ಭಾರತ ವಿರುದ್ಧದ ಚೀನಾ ಆಕ್ರಮಣ: ಅಮೆರಿಕ ಸೆನಟ್‌ನಲ್ಲಿ ಖಂಡನಾ ನಿರ್ಣಯ

ಸೆನಟರ್‌ಗಳಾದ ಜಾನ್‌ ಕೊರ್ನಿಯನ್ ಮತ್ತು ಮಾರ್ಕ್‌ ವಾರ್ನರ್‌ ಅವರು ಈ ಖಂಡನಾ ನಿರ್ಣಯವನ್ನು ಮಂಡಿಸಿದರು. ಚೀನಾ ರಕ್ಷಣಾ ಪಡೆಗಳ ಬೆದರಿಕೆಯ ನಡುವೆಯೂ ಭಾರತದ ತನ್ನ ದೂರಸಂಪರ್ಕ ಮೂಲಸೌಕರ್ಯವನ್ನು ರಕ್ಷಿಸಿಕೊಳ್ಳಲು ಕ್ರಮಕೈಕೊಂಡಿರುವ ಕುರಿತು ನಿರ್ಣಯದಲ್ಲಿ ಶ್ಲಾಘಿಸಲಾಯಿತು.

ಮೇ 5ರಂದು ಪಶ್ಚಿಮ ಲಡಾಕ್‌ನಲ್ಲಿ ವಾಸ್ತವ ನಿಯಂತ್ರಣ ರೇಖೆಯ ಕೆಲವು ಪ್ರದೇಶಗಳನ್ನು ಚೀನಾ ಮತ್ತು ಭಾರತೀಯ ಯೋಧರು ಆಕ್ರಮಿಸಿಕೊಂಡಿದ್ದರು. ಈ ಸಂಬಂಧ ಜೂನ್ 15ರಂದು ಗಾಲ್ವನ್ ಕಣಿವೆಯಲ್ಲಿ ಈ ಎರಡೂ ದೇಶಗಳ ನಡುವೆ ಸಂಘರ್ಷ ನಡೆದಿತ್ತು. ಘಟನೆಯಲ್ಲಿ 20 ಮಂದಿ ಭಾರತೀಯ ಯೋಧರು ಹತ್ಯೆಯಾಗಿದ್ದರು. ಚೀನಾ ರಕ್ಷಣಾ ಪಡೆಯಲ್ಲೂ ಸಾವುನೋವುಗಳು ಸಂಭವಿಸಿದ್ದರೂ, ಆ ಬಗ್ಗೆ ಯಾವುದೇ ವಿವರವನ್ನು ಬಿಟ್ಟುಕೊಟ್ಟಿರಲಿಲ್ಲ.