<p>ಸರ್ವಸಾಂಬಾರ ಅಥವಾ ಆಲ್ಸ್ಪೈಸ್ ಎಂದು ಕರೆಯುವ ಈ ಗಿಡದ ವೈಜ್ಞಾನಿಕ ಹೆಸರು ಪೈಮೆಂಟಾ ಡೈಯೋಇಕಾ. ಇದರ ಎಲೆ ಹಾಗೂ ಹಣ್ಣುಗಳು ರುಚಿ, ವಾಸನೆಗಳಲ್ಲಿ ಸಾಂಬಾರ ವಸ್ತುಗಳಾದ ದಾಲ್ಚಿನ್ನಿ, ಲವಂಗ, ನಟ್ಮಗ್ ಹಾಗೂ ಕಾಳುಮೆಣಸುಗಳ ಮಿಶ್ರಣದಂತೆ ಇರುವುದರಿಂದ ಈ ಗಿಡಕ್ಕೆ ಸರ್ವಸಾಂಬಾರ ಎಂಬ ಅನ್ವರ್ಥ ನಾಮವಿದೆ.<br /> <br /> ಆಲ್ಸ್ಪೈಸ್, ಜಮೈಕಾ ದೇಶದಲ್ಲಿ ಒಂದು ಪ್ರಮುಖ ಬೆಳೆ. ಅಲ್ಲಿ ಕೊಲಂಬಸ್ನಿಂದ ಗುರುತಿಸಲಾದ ಈ ಸಾಂಬಾರ ಗಿಡವು ನಂತರದಲ್ಲಿ ಮಧ್ಯ ಹಾಗೂ ಉತ್ತರ ಅಮೆರಿಕಾದಲ್ಲಿ ಹರಡಿತು. ಭಾರತದಲ್ಲಿಯೂ ಇದರ ಬೆಳವಣಿಗೆಗೆ ಅನುಕೂಲಕರವಾದ ಹವಾಗುಣವಿದೆ. ಹೀಗಾಗಿಯೇ ಕೇರಳ, ಕರ್ನಾಟಕ ಹಾಗೂ ಒರಿಸ್ಸಾಗಳಲ್ಲಿ ಇದನ್ನು ಬೆಳೆಯುತ್ತಿದ್ದಾರೆ. <br /> <br /> ಕೆರಿಬಿಯನ್ ತಿನಿಸುಗಳಲ್ಲಿ ಇದರ ಪಾತ್ರ ಹಿರಿದು. ಕಾಳುಮೆಣಸನ್ನು ಹೋಲುವ ಇದರ ಹಣ್ಣುಗಳನ್ನು ಪುಡಿ ಮಾಡಿಯೋ ಅಥವಾ ಇಡಿಯಾಗಿಯೋ ಬಳಸುತ್ತಾರೆ. ಆಹಾರ ಪದಾರ್ಥಗಳನ್ನು ಬೇಯಿಸುವಾಗ ಇದರ ಹಸಿರೆಲೆಗಳನ್ನು ಹಾಕಿದರೆ ಘಂ ಎಂಬ ಸುವಾಸನೆಯೊಂದಿಗೆ ಬಾಯಿಯಲ್ಲಿ ನೀರೂರಿಸುವಂತಹ ಖಾದ್ಯ ತಯಾರಾಗಿರುತ್ತದೆ.<br /> <br /> ಉಪ್ಪಿನಕಾಯಿ, ಚಟ್ನಿ, ಪಲ್ಯದ ಪುಡಿ, ತರಕಾರಿ ಬಾತ್ಗಳು, ಸೂಪ್, ಸಾಸ್, ಕೇಕ್ ಹಾಗೂ ಡೆಸರ್ಟ್ಗಳಲ್ಲಿ ಈ ಮರದ ಎಲೆ ಹಾಗೂ ಹಣ್ಣುಗಳನ್ನು ಬಳಸುತ್ತಾರೆ. ಸುಗಂಧ ವಸ್ತುವೂ ಆದ ಸರ್ವಸಾಂಬಾರಿನಿಂದ ಎಣ್ಣೆ ತೆಗೆಯುತ್ತಾರೆ. ಗ್ಯಾಸ್ಟ್ರಿಕ್ ಹಾಗೂ ಅಜೀರ್ಣವಾದಾಗ ಇದರ ಸೇವನೆ ಪರಿಣಾಮಕಾರಿ.