ನಾವೂ ಅಷ್ಟೆ, ಯಾರ ಜೊತೆ ನಾವು ಹೋರಾಟ ಮಾಡಬಾರದೋ ಅಂಥವರೊಂದಿಗೆ ವ್ಯರ್ಥವಾಗಿ ಸೆಣಸುತ್ತಿರುತ್ತೇವೆ. ನಮ್ಮ ಜೀವನದಲ್ಲಿ ಎದುರಾಗುವ ಎಲ್ಲರ ನಡೆ–ನಡಿಗಳಿಗೂ ನಾವು ಗಮನ ಕೊಡಬೇಕಾಗಿರುವುದಿಲ್ಲ. ಉದಾಹರಣೆಗೆ, ನಾವು ಪ್ರಯಾಣ ಮಾಡುತ್ತಿರುವಾಗ ಸಹಪ್ರಯಾಣಿಕನೊಬ್ಬ ಯಾವುದೋ ಕಾರಣಕ್ಕೆ ಏನೋ ಒಂದು ಮಾತನ್ನು ಆಡುತ್ತಾನೆಂದು ಇಟ್ಟುಕೊಳ್ಳೋಣ. ನಾವು ನಮ್ಮ ಮನೆಗೂ ಅವನ ಆ ಮಾತನ್ನು ನಮ್ಮ ಮನಸ್ಸಿನಲ್ಲಿ ಹೊತ್ತುತರಬೇಕಾಗಿಲ್ಲ. ಅದನ್ನೇ ಕುರಿತು ರಾತ್ರಿಹಗಲು ಚಿಂತಿಸಬೇಕಿಲ್ಲ.