ಕ್ರಿಸ್ಮಸ್ ಕಾರ್ಡನ್ನು ಮೊದಲು ಸಿದ್ಧಪಡಿಸಿದ್ದು ಯಾರು?
ಮೊದಲ ಕ್ರಿಸ್ಮಸ್ ಕಾರ್ಡ್ ವಿನ್ಯಾಸಗೊಳಿಸಿದ್ದು ಕಲಾವಿದ ಜಾನ್ ಕ್ಯಾಲ್ಕೊಟ್ ಹಾರ್ಸ್ಲಿ. 1843ರಲ್ಲಿ ಸ್ನೇಹಿತ ಹೆನ್ರಿ ಕೋಲ್ ಅದಕ್ಕೆ ಸಾಥ್ ನೀಡಿದ. ಚಿತ್ರ ಕಲಾವಿದ ಕ್ಯಾಲ್ಕೊಟ್ ವಿನ್ಯಾಸ ಮಾಡಿದ ಕಾರ್ಡ್ಗಳ ನೂರು ಪ್ರತಿಯನ್ನು ಹೆನ್ರಿ ಕೋಲ್ ಮುದ್ರಿಸಿದ. ಇಷ್ಟೊಂದು ಕ್ರಿಸ್ಮಸ್ ಕಾರ್ಡ್ಗಳು ಮೊದಲು ಮುದ್ರಗೊಂಡಿದ್ದೇ ಆಗ.
ಆ ಕಾರ್ಡ್ನಲ್ಲಿ ಏನೇನು ಸಂಗತಿಗಳಿದ್ದವು?
13 ಸೆಂ.ಮೀ. ಉದ್ದ, 8 ಸೆಂ.ಮೀ. ಅಗಲದ ಆ ಕಾರ್ಡ್ನಲ್ಲಿ ಪೇಂಟ್ ಮಾಡಲಾದ ಮೂರು ಭಾಗಗಳಿದ್ದವು. ಮಧ್ಯದ ಭಾಗದಲ್ಲಿ ಕುಟುಂಬವೊಂದು ಸಂಭ್ರಮದಿಂದ ಕ್ರಿಸ್ಮಸ್ ಆಚರಿಸುವ ಚಿತ್ರವಿತ್ತು. ಉಳಿದೆರಡು ಭಾಗಗಳಲ್ಲಿ ಹಸಿದವರಿಗೆ ಅನ್ನ ನೀಡುವ, ಬೆತ್ತಲೆ ಇದ್ದವರಿಗೆ ಬಟ್ಟೆಗಳನ್ನು ನೀಡುವ ದಾನಿಗಳ ಚಿತ್ರಗಳಿದ್ದವು. `ಎ ಮೆರ್ರಿ ಕ್ರಿಸ್ಮಸ್ ಅಂಡ್ ಹ್ಯಾಪಿ ನ್ಯೂ ಇಯರ್ ಟು ಯೂ~ ಎಂಬ ಬರಹ ಕೂಡ ಕಾರ್ಡ್ನಲ್ಲಿತ್ತು.