ಶತಾಯುಷಿಗಳ ಬೀಡು ಅಚಿರೋಲಿ

ಸುಮಾರು ನಾಲ್ಕು ಸಾವಿರ ವರ್ಷಗಳ ಹಿಂದೆ ಅಂದಿನ ಉರುಕ್ ದೇಶದ ಚಕ್ರವರ್ತಿ ಗಿಲ್ಗಮೇಶ್ ಅಮರತ್ವ ಪಡೆಯಲು ಹುಡುಕಾಟ ನಡೆಸಿದ್ದನಂತೆ. ಅಲ್ಲಿಂದ ಈಚೆಗೆ ಅಮರತ್ವಕ್ಕಾಗಿ ಅಲ್ಲದಿದ್ದರೂ ದೀರ್ಘಾಯುಷ್ಯಕ್ಕಾಗಿ ಮಾನವನ ನಿರಂತರ ಹುಡುಕಾಟ ನಡೆಯುತ್ತಿದೆ. ಆರೋಗ್ಯಕರ ಜೀವನ ನಡೆಸಲು ಏನೇನು ಅವಶ್ಯಕ ಎಂಬುದರ ಕುರಿತು ಸಂಶೋಧನೆಗಳಂತೂ ನಡೆಯುತ್ತಲೇ ಇವೆ.

. ಆದರೆ, ಪ್ರಪಂಚದ ಕೆಲವು ಕಡೆ ನೂರು ವರ್ಷ ದಾಟಿದರೂ ಆರಾಮವಾಗಿ ಬದುಕು ಸಾಗಿಸುತ್ತಿರುವ ನಿವಾಸಿಗಳು ಹೆಚ್ಚಿನ ಸಂಖ್ಯೆಯಲ್ಲಿರುವುದು ಅಚ್ಚರಿ ಮೂಡಿಸುತ್ತದೆ. ಇಟಲಿಯ ಪುಟ್ಟ ಹಳ್ಳಿ ಅಚಿರೋಲಿಯಲ್ಲಿ ಶತಾಯುಷಿಗಳು ಹೆಚ್ಚಿನ ಸಂಖ್ಯೆಯಲ್ಲಿದ್ದಾರೆ. ನೇಪಲ್ಸ್ನಿಂದ 140 ಕಿ.ಮೀ. ದೂರವಿರುವ ಈ ಹಳ್ಳಿಯಲ್ಲಿ ಸುಮಾರು 2000 ಮಂದಿ ನಿವಾಸಿಗಳಿದ್ದು, ಅವರಲ್ಲಿ 300 ಮಂದಿ ಶತಕ ದಾಟಿ ಬಿಟ್ಟಿದ್ದಾರೆ.

. ವ್ಯಕ್ತಿ ಬಹುಕಾಲ ಬದುಕಬೇಕಾದರೆ ಏನು ಮಾಡಬೇಕು ಹೇಳಿ– ಆರೋಗ್ಯಕರವಾದ ಮಿತ ಆಹಾರ, ನಿತ್ಯ ವ್ಯಾಯಾಮ, ವ್ಯಸನಗಳಿಂದ ದೂರ ಇರುವುದು. ಆದರೆ, ಅಲ್ಲಿಯ ಜನ ಈ ನಿಯಮಗಳನ್ನೆಲ್ಲ ಗಾಳಿಗೆ ತೂರಿ ಧೂಮಪಾನ, ಮದ್ಯಪಾನ ಹೆಚ್ಚಾಗೇ ಮಾಡುತ್ತಾರಂತೆ.

. ಈ ದೀರ್ಘಾಯುಷ್ಯದ ಗುಟ್ಟನ್ನು ಒಡೆಯಲು ಅಮೆರಿಕದ ಕ್ಯಾಲಿಫೋರ್ನಿಯಾ ವಿಶ್ವವಿದ್ಯಾಲಯ ಅಧ್ಯಯನವನ್ನೇ ಆರಂಭಿಸಿತು. ರಕ್ತ ಮಾದರಿ, ವಂಶವಾಹಿ ಸಂಗ್ರಹಿಸಿ, ಅವರ ಹವ್ಯಾಸಗಳ ಬಗ್ಗೆ ಸಂಶೋಧನೆ ನಡೆಸಲಾಯಿತು.

