ಐದು ಸಾವಿರಕ್ಕೂ ಹೆಚ್ಚು ಜಾನಪದ ಹಾಡುಗಳನ್ನು ತಮ್ಮ ನೆನಪಿನ ಉಗ್ರಾಣದಲ್ಲಿ ಶೇಖರಿಸಿಕೊಂಡಿರುವ ಅವರು ನಮ್ಮ ಕಾಲದ ವಿಸ್ಮಯ ವ್ಯಕ್ತಿಗಳಲ್ಲಿ ಒಬ್ಬರು. ಈ ಲೋಕಶಿಕ್ಷಕಿಯ ಬದುಕಿನ ಚಿತ್ರಣವನ್ನು ‘ಹಾಲಕ್ಕಿ ಕೋಗಿಲೆ’ ಕೃತಿ ಕಟ್ಟಿಕೊಡುತ್ತದೆ. ಅಕ್ಷತಾ ಕೃಷ್ಣಮೂರ್ತಿ ಸಂಪಾದಿಸಿರುವ ಈ ಕೃತಿಯಲ್ಲಿ ಇಪ್ಪತ್ತು ಲೇಖಕರು ಸುಕ್ರಜ್ಜಿಯ ಬದುಕಿನ ವಿವರ ಕಟ್ಟಿಕೊಟ್ಟಿದ್ದಾರೆ. ಆದರೆ ಬಹುಪಾಲು ಬರಹಗಳು ನೀರಸವಾಗಿವೆ; ವಿಷಯದ ವ್ಯಾಪ್ತಿ–ವೈವಿಧ್ಯಗಳಲ್ಲಿ ಸೊರಗಿವೆ. ಸುಕ್ರಜ್ಜಿ ಹಾಡುವ ಹಾಡುಗಳಲ್ಲಿ ಕೆಲವನ್ನಾದರೂ ಒಂದೆಡೆ ಕೊಟ್ಟು ವಿವರಿಸಿದ್ದರೆ ಓದುಗರಿಗೆ ಪ್ರಯೋಜವಾಗುತ್ತಿತ್ತು.