<p>ಅಮಾವಾಸ್ಯೆಯ ಕಗ್ಗತ್ತಲ ನಟ್ಟನಡು ರಾತ್ರಿಯಲಿ<br /> ಮಧ್ಯಕಾಲದ ಹೆಣ ಎದ್ದು ಕುಳಿತು<br /> ತನ್ನ ಆತ್ಮೀಯ ಗೆಳೆಯ ಸತ್ತ ದನಭಕ್ಷಕನನ್ನ<br /> ಹುಡುಕುತ್ತಿದೆ ಸುತ್ತುಮುತ್ತು<br /> ಏನೇನು ಕಾಣುತ್ತಿಲ್ಲ ಕೂನ<br /> ಸ್ಮಶಾನದಲ್ಲಿಯೇ ಇದು ಸ್ಮಶಾನ ಮೌನ</p>.<p>ಕಣ್ಣುಜ್ಜುಜ್ಜಿ ಮಿಟುಕಿಸಿ ನೋಡುತ್ತಿದೆ ಹೆಣ<br /> ಅರೆ! ಅರೆ! ಇನ್ನೂ ಇದ್ದಾವಲ್ಲ ಮಿಂಚುಹುಳ<br /> ಮುಖ ಕಳೆಗುಂದಿಲ್ಲ ನಕ್ಷತ್ರಗಳ!<br /> ಆದರೆ... ತಾನು ಗೊಟಕ್ಕೆನ್ನುವಾಗ<br /> ಸರ್ವಪ್ರೇಕ್ಷಕವಾಗಿದ್ದ ಕಾರ್ಗತ್ತಲೆ<br /> ಇನ್ನೂ ಕರಗಿಯೇ ಇಲ್ಲ!<br /> ಕಾರಿರುಳ ಆತುಕೊಂಡಿರುವ ಹಾವು<br /> ಇನ್ನೂ ಪೊರೆಬಿಟ್ಟಿಲ್ಲ<br /> ಸಮೀಪದಲ್ಲಿಯೆ ಕೈಪಂಪು ಹೊಡೆವ ಸದ್ದು<br /> ಮನುಷ್ಯರು ಕಾಣುತ್ತಿಲ್ಲ ನೀರೂ ಇಲ್ಲ<br /> ಹೆಣಕ್ಕೆ ಖಾತ್ರಿಯಾಗಿ ಬೆಪ್ಪನೆ ಬೆವರುತ್ತಿದೆ<br /> ಇಲ್ಲಿ ಇನ್ನೂ ದೆವ್ವದ ಕಾಟ ನಿಂತಿಲ್ಲ!</p>.<p>ಬನ್ನಿ ಗೆಳೆಯರೆ ಬೇಗ ಬನ್ನಿ<br /> ಜವಾರಿ ಶೇಂಗಾ ಗೊಂಜಾಳ ತೆನಿ ಬಂಪರ್ ಬೆಳೆದಿದೆ<br /> ಕೆದರಿ ತಿನ್ನಿ-<br /> ಮಡ್ಡಿಯ ಕೊಕಾಟ್ಯಾ ನರಿ ದಾವತ್ ನೀಡುತ್ತಿದೆ<br /> ತನ್ನವರಿಗೆ ಅಡವಿ ಮಿಕಗಳಿಗೆ<br /> ಹೊಲ ಹಾಳುಗೆಡವಿದ ಈ ಹೀನ ನರಿಗಳನ್ನು<br /> ತಿರವ್ಯಾಡಿ ಬಡಿದು ಕೊಲ್ಲಲು<br /> ಉರಗಪತಾಕನಂತೆ ಹೆಣಕ್ಕೆ ಏಳಬೇಕಿನಿಸುತ್ತಿದೆ...<br /> ನರಿಗಳು ಹಂದಿಗಳು ಹೀಗೆ<br /> ಬಹಿರಂಗ ಕೂಗುವಾಗ<br /> ಬೊಗಳುತ್ತಿದ್ದವು ಊರ ಕಂತ್ರಿ ನಾಯಿಗಳಾದರೂ ಅಂದು<br /> ಇಂದು ಅದೂ ಕೇಳುತ್ತಿಲ್ಲ<br /> ಎಲ್ಲಿ ಕುಂಭಸಂಭವನ ಶಿಷ್ಯರು ಶಬ್ದವೇದಿ<br /> ಬಾಣ ಪ್ರಯೋಗಿಸಿರಬಹುದೆ..?