<br /> <br /> 10 ರಿಂದ 14 ಮೀಟರ್ ಬೆಳೆಯುವ ಈ ಮರದ ಎಲೆಗಳು ದಪ್ಪವಾಗಿದ್ದು ಸದಾ ಹಸಿರಿನಿಂದ ಕೂಡಿರುತ್ತವೆ. ಇದು ಬಹುವಾರ್ಷಿಕ ಬೆಳೆಯಾಗಿದ್ದು ಅಡಿಕೆ, ತೆಂಗು ಮುಂತಾದ ದೀರ್ಘಾವಧಿ ತೋಟಗಳಲ್ಲಿ ಅಂತರ ಬೆಳೆಯಾಗಿ ಬೆಳೆಯಬಹುದು. ಈ ಮರಗಳು ತೋಟದ ತೇವಾಂಶವನ್ನು ಕಾಪಾಡುವುದರ ಜೊತೆಗೆ ಕಳೆಯ ಹಾವಳಿಯನ್ನೂ ತಡೆಗಟ್ಟುತ್ತವೆ. <br /> <br /> ಛತ್ರಿಯಂತೆ ಅಗಲವಾಗಿ ಹರಡಿಕೊಳ್ಳುವ ಈ ಮರವನ್ನು ಕಾಫಿ ತೋಟಗಳಲ್ಲಿ ಕಾಫಿ ಬೆಳೆಗೆ ನೆರಳಾಗಲು ಬೆಳೆಸಬಹುದಾಗಿದೆ. ಸಾಂಬಾರ ಪದಾರ್ಥಗಳಿಗೆ ಪರ್ಯಾಯ ಬೆಳೆಯಾದ್ದರಿಂದ ಅಂತರ್ರಾಷ್ಟ್ರೀಯ ಮಾರುಕಟ್ಟೆಯಲ್ಲಿಯೂ ಇದಕ್ಕೆ ಸಾಕಷ್ಟು ಬೇಡಿಕೆಯಿದೆ.<br /> <br /> </p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p>ಸರ್ವಸಾಂಬಾರ ಅಥವಾ ಆಲ್ಸ್ಪೈಸ್ ಎಂದು ಕರೆಯುವ ಈ ಗಿಡದ ವೈಜ್ಞಾನಿಕ ಹೆಸರು ಪೈಮೆಂಟಾ ಡೈಯೋಇಕಾ. ಇದರ ಎಲೆ ಹಾಗೂ ಹಣ್ಣುಗಳು ರುಚಿ, ವಾಸನೆಗಳಲ್ಲಿ ಸಾಂಬಾರ ವಸ್ತುಗಳಾದ ದಾಲ್ಚಿನ್ನಿ, ಲವಂಗ, ನಟ್ಮಗ್ ಹಾಗೂ ಕಾಳುಮೆಣಸುಗಳ ಮಿಶ್ರಣದಂತೆ ಇರುವುದರಿಂದ ಈ ಗಿಡಕ್ಕೆ ಸರ್ವಸಾಂಬಾರ ಎಂಬ ಅನ್ವರ್ಥ ನಾಮವಿದೆ.<br /> <br /> ಆಲ್ಸ್ಪೈಸ್, ಜಮೈಕಾ ದೇಶದಲ್ಲಿ ಒಂದು ಪ್ರಮುಖ ಬೆಳೆ. ಅಲ್ಲಿ ಕೊಲಂಬಸ್ನಿಂದ ಗುರುತಿಸಲಾದ ಈ ಸಾಂಬಾರ ಗಿಡವು ನಂತರದಲ್ಲಿ ಮಧ್ಯ ಹಾಗೂ ಉತ್ತರ ಅಮೆರಿಕಾದಲ್ಲಿ ಹರಡಿತು. ಭಾರತದಲ್ಲಿಯೂ ಇದರ ಬೆಳವಣಿಗೆಗೆ ಅನುಕೂಲಕರವಾದ ಹವಾಗುಣವಿದೆ. ಹೀಗಾಗಿಯೇ ಕೇರಳ, ಕರ್ನಾಟಕ ಹಾಗೂ ಒರಿಸ್ಸಾಗಳಲ್ಲಿ ಇದನ್ನು ಬೆಳೆಯುತ್ತಿದ್ದಾರೆ. <br /> <br /> ಕೆರಿಬಿಯನ್ ತಿನಿಸುಗಳಲ್ಲಿ ಇದರ ಪಾತ್ರ ಹಿರಿದು. ಕಾಳುಮೆಣಸನ್ನು ಹೋಲುವ ಇದರ ಹಣ್ಣುಗಳನ್ನು ಪುಡಿ ಮಾಡಿಯೋ ಅಥವಾ ಇಡಿಯಾಗಿಯೋ ಬಳಸುತ್ತಾರೆ. ಆಹಾರ ಪದಾರ್ಥಗಳನ್ನು ಬೇಯಿಸುವಾಗ ಇದರ ಹಸಿರೆಲೆಗಳನ್ನು ಹಾಕಿದರೆ ಘಂ ಎಂಬ ಸುವಾಸನೆಯೊಂದಿಗೆ ಬಾಯಿಯಲ್ಲಿ ನೀರೂರಿಸುವಂತಹ ಖಾದ್ಯ ತಯಾರಾಗಿರುತ್ತದೆ.<br /> <br /> ಉಪ್ಪಿನಕಾಯಿ, ಚಟ್ನಿ, ಪಲ್ಯದ ಪುಡಿ, ತರಕಾರಿ ಬಾತ್ಗಳು, ಸೂಪ್, ಸಾಸ್, ಕೇಕ್ ಹಾಗೂ ಡೆಸರ್ಟ್ಗಳಲ್ಲಿ ಈ ಮರದ ಎಲೆ ಹಾಗೂ ಹಣ್ಣುಗಳನ್ನು ಬಳಸುತ್ತಾರೆ. ಸುಗಂಧ ವಸ್ತುವೂ ಆದ ಸರ್ವಸಾಂಬಾರಿನಿಂದ ಎಣ್ಣೆ ತೆಗೆಯುತ್ತಾರೆ. ಗ್ಯಾಸ್ಟ್ರಿಕ್ ಹಾಗೂ ಅಜೀರ್ಣವಾದಾಗ ಇದರ ಸೇವನೆ ಪರಿಣಾಮಕಾರಿ.<br /> <br /> 10 ರಿಂದ 14 ಮೀಟರ್ ಬೆಳೆಯುವ ಈ ಮರದ ಎಲೆಗಳು ದಪ್ಪವಾಗಿದ್ದು ಸದಾ ಹಸಿರಿನಿಂದ ಕೂಡಿರುತ್ತವೆ. ಇದು ಬಹುವಾರ್ಷಿಕ ಬೆಳೆಯಾಗಿದ್ದು ಅಡಿಕೆ, ತೆಂಗು ಮುಂತಾದ ದೀರ್ಘಾವಧಿ ತೋಟಗಳಲ್ಲಿ ಅಂತರ ಬೆಳೆಯಾಗಿ ಬೆಳೆಯಬಹುದು. ಈ ಮರಗಳು ತೋಟದ ತೇವಾಂಶವನ್ನು ಕಾಪಾಡುವುದರ ಜೊತೆಗೆ ಕಳೆಯ ಹಾವಳಿಯನ್ನೂ ತಡೆಗಟ್ಟುತ್ತವೆ. <br /> <br /> ಛತ್ರಿಯಂತೆ ಅಗಲವಾಗಿ ಹರಡಿಕೊಳ್ಳುವ ಈ ಮರವನ್ನು ಕಾಫಿ ತೋಟಗಳಲ್ಲಿ ಕಾಫಿ ಬೆಳೆಗೆ ನೆರಳಾಗಲು ಬೆಳೆಸಬಹುದಾಗಿದೆ. ಸಾಂಬಾರ ಪದಾರ್ಥಗಳಿಗೆ ಪರ್ಯಾಯ ಬೆಳೆಯಾದ್ದರಿಂದ ಅಂತರ್ರಾಷ್ಟ್ರೀಯ ಮಾರುಕಟ್ಟೆಯಲ್ಲಿಯೂ ಇದಕ್ಕೆ ಸಾಕಷ್ಟು ಬೇಡಿಕೆಯಿದೆ.<br /> <br /> </p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
