ಶ್ರೀನಿವಾಸ ಶೆಟ್ಟಿ ಅವರ ಕವನ: ಮಾಂಗಟ್ಟೆ ಹಕ್ಕಿ

ನನ್ನೊಳಗೊಬ್ಬಳು ಹೆಣ್ಣಿದ್ದಳು ಅದೆಂಥಾ ಹಠಮಾರಿ ಹದಿ ಅರಿವಿರದ ಹೆಣ್ಣು ಗುಟುಕು ಪ್ರೀತಿಗೆ ನನ್ನೆದೆ ಗೂಡಲ್ಲಿ ಕೂತ ಮಾಂಗಟ್ಟೆ* ಅವಳು

. ಪ್ರತಿ ಸಲದ ಭೇಟಿಗೆ ನನ್ನಿಷ್ಟದ ಉಡುಗೆ-ತೊಡುಗೆ ಮುಂಜಾವಿನ ಶುರುವಿಗೂ ರಾತ್ರಿಯ ಕೊನೆಗೂ ಮೊದಲ ಶುಭ ಸಂದೇಶ ಕೊಟ್ಟವಳು ಅದು ಇದು, ಹಾಗೆ ಹೀಗೆ

. ಆಗಾಗ ಬರೆವ ಕವನದ ಸಾಲಿಗೆ ಸಲಿಗೆ ಕೊಟ್ಟು ಕಾಡಿಸಿ-ಪೀಡಿಸಿ ಕೈ ತೋಳುಗಳ ಅಂಟಿಸಿ ನಡೆವ ತವಕಕ್ಕೆ ಅದೆಷ್ಟು ರಿಂಗಣಗಳು ಕೂಸು ತಾಯ್ಗತ್ತಂತೆ ಅವಳು ನನಗಾಗಿ

. ನಾನು ಬೆಳೆದಂತೆ ನನ್ನ ಅಹಮ್ಮಿಕೆಯ ಉಪೇಕ್ಷೆಗೆ ಮೌನಕ್ಕೋದವಳು ನನ್ನೊಲವಿಗಾಗಿ ಇದ್ದವಳು ಹೊರಟೇ ಬಿಟ್ಟಳು ನನ್ನೆದೆಯೊಳಗೆ ಪ್ರಾಣಬಿಟ್ಟು

. ದುರಂತ ಅವಳದೋ? ನನ್ನದೋ?

. (*ಮಾಂಗಟ್ಟೆ [Hornbill] ಹೆಣ್ಣು ಗೂಡಲ್ಲೇ ಉಳಿದು ಗಂಡು ತರುವ ಆಹಾರ ಮಾತ್ರ ತಿನ್ನುವ ಪಕ್ಷಿ, ಗಂಡು ಪಕ್ಷಿ ಮರಳಿ ಬಾರದೆ ಇದ್ದರೆ ಗೂಡಲ್ಲೇ ಪ್ರಾಣ ಬಿಡುತ್ತದೆ.)

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.