ಜನಪದ: ಮೂಡಣದ ಹೆಜ್ಜೆಗಳ ಪುನರುತ್ಥಾನಕ್ಕೆ ಟೊಂಕ..

ಮೂಡಲಪಾಯ ಮರಣಶಯ್ಯೆಯಲ್ಲಿರುವ ಕಲೆ. ಇಂತಹ ಸಂದರ್ಭದಲ್ಲಿ ಮಂಡ್ಯ ಕರ್ನಾಟಕ ಸಂಘದ ಆವರಣದಲ್ಲಿ ‘ಆದಿಚುಂಚನಗಿರಿ ಮೂಡಲಪಾಯ ಯಕ್ಷಗಾನ ಕಲಿಕಾ ಕೇಂದ್ರ’ ತಲೆ ಎತ್ತಿದ್ದು, ಅಲ್ಲಿ 40ಕ್ಕೂ ಹೆಚ್ಚು ಶಾಲಾ ಮಕ್ಕಳು ಹೆಜ್ಜೆ ಕಲಿಯುತ್ತಿರುವುದು ಈ ಕಲೆಗೆ ದೊರೆತ ಜೀವಾನಿಲ. ಇದರ ಮುಂದುವರಿದ ಭಾಗವಾಗಿ ‘ಮೂಡಲಪಾಯ ಯಕ್ಷಗಾನ ಪರಿಷತ್ತು’ ಸ್ಥಾಪನೆಯಾಗಿದ್ದು, ಅದರ ಕೆಲಸಗಳು ಭವಿತವ್ಯದ ಕುರಿತು ಭರವಸೆ ಮೂಡಿಸಿವೆ.