<p>ಅಶೋಕ ಹಾಸ್ಯಗಾರರ ದಶಾವತಾರದ ದಶರೂಪಕ ಕೃತಿ, ಯಕ್ಷಗಾನದ ಶಾಸ್ತ್ರೀಯತೆಯನ್ನು ಭರತನ ನಾಟ್ಯಶಾಸ್ತ್ರದ ದಶರೂಪಕಗಳ ಆಧಾರದ ಮೇಲೆ ಆಳವಾಗಿ ವಿಶ್ಲೇಷಿಸುವ ಅಧ್ಯಯನಾತ್ಮಕ ಗ್ರಂಥವಾಗಿದೆ.</p><p>ಯಕ್ಷಗಾನದ ಪಾತ್ರಗಳು, ಪ್ರಸಂಗಗಳು, ಚೌಕಿಮನೆ, ಭಾಗವತ, ವಾದನ, ರಂಗಪ್ರವೇಶ ಮುಂತಾದ ಅಂಶಗಳನ್ನು ನಾಟ್ಯಶಾಸ್ತ್ರದ ನಿಯಮಗಳೊಂದಿಗೆ ಹೋಲಿಸಿ ಲೇಖಕರು ಸ್ಪಷ್ಟ ವಿಶ್ಲೇಷಣೆ ನೀಡಿದ್ದಾರೆ. ನಾಟ್ಯಶಾಸ್ತ್ರದ ಭಾಣ, ಪ್ರಹಸನ, ಡಿಮ, ವ್ಯಾಯೋಗ ಮೊದಲಾದ ರೂಪಕಗಳನ್ನು ಯಕ್ಷಗಾನದಲ್ಲಿನ ಪಾತ್ರಗಳು ಮತ್ತು ಪ್ರಸಂಗಗಳ ಮುಖಾಂತರ ವಿವರಣೆ ನೀಡಿದ್ದಾರೆ.</p><p>ಸೃಷ್ಟಿ, ಸ್ಥಿತಿ, ಲಯ ತತ್ತ್ವಗಳನ್ನು ಯಕ್ಷಗಾನ ಶೈಲಿಗೆ ಸಮರ್ಪಕವಾಗಿ ಅನ್ವಯಿಸಿದ್ದಾರೆ. ಭಾಗವತನೆಂಬ ಸೂತ್ರಧಾರನ ಪಾತ್ರ, ವೇಷಭೂಷಣ, ಆಹಾರ್ಯಾಭಿನಯ ಮುಂತಾದ ಅಂಶಗಳನ್ನು ಶಾಸ್ತ್ರೀದ ಬೆಳಕಿನಲ್ಲಿ ವಿವೇಚಿಸಿದ್ದಾರೆ. ದೇಶೀ ಮಾರ್ಗವನ್ನು ಅಳವಡಿಸಿಕೊಂಡು ಯಕ್ಷಗಾನಕ್ಕೂ ನಾಟ್ಯಶಾಸ್ತ್ರಕ್ಕೂ ಇರುವ ಸಂಬಂಧವನ್ನು ಸಾದರಪಡಿಸಿರುವ ಈ ಕೃತಿ, ಯಕ್ಷಗಾನವನ್ನು ಕೇವಲ ಜನಪದ ಕಲೆಯೆಂದು ನೋಡುವ ನಿಲುವಿಗೆ ಶಾಸ್ತ್ರೀಯ ಒಳನೋಟವನ್ನು ಒದಗಿಸುತ್ತದೆ.</p><p>ಈ ಗ್ರಂಥ, ಯಕ್ಷಗಾನ ಹಾಗೂ ಇತರ ನಾಟ್ಯಪದ್ದತಿಗಳ ಅಧ್ಯಯನದಲ್ಲಿ ತೊಡಗಿರುವವರಿಗೆ ಅಮೂಲ್ಯ ಮಾಹಿತಿ ನೀಡುತ್ತದೆ. ಕೃತಿಯು ಕೇವಲ ವಿಚಾರಗಳನ್ನು ಮಾತ್ರ ಪರಿಚಯಿಸುವುದಲ್ಲದೆ, ಅನೇಕ ಹೊಸ ಪ್ರಶ್ನೆಗಳನ್ನು ಎಬ್ಬಿಸಿ, ಅವುಗಳಿಗೆ ಉತ್ತರ ಹುಡುಕುವ ಮಾರ್ಗವನ್ನೂ ಸೂಚಿಸುತ್ತದೆ. ಈ ರೀತಿಯ ವಿಚಾರ ವಿಸ್ತಾರದ ಚಿಂತನೆಗಳ ಮೂಲಕ ಲೇಖಕರ ಈ ಪ್ರಯತ್ನವು ಖಂಡಿತವಾಗಿಯೂ ಸಾರ್ಥಕವಾಗಿದೆಯೆಂದು ಹೇಳಬಹುದು.</p>.<p><strong>ದಶಾವತಾರದ ದಶರೂಪಕ</strong></p><ul><li><p><strong>ಲೇ:</strong> ಅಶೋಕ ಹಾಸ್ಯಗಾರ</p></li><li><p><strong>ಪ್ರ:</strong> ಯಾಜಿ ಪ್ರಕಾಶನ</p></li><li><p><strong>ಸಂ</strong>: 9148739504</p></li></ul>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p>ಅಶೋಕ ಹಾಸ್ಯಗಾರರ ದಶಾವತಾರದ ದಶರೂಪಕ ಕೃತಿ, ಯಕ್ಷಗಾನದ ಶಾಸ್ತ್ರೀಯತೆಯನ್ನು ಭರತನ ನಾಟ್ಯಶಾಸ್ತ್ರದ ದಶರೂಪಕಗಳ ಆಧಾರದ ಮೇಲೆ ಆಳವಾಗಿ ವಿಶ್ಲೇಷಿಸುವ ಅಧ್ಯಯನಾತ್ಮಕ ಗ್ರಂಥವಾಗಿದೆ.