ಚಿತ್ರದಲ್ಲಿರುವ ತಾತನನ್ನು ಒಮ್ಮೆ ನೋಡಿ. ಇವರ ಹೆಸರು ಗುಸೆಪ್ಪೆ ಪೆಟರ್ನೊ ಎಂದು. ಇಟಲಿ ದೇಶದ ಪ್ರಜೆ. ವಯಸ್ಸು ಈಗ ಕೇವಲ 96! ಇಲ್ಲಿ ‘ಕೇವಲ’ ಎಂಬ ವಿಶೇಷಣ ಏಕಪ್ಪ ಅಂದ್ರೆ, ಇಟಲಿಯ ವಿಶ್ವವಿದ್ಯಾಲಯದಿಂದ ಈಗಷ್ಟೇ ಅವರು ಪದವಿ ಪೂರೈಸಿದ್ದಾರೆ. ಬಾಲ್ಯದಲ್ಲಿ ಬಡತನವನ್ನೂ ಹಲವು ಯುದ್ಧಗಳನ್ನೂ ಕಂಡಿರುವ ಈ ಹಿರಿಯ ಜೀವ ಈಗ ಕೋವಿಡ್ನ ಬಿಕ್ಕಟ್ಟಿಗೂ ಸಾಕ್ಷಿ. ಗುಸೆಪ್ಪೆ ಅವರ ಸುದೀರ್ಘ ಜೀವನ ಯಾತ್ರೆಯಲ್ಲಿ ಸಾಮಾಜಿಕ, ರಾಜಕೀಯ ಸ್ಥಿತ್ಯಂತರಗಳು ಏನೇ ಘಟಿಸಿರಲಿ, ಅವರಿಗೆ ಮಾತ್ರ ನಿರಂತರ ಓದಿನ ಹಸಿವು. ರೈಲ್ವೆ ಇಲಾಖೆಯ ಈ ನಿವೃತ್ತ ನೌಕರನಿಗೆ ಇತಿಹಾಸ ಹಾಗೂ ತತ್ವಶಾಸ್ತ್ರದಲ್ಲಿ ಪದವಿ ಪಡೆಯುವ ಬಯಕೆ ಉಂಟಾಯಿತು.