<br /> ತುಸುತುಸುವೇ ಬೆಳಕು ಹರಿದಂತೆ<br /> ತುಸು ದೂರದಲ್ಲಿ ಹಸಿರು ಬನ<br /> ಎತ್ತೆತ್ತರವಾದ ಸೊಕ್ಕಿನ ಮರಗಳು<br /> ಪಕ್ಕದಲ್ಲಿಯೇ ಸೊರಗಿ ನಿಂತಿರುವ<br /> ಕುರುಚಲು ಗಿಡಗಳು<br /> ಮೈತುಂಬ ಬೇಡಿಯಂತೆ ಹಬ್ಬಿಕೊಂಡಿರುವ ಬಳ್ಳಿಗಳು<br /> ಅಲ್ಲಲ್ಲಿ ನಾಯಿ ತುಳಸಿ ಸಸ್ಯಗಳು<br /> ಮೇಲೆ ಗೊಡ್ಡ ಬಿಳಿಮೋಡಗಳು. . .</p>.<p>ಹೆಣ ಹಿರಿಹಿರಿ ಹಿಗ್ಗುತ್ತಿದೆ<br /> ತಾನು ದೆವ್ವಗಿವ್ವ ಏನೂ ಆಗಿಲ್ಲವೆಂದು<br /> ಆದರೆ ಭಯವೋ ಭಯ<br /> ತನ್ನವೇ ಕೈ-ಕಾಲು ಕಣ್ಣು ತಲೆ ನೋಡಿಕೊಳ್ಳಲು!<br /> ಇನ್ನೂ ನೋಡಬೇಕೆನಿಸುತ್ತಿರುವಂತಿದೆ ಹೊರಕ್ಕೆ<br /> ಆದರೆ ಕೆಳಗಾರೊ ಕಾಲೆಳೆಯುತ್ತಿದ್ದಾರೆ<br /> ಗೋರಿಯೊಳಕ್ಕೆ<br /> ಅಯ್ಯೋ! ತನಗೂ ದೆವ್ವ ಹಿಡಿದಿದೆ-ಉಳಸ್ರಿ ಉಳಸ್ರಿ!<br /> ಜೋರಾಗಿ ಚೀರಬೇಕೆಂದರೆ<br /> ನಾಲಿಗೆಯೇ ಬಿದ್ದು ಹೋಗಿದೆ...<br /> ಹೆಣಕ್ಕೆ!</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p>ಅಮಾವಾಸ್ಯೆಯ ಕಗ್ಗತ್ತಲ ನಟ್ಟನಡು ರಾತ್ರಿಯಲಿ<br /> ಮಧ್ಯಕಾಲದ ಹೆಣ ಎದ್ದು ಕುಳಿತು<br /> ತನ್ನ ಆತ್ಮೀಯ ಗೆಳೆಯ ಸತ್ತ ದನಭಕ್ಷಕನನ್ನ<br /> ಹುಡುಕುತ್ತಿದೆ ಸುತ್ತುಮುತ್ತು<br /> ಏನೇನು ಕಾಣುತ್ತಿಲ್ಲ ಕೂನ<br /> ಸ್ಮಶಾನದಲ್ಲಿಯೇ ಇದು ಸ್ಮಶಾನ ಮೌನ</p>.<p>ಕಣ್ಣುಜ್ಜುಜ್ಜಿ ಮಿಟುಕಿಸಿ ನೋಡುತ್ತಿದೆ ಹೆಣ<br /> ಅರೆ! ಅರೆ! ಇನ್ನೂ ಇದ್ದಾವಲ್ಲ ಮಿಂಚುಹುಳ<br /> ಮುಖ ಕಳೆಗುಂದಿಲ್ಲ ನಕ್ಷತ್ರಗಳ!<br /> ಆದರೆ... ತಾನು ಗೊಟಕ್ಕೆನ್ನುವಾಗ<br /> ಸರ್ವಪ್ರೇಕ್ಷಕವಾಗಿದ್ದ ಕಾರ್ಗತ್ತಲೆ<br /> ಇನ್ನೂ ಕರಗಿಯೇ ಇಲ್ಲ!<br /> ಕಾರಿರುಳ ಆತುಕೊಂಡಿರುವ ಹಾವು<br /> ಇನ್ನೂ ಪೊರೆಬಿಟ್ಟಿಲ್ಲ<br /> ಸಮೀಪದಲ್ಲಿಯೆ ಕೈಪಂಪು ಹೊಡೆವ ಸದ್ದು<br /> ಮನುಷ್ಯರು ಕಾಣುತ್ತಿಲ್ಲ ನೀರೂ ಇಲ್ಲ<br /> ಹೆಣಕ್ಕೆ ಖಾತ್ರಿಯಾಗಿ ಬೆಪ್ಪನೆ ಬೆವರುತ್ತಿದೆ<br /> ಇಲ್ಲಿ ಇನ್ನೂ ದೆವ್ವದ ಕಾಟ ನಿಂತಿಲ್ಲ!