. ಅಚಿರೋಲಿಯ ಜನ ರೋಸ್ಮೆರಿ ಎಂಬ ಔಷಧೀಯ ಗುಣವುಳ್ಳ ಸಸ್ಯವನ್ನು ಹೆಚ್ಚು ಸೇವಿಸುತ್ತಾರಂತೆ. ಇದು ಸ್ಮರಣ ಶಕ್ತಿ ಹೆಚ್ಚಿಸುತ್ತದೆ. ಹೀಗಾಗಿ ಅಲ್ಲಿಯ ಜನರಿಗೆ ಮರೆವಿನ ಕಾಯಿಲೆ ಇಲ್ಲವಂತೆ. ಜೊತೆಗೆ ತೈಲಯುಕ್ತ ಮೀನು ಮತ್ತು ತಾಜಾ ಹಣ್ಣು ಸೇವಿಸುವುದರಿಂದ ಕಾಯಿಲೆಗೆ ಕಾರಣವಾಗುವ ಉರಿಯೂತದಿಂದ ದೂರ ಉಳಿಯುವ ಸಾಧ್ಯತೆ ಹೆಚ್ಚು. ಇದು ಮೆಡಿಟರೇನಿಯನ್ ಆಹಾರ ಪದ್ಧತಿ. ಇದರಿಂದ ಹೃದ್ರೋಗವೂ ಕಡಿಮೆ. ರಕ್ತನಾಳವನ್ನು ಹಿಗ್ಗಿಸುವ ಅಡ್ರೆನೊಮೆಡ್ಯುಲಿನ್ ಹಾರ್ಮೋನ್ ಪ್ರಮಾಣವೂ ಅವರಲ್ಲಿ ಕಡಿಮೆ ಎನ್ನುತ್ತಾರೆ ವಿಜ್ಞಾನಿಗಳು.

. ವ್ಯಾಯಾಮ ಮಾಡದ ಸೋಮಾರಿಗಳು ಅವರು. ಆದರೆ, ಕಡಲ ದಂಡೆಯಲ್ಲಿ ಅಡ್ಡಾಡುವುದು, ಮಾಲಿನ್ಯರಹಿತ ಗಾಳಿಯನ್ನು ಉಸಿರಾಡುವುದರಿಂದ ಆರೋಗ್ಯ ಕಾಪಾಡಿಕೊಂಡಿದ್ದಾರೆ ಎನ್ನುತ್ತದೆ ಅಧ್ಯಯನ.

. ಬೆವರಿಳಿಸದ ಜನ ಕಾಫಿ, ವೈನ್ ಸೇವಿಸುತ್ತ, ನೆರೆಯವರೊಂದಿಗೆ ಹರಟೆ ಹೊಡೆಯುತ್ತ, ಮೀನು ಹಿಡಿಯುತ್ತ ಸಮಯ ಕಳೆಯುತ್ತಾರಲ್ಲದೆ, ಒತ್ತಡವನ್ನು ಹತ್ತಿರವೂ ಸುಳಿಯಗೊಟ್ಟಿಲ್ಲ.

. ಜೊತೆಗೆ ಅವರ ದೀರ್ಘಾಯುಷ್ಯದ ಇನ್ನೊಂದು ರಹಸ್ಯವೆಂದರೆ ಲೈಂಗಿಕ ಚಟುವಟಿಕೆ. ವಯಸ್ಸಾದವರೂ ಕೂಡ ಇಂತಹ ಚಟುವಟಿಕೆಗಳಲ್ಲಿ ಹೆಚ್ಚಾಗಿ ತೊಡಗಿಸಿಕೊಳ್ಳುವುದರಿಂದ ಒತ್ತಡ ಅವರ ಬಳಿ ಸುಳಿಯಲಾರದು ಎನ್ನುವುದು ಅಧ್ಯಯನ ನಡೆಸಿದವರ ಅಭಿಮತ.

