ಘಟ್ಟಿವಾಳಯ್ಯನ ವಚನ: ಕತ್ತಿಗೆ ಧರ್ಮಾಧರ್ಮಗಳ ಪರಿಚಯವೆ?

ಇರಿವ ಕೈದಿಂಗೆ ದಯೆ ಧರ್ಮದ ಮೊನೆಯುಂಟೆ?

. ಕಾಳೋರಗನ ದಾಡೆಯಲ್ಲಿ ಅಮೃತದ ಸುಧೆಯುಂಟೆ?

. ಕೂಟವ ಕೂಡಿ ಸಮಯನೊಂದಲ್ಲಿ ಅಜಾತನ ಬಲ್ಲರೆ?

. ಎನಗೆ ನಿಮ್ಮೊಳಗಿನ್ನೇತರ ಮಾತು?

. ವೇಷಧಾರಿಗಳೆಲ್ಲ ನಿಮ್ಮ ಕೂಟಕ್ಕೆ ಹೊರಗು

. ಚಿಕ್ಕಯ್ಯಪ್ರಿಯ ಸಿದ್ಧಲಿಂಗ ಇಲ್ಲ ಇಲ್ಲ ಮಾಣು

. ಮುದ್ದಣ್ಣ ಎಂಬ ಪೂರ್ವನಾಮದ ಘಟ್ಟಿವಾಳಯ್ಯನ ವಚನವಿದು. 146 ವಚನಗಳನ್ನು ರಚಿಸಿರುವ ಈತನ ವ್ಯಕ್ತಿತ್ವದ ಹಿರಿಮೆಯ ಕುರಿತು ಬಸವಣ್ಣ, ಚೆನ್ನಬಸವಣ್ಣ, ಸಿದ್ಧರಾಮ ಮುಂತಾದವರು ಗುಣಗಾನ ಮಾಡಿದ್ದಾರೆ.

. ನಡೆ, ನುಡಿ, ಅನುಭಾವ, ಆಚರಣೆ, ಅಭಿವ್ಯಕ್ತಿ – ಈ ಎಲ್ಲವುಗಳಲ್ಲೂ ಒಂದು ಗಟ್ಟಿಯಾದ ನಿಲುವನ್ನು ಸಾಧಿಸಿದ ಘಟ್ಟಿವಾಳಯ್ಯ ಶಿವಾನುಭವವನ್ನು ಸಾರುತ್ತ ನರ್ತನ ಕಾಯಕ ಮಾಡುತ್ತಿದ್ದ. ಚಿಕ್ಕಯ್ಯಪ್ರಿಯ ಸಿದ್ಧಲಿಂಗ ಇಲ್ಲ ಇಲ್ಲ ಎನ್ನುವುದು ಘಟ್ಟಿವಾಳಯ್ಯನ ಅಂಕಿತ ನಾಮ. ಕೇಳುವುದಕ್ಕೆ ವಿಚಿತ್ರವಾಗಿರುವ ಈ ಅಂಕಿತವು ತನ್ನ ನಕಾರಾತ್ಮಕ ನೆಲೆಯಲ್ಲಿಯೇ ಸಕಾರಾತ್ಮಕ ಅಪೇಕ್ಷೆಯನ್ನು ಪ್ರತಿಪಾದಿಸುತ್ತದೆ. ಪ್ರಸ್ತುತ ವಚನದಲ್ಲಿ ನಿರ್ಮಲ ಹೃದಯಗಳ ಹುಡುಕಾಟದ ಬಯಕೆ ವ್ಯಕ್ತವಾಗುತ್ತದೆ.