</p><p>ಯಕ್ಷಗಾನದ ಪಾತ್ರಗಳು, ಪ್ರಸಂಗಗಳು, ಚೌಕಿಮನೆ, ಭಾಗವತ, ವಾದನ, ರಂಗಪ್ರವೇಶ ಮುಂತಾದ ಅಂಶಗಳನ್ನು ನಾಟ್ಯಶಾಸ್ತ್ರದ ನಿಯಮಗಳೊಂದಿಗೆ ಹೋಲಿಸಿ ಲೇಖಕರು ಸ್ಪಷ್ಟ ವಿಶ್ಲೇಷಣೆ ನೀಡಿದ್ದಾರೆ. ನಾಟ್ಯಶಾಸ್ತ್ರದ ಭಾಣ, ಪ್ರಹಸನ, ಡಿಮ, ವ್ಯಾಯೋಗ ಮೊದಲಾದ ರೂಪಕಗಳನ್ನು ಯಕ್ಷಗಾನದಲ್ಲಿನ ಪಾತ್ರಗಳು ಮತ್ತು ಪ್ರಸಂಗಗಳ ಮುಖಾಂತರ ವಿವರಣೆ ನೀಡಿದ್ದಾರೆ.</p><p>ಸೃಷ್ಟಿ, ಸ್ಥಿತಿ, ಲಯ ತತ್ತ್ವಗಳನ್ನು ಯಕ್ಷಗಾನ ಶೈಲಿಗೆ ಸಮರ್ಪಕವಾಗಿ ಅನ್ವಯಿಸಿದ್ದಾರೆ. ಭಾಗವತನೆಂಬ ಸೂತ್ರಧಾರನ ಪಾತ್ರ, ವೇಷಭೂಷಣ, ಆಹಾರ್ಯಾಭಿನಯ ಮುಂತಾದ ಅಂಶಗಳನ್ನು ಶಾಸ್ತ್ರೀದ ಬೆಳಕಿನಲ್ಲಿ ವಿವೇಚಿಸಿದ್ದಾರೆ. ದೇಶೀ ಮಾರ್ಗವನ್ನು ಅಳವಡಿಸಿಕೊಂಡು ಯಕ್ಷಗಾನಕ್ಕೂ ನಾಟ್ಯಶಾಸ್ತ್ರಕ್ಕೂ ಇರುವ ಸಂಬಂಧವನ್ನು ಸಾದರಪಡಿಸಿರುವ ಈ ಕೃತಿ, ಯಕ್ಷಗಾನವನ್ನು ಕೇವಲ ಜನಪದ ಕಲೆಯೆಂದು ನೋಡುವ ನಿಲುವಿಗೆ ಶಾಸ್ತ್ರೀಯ ಒಳನೋಟವನ್ನು ಒದಗಿಸುತ್ತದೆ.</p><p>ಈ ಗ್ರಂಥ, ಯಕ್ಷಗಾನ ಹಾಗೂ ಇತರ ನಾಟ್ಯಪದ್ದತಿಗಳ ಅಧ್ಯಯನದಲ್ಲಿ ತೊಡಗಿರುವವರಿಗೆ ಅಮೂಲ್ಯ ಮಾಹಿತಿ ನೀಡುತ್ತದೆ. ಕೃತಿಯು ಕೇವಲ ವಿಚಾರಗಳನ್ನು ಮಾತ್ರ ಪರಿಚಯಿಸುವುದಲ್ಲದೆ, ಅನೇಕ ಹೊಸ ಪ್ರಶ್ನೆಗಳನ್ನು ಎಬ್ಬಿಸಿ, ಅವುಗಳಿಗೆ ಉತ್ತರ ಹುಡುಕುವ ಮಾರ್ಗವನ್ನೂ ಸೂಚಿಸುತ್ತದೆ. ಈ ರೀತಿಯ ವಿಚಾರ ವಿಸ್ತಾರದ ಚಿಂತನೆಗಳ ಮೂಲಕ ಲೇಖಕರ ಈ ಪ್ರಯತ್ನವು ಖಂಡಿತವಾಗಿಯೂ ಸಾರ್ಥಕವಾಗಿದೆಯೆಂದು ಹೇಳಬಹುದು.</p>.<p><strong>ದಶಾವತಾರದ ದಶರೂಪಕ</strong></p><ul><li><p><strong>ಲೇ:</strong> ಅಶೋಕ ಹಾಸ್ಯಗಾರ</p></li><li><p><strong>ಪ್ರ:</strong> ಯಾಜಿ ಪ್ರಕಾಶನ</p></li><li><p><strong>ಸಂ</strong>: 9148739504</p></li></ul>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
