ಹೆಸರು ಬೆಳೆಯ ಫಸಲು ಕೈಗೆ ಬರುತ್ತಿದ್ದಂತೆ ಜನವರಿ ಮೊದಲ ವಾರದಲ್ಲಿ ಕಲ್ಲಂಗಡಿ ನಾಟಿ ಮಾಡಿದ್ದ ದೇವಿಂದ್ರಪ್ಪಗೌಡ ಅವರ ಜಮೀನಿನಲ್ಲಿ ಈಗ ಕಲ್ಲಂಗಡಿ ಬೆಳೆ ಮೈದಳೆದು ನಿಂತಿದೆ. ಕೇವಲ 65 ದಿನದ ಕಾಲಾವಧಿಯ 'ಸುಗರ್ ಕ್ವಿನ್' ಎಂಬ ತಳಿಯನ್ನು ನಾಟಿ ಮಾಡಿ ಹನಿ ನೀರಾವರಿ ಮೂಲಕ ಫಸಲು ಬೆಳೆದಿದ್ದು, ಒಂದೊಂದು ಕಲ್ಲಂಗಡಿ 2 ರಿಂದ 7 ಕೆ.ಜಿ ತೂಗುತ್ತಿವೆ. ಇಡೀ ಹೊಲದ ತುಂಬೆಲ್ಲಾ ಕಲ್ಲಂಗಡಿ ಬೆಳೆ ಸಮೃದ್ಧವಾಗಿ ಬೆಳೆದು ನಿಂತಿದ್ದು, ಉತ್ತಮ ಲಾಭದ ಭರವಸೆ ಮೂಡಿಸಿದೆ.