. ಕೈದು ಎಂದರೆ ಕತ್ತಿ. ಅದರ ಗುಣ ಇರಿಯುವುದು. ಅದಕ್ಕೆ ದಯೆ-ಧರ್ಮಗಳ ಪರಿಚಯವಿರುವುದಿಲ್ಲ. ನಿರ್ದಯತೆಯೇ ಅದರ ಜೀವಾಳ. ಕಾಳೋರಗ ಎಂದರೆ ಕೃಷ್ಣಸರ್ಪ. ಅದರ ದವಡೆಯಲ್ಲಿ ಘೋರ ವಿಷ ತುಂಬಿಕೊಂಡಿರುತ್ತದೆ. ಹಾವಿನ ಹಲ್ಲಿನಲ್ಲಿ ಅಮೃತ ಸಿಗಲು ಸಾಧ್ಯವಿದೆಯೆ? ಅಜಾತ ಎಂದರೆ ಶಿವ. ಕೂಟವ ಕೂಡಿ ಎಂದರೆ ಸಹವಾಸ ಮಾಡಿ ಅಂತ. ಈ ವಚನದ ಮಟ್ಟಿಗೆ ಇದು ದುಷ್ಟರ ಸಂಗಾತವನ್ನು ಸೂಚಿಸುತ್ತದೆ. ಕೆಟ್ಟವರ ಒಡನಾಡಿ ವೇಳೆಯನ್ನು ವ್ಯರ್ಥಗೊಳಿಸಿದರೆ ಶಿವನು ಸಿಗುವುದಿಲ್ಲ. ಸಮಯನೊಂದಲ್ಲಿ ಎಂಬ ಶಬ್ದವನ್ನು ಎಷ್ಟು ಸುಂದರವಾಗಿ ಬಳಸಿದ್ದಾರೆ.

. ಅಕಾರಣಗಳಲ್ಲಿ ತೊಡಗಿಕೊಂಡರೆ ಮನುಷ್ಯನ ಆಯುಷ್ಯದ ಅಮೂಲ್ಯ ವೇಳೆ ನಷ್ಟವಾಗುತ್ತದೆ. ಇಂತಹ ಹಾನಿಯಾದಾಗ ಸಮಯ ಅಪವ್ಯಯವಾಗುತ್ತದೆ. ಈ ಕುರಿತು ಘಟ್ಟಿವಾಳಯ್ಯನಿಗೆ ತುಂಬಾ ಕೋಪವಿದೆ. ಆದ್ದರಿಂದ ಆತ ನಿಮ್ಮೊಳಗಿನ್ನೇತರ ಮಾತು ಎಂದು ಬೈಯುತ್ತಾನೆ. ಅಂತರಂಗ-ಬಹಿರಂಗಗಳಲ್ಲಿ ಅಂತರವಿರುವವರನ್ನು ವೇಷಧಾರಿಗಳೆಂದು ಜರೆಯುತ್ತಾನೆ. ದ್ವಂದ್ವ ನಡವಳಿಕೆಯ ವೇಷಧಾರಿಗಳು ಶಿವನ ಕೂಟ, ಎಂದರೆ ಶರಣರ ಒಡನಾಟಕ್ಕೆ ಅರ್ಹರಲ್ಲ. ಅವರನ್ನು ಹೊರಗಿಡಬೇಕು ಎಂಬುದು ಆತನ ಅಭಿಮತ.

. ಉತ್ತಮ ಬದುಕಿಗಾಗಿ ಹೇಗೆ ಉತ್ತಮರ ಒಡನಾಟ ಅತ್ಯವಶ್ಯವೋ ಹಾಗೆ ದುಷ್ಟರನ್ನು, ಕಪಟಿಗಳನ್ನು ದೂರವಿಡುವುದು ಅವಶ್ಯ. ಕೆಡಕನ್ನುಂಟು ಮಾಡುವ ಗುಣವಿರುವವರಿಂದ ಒಳಿತನ್ನು ಅಪೇಕ್ಷೆ ಮಾಡಲು ಸಾಧ್ಯವಿಲ್ಲ. ಹೇಗೆ ಆಯುಧದ ತುದಿಯಲ್ಲಿ ದಯೆಗೆ ಜಾಗವಿಲ್ಲವೋ, ಹಾವಿನ ಹಲ್ಲಿನಲ್ಲಿ ಅಮೃತವಿರಲಾರದೋ – ಹಾಗೆಯೇ ದುಷ್ಟರು ಒಳಿತನ್ನು ಮಾಡಲಾರರು. ಆದ್ದರಿಂದಲೇ ಅವರ ಸಹವಾಸ ಮಾಡಿದರೆ ಪರಮಾತ್ಮ ಸಿಗಲು ಸಾಧ್ಯವಿಲ್ಲ ಎನ್ನುವುದು ಘಟ್ಟಿವಾಳಯ್ಯನ ವಚನದಲ್ಲಿ ವ್ಯಕ್ತವಾಗಿರುವ ಭಾವ.

