ಒಂದು ಮಧ್ಯರಾತ್ರಿಯ ಕತ್ತಲು
ಹೆದ್ದಾರಿಯ ಮಧ್ಯೆ ನಡೆಯುತ್ತಿದ್ದಾನೆ
ಮೊಬೈಲನ್ನು ಮನೆಯಲ್ಲೇ ಕೊಂದಿದ್ದಾನೆ
ಕೆರಗಳನ್ನು ಕದದ ಬದಿಗೆ ಬಿಸಾಡಿದ್ದಾನೆ
ಬಾಗಿಲನ್ನು ತೆರೆದೇ ಬಂದಿದ್ದಾನೆ
ಬೇಕಂತಲೇ ಮದ್ಯವನ್ನು ಹಾಗೇ ಇಟ್ಟಿದ್ದಾನೆ
'ತಟ್ಟುವ ಸಾವಿನ ಬಾಗಿಲಿಗೆ ನೂಕಿದವರಿಲ್ಲ'
ವೆಂದು ನಿಜವಲ್ಲದ ಪತ್ರ ಬರೆದಿಟ್ಟಿದ್ದಾನೆ
ಇಷ್ಟ ಪಟ್ಟವರು, ನೋವ ಕೊಟ್ಟವರು
ಲೆಕ್ಕವಿಟ್ಟವರು, ಮರೆತು ಬಿಟ್ಟವರು
ಬಿಟ್ಟು ನಡೆದವರು, ಬದುಕ ಬಿಡದವರು
ಕನಸ ಕಸಿದವರು, ಅಷ್ಟೇ ಏಕೆ
ಹೆಲ್ಮೆಟ್ಟು, ಕಾರಿನ ಸೀಟು ಬೆಲ್ಟು
ಜೀವವುಳಿಸಬಹುದರೆಲ್ಲದರ ಕಾಲ ಕೀಲಿಗಳಿಗೆ
ಜೋಮು ಹಿಡಿದ ಜೇಬುಗಳಲಿ ಜಾಣನಿದ್ರೆ
ಯೋಗನಿದ್ರೆಯ ದೇವರಗುಡಿಗೆ ಬೀಗಮುದ್ರೆ