ್ರ ಇದನ್ನು ಕಟ್ಟುನಿಟ್ಟಾಗಿ ನಿಷೇಧಿಸಿದ್ದಾರೆ. ಜಾನುವಾರುಗಳಿಗೆ ಬರುವ ಕಾಲು ಬಾಯಿ ರೋಗದ ಹೆಸರು ಕೇಳಿದರೇ ಅಮೆರಿಕದಲ್ಲಿ ಬೆಚ್ಚಿ ಬೀಳುವ ಸ್ಥಿತಿ ಇದ್ದು, 1929ರಿಂದೀಚೆಗೆ ಅಮೆರಿಕವು ಈ ಕಾಯಿಲೆಯಿಂದ ಮುಕ್ತವಾಗಿದೆ ಎಂದು ಹೇಳಿಕೆಯಲ್ಲಿ ತಿಳಿಸಲಾಗಿದೆ.