ಗುಂಪುಲಿ (ನಾ). (ಪಕ್ಷಿ ಮೊದಲಾದುವುಗಳು) ಒಟ್ಟಾಗಿ ಮಾಡುವ ಶಬ್ದ, ಸಾಮೂಹಿಕ ಧ್ವನಿ.
(ಗುಂಪು + ಉಲಿ)
ಪಂಚವಟಿಯಲ್ಲಿದ್ದಾಗ ಹೇಮಂತ ಋತುವಿನ ಒಂದು ದಿನ ಬೆಳಿಗ್ಗೆ ರಾಮಲಕ್ಷ್ಮಣರು ಗೋದಾವರಿಯಲ್ಲಿ ಮಿಂದು ಹಿಂತಿರುಗುತ್ತಿರುತ್ತಾರೆ. ಆಗ ರಾಮಚಂದ್ರನು ತಮ್ಮನಿಗೆ ‘ನಾವು ಇಲ್ಲಿಂದ ಒಂದು ಮಂಗಳ ಮುಹೂರ್ತದಲ್ಲಿ ಅಯೋಧ್ಯೆಗೆ ಹಿಂದಿರುಗೋಣ’ ಎಂದು ಹೇಳುವನು.
ಆ ಬೆಳಗಿನ ಹೊಂಬಿಸಿಲು ಬಿದ್ದ ಬಿದಿರ ಮೆಳೆಯ ತುದಿಗಣೆಯಲ್ಲಿದ್ದ ಕಾಮಳ್ಳಿಗಳ ಹಿಂಡು ಹಾರಿ ಹೋಗುವಾಗ ಅವು ಒಟ್ಟಾಗಿ ಮಾಡಿದ ಉಲಿತವನ್ನು ಕವಿಯು ‘ಗುಂಪುಲಿ’ ಎಂಬ ಪದ ರಚಿಸಿ ಉಲಿತದ ಸಾಂಗತ್ಯವನ್ನು ಪ್ರಕಟಪಡಿಸಿದ್ದಾರೆ.
