ಮನಸ್ಸು ಸದಾ ಸಂಚಾರಿ. ಇದ್ದಲ್ಲೇ ಇದ್ದು ಬೇರು ಬಿಡುವಾಗೆಲ್ಲ, ದೂರ ತೀರ ಯಾನವೂ ಕೈ ಬೀಸಿ ಕರೆಯುತ್ತಿರುತ್ತದೆ. ಹೆಚ್ಚು ಹೆಚ್ಚು ತಿಳಿದುಕೊಳ್ಳುವುದಕ್ಕೆ ಈಗಂತೂ ಜ್ಞಾನ ಸಾಗರವೇ ಕಣ್ಮುಂದಿದೆ. ಆದರೆ ನಮ್ಮ ಕುತೂಹಲವಿರುವುದೆಲ್ಲ ಮನುಷ್ಯರ ಕಥೆಗಳತ್ತವೇ. ಕಟ್ಟಿ, ಕೆಡವಿಕೊಂಡ ಸಾಮ್ರಾಜ್ಯಗಳು, ಶತಮಾನ ಕಳೆದರೂ ಅದರ ನೆನಪಿನೊಂದಿಗೆ ಬದುಕನ್ನು ಹುಡುಕುತ್ತಿರುವವರ ಕಥೆಗಳು, ಪ್ರತಿ ಗೋಡೆಯೂ ಸಾರುವ ಅನೂಹ್ಯ ಸಂಗತಿಗಳು ಹೀಗೆ ಇಂಥವನ್ನೆಲ್ಲ ತಿಳಿದುಕೊಳ್ಳಬೇಕಾದರೆ ಆಗಾಗಂತೂ ಒಂದಷ್ಟು ಪ್ರವಾಸ ಹೊರಡಲೇಬೇಕು.
