ಓಲೆಗರಿಗಳ ಸಿರಿಯಲ್ಲಿ

ಲೇ: ಡಾ.ವೈ.ಸಿ.ಭಾನುಮತಿ
ಪ್ರ: ಸಂವಹನ, ಮೈಸೂರು
ದೂರವಾಣಿ: 0821-2476019
ಪು: 228
ಬೆ: ₹180

**
ಇದು ಹಸ್ತಪ್ರತಿ ಗ್ರಂಥ ಸಂಪಾದನೆಗೆ ಸಂಬಂಧಿಸಿದ ಕೃತಿ. ಇದರಲ್ಲಿ ಹದಿನೆಂಟು ಪ್ರಬಂಧಗಳಿವೆ. ಲೇಖಕಿ ಓಲೆಗರಿಗಳ ಅಧ್ಯಯನದಲ್ಲೇ  ತಮ್ಮ ಜೀವಿತದ ಬಹುಕಾಲ ಕಳೆದಿದ್ದು, ಓಲೆಗರಿಗಳಲ್ಲಿದ್ದ ಕಾವ್ಯಗಳನ್ನು ಪರಿಶೋಧಿಸಿ, ಮೂವತ್ತು ಗ್ರಂಥಗಳನ್ನು ಪ್ರಕಟಿಸಿದ್ದಾರೆ.

ಈ ಕೃತಿಯಲ್ಲಿ ಲೇಖಕಿ, ಹಸ್ತಪ್ರತಿಯಲ್ಲಿ ಹುದುಗಿರುವ ಸಾಹಿತ್ಯಕ ಕೃತಿಗಳು, ಶಾಸ್ತ್ರ ಗ್ರಂಥಗಳು, ಐತಿಹಾಸಿಕ ಗ್ರಂಥಗಳತ್ತಲೂ ಗಮನ ಹರಿಸಿರುವುದು ಕಾಣಿಸುತ್ತದೆ.

ಅಲ್ಲದೆ, ಈ ಕ್ಷೇತ್ರದ ಹಿರಿಯ ವಿದ್ವಾಂಸರ ಸಾಧನೆಯನ್ನು ಗುರುತಿಸುವ ಸಂದರ್ಭ ಮಾಡಿದ ಭಾಷಣಗಳೂ ಈ ಕೃತಿಯಲ್ಲಿ ಅಕ್ಷರ ರೂಪ ಪಡೆದುಕೊಂಡಿವೆ. ಓಲೆಗರಿ ಅಧ್ಯಯನ ಕ್ಷೇತ್ರದಲ್ಲಿ ತೊಡಗಿಸಿಕೊಂಡಿರುವವರಿಗೆ ಒಂದು ಆಕರವಾಗಿಯೂ ಇದು ನೆರವಿಗೆ ಬರುತ್ತದೆ.