. ಅಮರತ್ವ ಪಡೆಯುವ ಗಿಲ್ಗಮೇಶ್ನ ಕನಸಂತೂ ನನಸಾಗಲಿಲ್ಲ. ಆದರೆ, ದೀರ್ಘಾಯುಷ್ಯ ಪಡೆಯುವ ಕೆಲವು ರಹಸ್ಯಗಳಂತೂ ಅಚಿರೋಲಿಯ ಜನಕ್ಕೆ ಗೊತ್ತಿದೆಯಲ್ಲ!

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ಶತಾಯುಷಿಗಳ ಬೀಡು ಅಚಿರೋಲಿ

ಚಿನಕುರುಳಿ | 05 ಜುಲೈ 2025, ಶನಿವಾರ

ಚುರುಮುರಿ | ಮೌಂಟನ್ ಮೀಟಿಂಗ್!

ದಿನ ಭವಿಷ್ಯ | ಆತುರಗತಿಯಲ್ಲಿ ಓಡುವ ನಿಮ್ಮ ಯೋಚನೆಗೆ ಕಡಿವಾಣ ಹಾಕಿ

ಹುಬ್ಬಳ್ಳಿ | ವೇಶ್ಯಾವಾಟಿಕೆ; ಮಹಿಳೆಯರ ರಕ್ಷಣೆ: ಸುರಂಗ ಮಾರ್ಗದ ಅಡಗುತಾಣ ಪತ್ತೆ

IND vs ENG U19: ಸೂರ್ಯವಂಶಿ ಮತ್ತೆ ‘ವೈಭವ’

ಕೆನಡಾ ಓಪನ್‌: ಸೆಮಿಫೈನಲ್‌ಗೆ ಶ್ರೀಕಾಂತ್

Wimbledon: ಸಬಲೆಂಕಾ, ಸಿನ್ನರ್‌ ಮುನ್ನಡೆ

IND vs ENG U19: ಅತಿ ವೇಗದ ಶತಕ ಸಿಡಿಸಿ ಇತಿಹಾಸ ನಿರ್ಮಿಸಿದ ವೈಭವ್ ಸೂರ್ಯವಂಶಿ

ಒಳನೋಟ: ಸೋರುವ ಕೊಠಡಿಯಲ್ಲೇ ಕಲಿಕೆ!

ಒಳನೋಟ: ಹದಗೆಟ್ಟ ಹಾಸ್ಟೆಲ್‌ ‘ಆರೋಗ್ಯ’.. ಸರಿಯಾಗದ SC, ST, OBC ವಸತಿಶಾಲೆಗಳು

ಒಳನೋಟ | ರಾಜ್ಯದಲ್ಲಿ ವಿದೇಶಿ ಹಣ್ಣುಗಳ ದಿಬ್ಬಣ

ಒಳನೋಟ | ಕಾಲ್ತುಳಿತ ಪ್ರಕರಣ: ಸಾವಿನ ಮನೆ ಬಾಗಿಲು ತೆರೆದವರಾರು?

ಚಿನಕುರುಳಿ | 05 ಜುಲೈ 2025, ಶನಿವಾರ

ಚುರುಮುರಿ | ಮೌಂಟನ್ ಮೀಟಿಂಗ್!

ದಿನ ಭವಿಷ್ಯ | ಆತುರಗತಿಯಲ್ಲಿ ಓಡುವ ನಿಮ್ಮ ಯೋಚನೆಗೆ ಕಡಿವಾಣ ಹಾಕಿ

ಹುಬ್ಬಳ್ಳಿ | ವೇಶ್ಯಾವಾಟಿಕೆ; ಮಹಿಳೆಯರ ರಕ್ಷಣೆ: ಸುರಂಗ ಮಾರ್ಗದ ಅಡಗುತಾಣ ಪತ್ತೆ