</p>.<p>ಬನ್ನಿ ಗೆಳೆಯರೆ ಬೇಗ ಬನ್ನಿ<br /> ಜವಾರಿ ಶೇಂಗಾ ಗೊಂಜಾಳ ತೆನಿ ಬಂಪರ್ ಬೆಳೆದಿದೆ<br /> ಕೆದರಿ ತಿನ್ನಿ-<br /> ಮಡ್ಡಿಯ ಕೊಕಾಟ್ಯಾ ನರಿ ದಾವತ್ ನೀಡುತ್ತಿದೆ<br /> ತನ್ನವರಿಗೆ ಅಡವಿ ಮಿಕಗಳಿಗೆ<br /> ಹೊಲ ಹಾಳುಗೆಡವಿದ ಈ ಹೀನ ನರಿಗಳನ್ನು<br /> ತಿರವ್ಯಾಡಿ ಬಡಿದು ಕೊಲ್ಲಲು<br /> ಉರಗಪತಾಕನಂತೆ ಹೆಣಕ್ಕೆ ಏಳಬೇಕಿನಿಸುತ್ತಿದೆ...<br /> ನರಿಗಳು ಹಂದಿಗಳು ಹೀಗೆ<br /> ಬಹಿರಂಗ ಕೂಗುವಾಗ<br /> ಬೊಗಳುತ್ತಿದ್ದವು ಊರ ಕಂತ್ರಿ ನಾಯಿಗಳಾದರೂ ಅಂದು<br /> ಇಂದು ಅದೂ ಕೇಳುತ್ತಿಲ್ಲ<br /> ಎಲ್ಲಿ ಕುಂಭಸಂಭವನ ಶಿಷ್ಯರು ಶಬ್ದವೇದಿ<br /> ಬಾಣ ಪ್ರಯೋಗಿಸಿರಬಹುದೆ..?<br /> ತುಸುತುಸುವೇ ಬೆಳಕು ಹರಿದಂತೆ<br /> ತುಸು ದೂರದಲ್ಲಿ ಹಸಿರು ಬನ<br /> ಎತ್ತೆತ್ತರವಾದ ಸೊಕ್ಕಿನ ಮರಗಳು<br /> ಪಕ್ಕದಲ್ಲಿಯೇ ಸೊರಗಿ ನಿಂತಿರುವ<br /> ಕುರುಚಲು ಗಿಡಗಳು<br /> ಮೈತುಂಬ ಬೇಡಿಯಂತೆ ಹಬ್ಬಿಕೊಂಡಿರುವ ಬಳ್ಳಿಗಳು<br /> ಅಲ್ಲಲ್ಲಿ ನಾಯಿ ತುಳಸಿ ಸಸ್ಯಗಳು<br /> ಮೇಲೆ ಗೊಡ್ಡ ಬಿಳಿಮೋಡಗಳು. . .</p>.<p>ಹೆಣ ಹಿರಿಹಿರಿ ಹಿಗ್ಗುತ್ತಿದೆ<br /> ತಾನು ದೆವ್ವಗಿವ್ವ ಏನೂ ಆಗಿಲ್ಲವೆಂದು<br /> ಆದರೆ ಭಯವೋ ಭಯ<br /> ತನ್ನವೇ ಕೈ-ಕಾಲು ಕಣ್ಣು ತಲೆ ನೋಡಿಕೊಳ್ಳಲು!<br /> ಇನ್ನೂ ನೋಡಬೇಕೆನಿಸುತ್ತಿರುವಂತಿದೆ ಹೊರಕ್ಕೆ<br /> ಆದರೆ ಕೆಳಗಾರೊ ಕಾಲೆಳೆಯುತ್ತಿದ್ದಾರೆ<br /> ಗೋರಿಯೊಳಕ್ಕೆ<br /> ಅಯ್ಯೋ! ತನಗೂ ದೆವ್ವ ಹಿಡಿದಿದೆ-ಉಳಸ್ರಿ ಉಳಸ್ರಿ!<br /> ಜೋರಾಗಿ ಚೀರಬೇಕೆಂದರೆ<br /> ನಾಲಿಗೆಯೇ ಬಿದ್ದು ಹೋಗಿದೆ...<br /> ಹೆಣಕ್ಕೆ!</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