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ಘಟ್ಟಿವಾಳಯ್ಯನ ವಚನ: ಕತ್ತಿಗೆ ಧರ್ಮಾಧರ್ಮಗಳ ಪರಿಚಯವೆ?

ಚಿನಕುರುಳಿ | 05 ಜುಲೈ 2025, ಶನಿವಾರ

ಚುರುಮುರಿ | ಮೌಂಟನ್ ಮೀಟಿಂಗ್!

ಅರಣ್ಯ ‌ಇಲಾಖೆಯಲ್ಲಿ ಖಾಲಿ ಇರುವ 6000 ಹುದ್ದೆಗಳ ನೇಮಕ: ಸಚಿವ ಈಶ್ವರ ಬಿ.ಖಂಡ್ರೆ

ಮಂಗಳೂರು: ಬಾಲೆಯ ಚಿಕಿತ್ಸೆಗೆ 15 ಗಂಟೆಯಲ್ಲಿ ₹75 ಲಕ್ಷ ಸಂಗ್ರಹ

ಚಿನ್ನ ಗೆದ್ದ ನೀರಜ್ ಚೋಪ್ರಾ: ಜಾವೆಲಿನ್ ಥ್ರೋ ಹಬ್ಬದಲ್ಲಿ ಸಂಭ್ರಮಿಸಿದ ಬೆಂಗಳೂರು

IND vs ENG U19: ಸೂರ್ಯವಂಶಿ ಮತ್ತೆ ‘ವೈಭವ’

ಕೆನಡಾ ಓಪನ್‌: ಸೆಮಿಫೈನಲ್‌ಗೆ ಶ್ರೀಕಾಂತ್

Wimbledon: ಸಬಲೆಂಕಾ, ಸಿನ್ನರ್‌ ಮುನ್ನಡೆ

ಒಳನೋಟ: ಸೋರುವ ಕೊಠಡಿಯಲ್ಲೇ ಕಲಿಕೆ!

ಒಳನೋಟ: ಹದಗೆಟ್ಟ ಹಾಸ್ಟೆಲ್‌ ‘ಆರೋಗ್ಯ’.. ಸರಿಯಾಗದ SC, ST, OBC ವಸತಿಶಾಲೆಗಳು

ಒಳನೋಟ | ರಾಜ್ಯದಲ್ಲಿ ವಿದೇಶಿ ಹಣ್ಣುಗಳ ದಿಬ್ಬಣ

ಒಳನೋಟ | ಕಾಲ್ತುಳಿತ ಪ್ರಕರಣ: ಸಾವಿನ ಮನೆ ಬಾಗಿಲು ತೆರೆದವರಾರು?

ಚಿನಕುರುಳಿ | 05 ಜುಲೈ 2025, ಶನಿವಾರ

ಚುರುಮುರಿ | ಮೌಂಟನ್ ಮೀಟಿಂಗ್!

ಅರಣ್ಯ ‌ಇಲಾಖೆಯಲ್ಲಿ ಖಾಲಿ ಇರುವ 6000 ಹುದ್ದೆಗಳ ನೇಮಕ: ಸಚಿವ ಈಶ್ವರ ಬಿ.ಖಂಡ್ರೆ

ಮಂಗಳೂರು: ಬಾಲೆಯ ಚಿಕಿತ್ಸೆಗೆ 15 ಗಂಟೆಯಲ್ಲಿ ₹75 ಲಕ್ಷ ಸಂಗ್ರಹ