ಬಾಗಲಕೋಟೆ ಜಿಲ್ಲೆಯ ಮುಧೋಳ ತಾಲ್ಲೂಕಿನ ತಿಮ್ಮಾಪುರದ ಶ್ವಾನ ಸಂಶೋಧನಾ ಹಾಗೂ ಮಾಹಿತಿ ಕೇಂದ್ರವು ಮುಧೋಳ ತಳಿ ನಾಯಿಗಳ ಮಾಹಿತಿಯನ್ನು ಪಡೆಯಲು ಹಾಗೂ ನಾಯಿಗಳ ಫೋಟೊ ಕ್ಲಿಕ್ಕಿಸಲು ಜನರು ಹಾತೊರೆದರು. ಕೆಂಗುರಿ (ಟೆಂಗುರಿ) ತಳಿ, ಯುಎಎಸ್‌ ಕುರಿ ತಳಿ (ಬನ್ನೂರ ಮಿಶ್ರ ತಳಿ)ಯ ಕುರಿಗಳ ಸಾಕಾಣಿಕೆ ಮಾಡುವ ಯೋಜನೆಯಲ್ಲಿ ಬಂದ ರಾಯಚೂರು, ಕಲಬುರಗಿ, ಕೊಪ್ಪಳ ಭಾಗದ ರೈತರು ಕುರಿಗಳ ಬಗ್ಗೆ ಹೆಚ್ಚಿನ ಮಾಹಿತಿ ಪಡೆಯುತ್ತಿದ್ದರು. ಹೆಚ್ಚು ಆದಾಯ ತಂದುಕೊಡಬಲ್ಲ ತಳಿಯ ಕುರಿಗಳ ಮಾಹಿತಿಗಳನ್ನು ಪಡೆದುಕೊಂಡರು. ಟೆಂಗುರಿ ತಳಿಯ ಗಂಡು ಕುರಿಗಳು ಮೂರೇ ತಿಂಗಳಿಗೆ 20 ಕೆ.ಜಿವರೆಗೆ ತೂಗಲಿದೆ. ವಯಸ್ಕ ಟಗರಿನ (ಟೆಂಗುರಿ) ತೂಕ 50–55 ಕೆಜಿ ಹಾಗೂ ಹೆಣ್ಣು ಕುರಿ ತೂಕ 40–42 ಕೆಜಿ ತೂಕ ನೀಡಲಿದೆ ಎಂದು ಕುರಿ ಸಾಕಣೆದಾರರು ಮಾಹಿತಿ ನೀಡಿದರು. ಬನ್ನೂರ ಮಿಶ್ರ ತಳಿ ಕುರಿಗಳು ಮಾಂಸ ಮತ್ತು ಉಣ್ಣೆಗೆ ಸೂಕ್ತ.
