<p><strong>ಲಂಡನ್ (ಪಿಟಿಐ):</strong> ಮಾನವನ ಕಣ್ಣಿನ ಪಟಲದಲ್ಲಿ ಹೊಸ ಪದರ ಇರುವುದನ್ನು ಭಾರತ ಮೂಲದ ವಿಜ್ಞಾನಿ ಹರ್ಮೀಂದರ್ ದುವಾ ನೇತೃತ್ವದ ತಂಡ ಪತ್ತೆ ಹಚ್ಚಿದೆ.<br /> <br /> ಹೊಸ ಸಂಶೋಧನೆಯ ನೇತೃತ್ವ ವಹಿಸಿದ್ದ ನಾಟಿಂಗ್ಹ್ಯಾಮ್ ವಿಶ್ವವಿದ್ಯಾಲಯದ ನೇತ್ರವಿಜ್ಞಾನ ಮತ್ತು ದೃಶ್ಯ ವಿಜ್ಞಾನ ವಿಭಾಗದ ಮುಖ್ಯಸ್ಥ ಹಾಗೂ ಪ್ರೊಫೆಸರ್ ಆಗಿರುವ ಹರ್ಮೀಂದರ್ ದುವಾ ಅವರ ಹೆಸರನ್ನೇ ಈ ಪದರಕ್ಕೆ (`ದುವಾ ಪದರ') ಇಡಲಾಗಿದೆ.<br /> <br /> ಈ ಸಂಶೋಧನೆಯು ನೇತ್ರವಿಜ್ಞಾನದಲ್ಲಿ ಅತ್ಯಂತ ಮಹತ್ವದ ಬೆಳವಣಿಗೆಯಾಗಿದ್ದು, ಪಟಲದ ಕಸಿಕಟ್ಟುವಿಕೆಗೆ ಒಳಗಾಗುವ ರೋಗಿಗಳಿಗೆ ಪರಿಣಾಮಕಾರಿಯಾದ ಮತ್ತು ಫಲಪ್ರದ ಶಸ್ತ್ರಕ್ರಿಯೆ ನಡೆಸಲು ತಜ್ಞರಿಗೆ ಇದು ನೆರವಾಗಲಿದೆ ಎಂದು ವಿಜ್ಞಾನಿಗಳು ಅಭಿಪ್ರಾಯಪಟ್ಟಿದ್ದಾರೆ.<br /> <br /> ಕಣ್ಣನ್ನು ರಕ್ಷಿಸುವ ಮಸೂರದಂತೆ ವರ್ತಿಸುವ ಈ ಪಟಲದ ಮೂಲಕವೇ ಬೆಳಕು ಕಣ್ಣನ್ನು ಪ್ರವೇಶಿಸುತ್ತದೆ.<br /> <br /> ಅಕ್ಷಿಪಟಲದ ಮುಂಭಾಗದಿಂದ ಹಿಂಭಾಗದವರಗೆ ಐದು ಪದರಗಳಿವೆ ಎಂದು ಇದುವರೆಗೆ ನಂಬಲಾಗಿತ್ತು. (ಐದು ಪದರಗಳು: ಕಾರ್ನಿಯಲ್ ಎಪಿಥೀಲಿಯಂ, ಬೌಮನ್ಸ್ ಪದರ, ಕಾರ್ನಿಯಲ್ ಸ್ಟ್ರೋಮಾ, ಡೆಸೆಮೆಟ್ಸ್ ಮೆಂಬ್ರೇನ್ ಮತ್ತು ಕಾರ್ನಿಯಲ್ ಎಂಡೊಥೀಲಿಯಂ). ಈಗ ಪತ್ತೆ ಮಾಡಲಾಗಿರುವ ದುವಾ ಪದರವು ಅಕ್ಷಿಪಟಲದ ಹಿಂಭಾಗದಲ್ಲಿ ಕಾರ್ನಿಲ್ ಸ್ಟ್ರೋಮಾ ಮತ್ತು ಡೆಸೆಮೆಟ್ಸ್ ಮೆಂಬ್ರೇನ್ ನಡುವೆ ಇದೆ ಎಂದು ವಿಜ್ಞಾನಿಗಳು ಹೇಳಿದ್ದಾರೆ.<br /> <br /> ಮಾನವನ ಅಕ್ಷಿ ಪಟಲವು ಸುಮಾರು 550 ಮೈಕ್ರಾನ್ನಷ್ಟು (0.5 ಮಿ.ಮೀ) (ಒಂದು ಮೈಕ್ರಾನ್ ಅಂದರೆ 0.001 ಮಿ.ಮೀ) ದಪ್ಪ ಇದೆ. ಪ್ರೊ. ದುವಾ ಮತ್ತು ತಂಡ ಪತ್ತೆ ಹಚ್ಚಿರುವ ಪದರದ ದಪ್ಪ ಕೇವಲ 15 ಮೈಕ್ರಾನ್.<br /> <br /> `ಇದೊಂದು ಹೊಸ ಸಂಶೋಧನೆಯಾಗಿದ್ದು, ಇದರಿಂದಾಗಿ ನೇತ್ರವಿಜ್ಞಾನ ಕುರಿತ ಎಲ್ಲಾ ಪಠ್ಯಗಳನ್ನು ಮತ್ತೆ ಹೊಸದಾಗಿ ಸಿದ್ಧಪಡಿಸುವ ಅಗತ್ಯವಿದೆ. ಅಕ್ಷಿ ಪಟಲದ ಅಂಗಾಂಶದಲ್ಲಿ ಹೊಸ ಪದರವನ್ನು ಪತ್ತೆ ಹಚ್ಚಿರುವುದು ಸುರಕ್ಷಿತ ಮತ್ತು ಸರಳ ಶಸ್ತ್ರಕ್ರಿಯೆಗೆ ನೆರವಾಗಲಿದೆ' ಎಂದು ದುವಾ ಹೇಳಿದ್ದಾರೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ಲಂಡನ್ (ಪಿಟಿಐ):</strong> ಮಾನವನ ಕಣ್ಣಿನ ಪಟಲದಲ್ಲಿ ಹೊಸ ಪದರ ಇರುವುದನ್ನು ಭಾರತ ಮೂಲದ ವಿಜ್ಞಾನಿ ಹರ್ಮೀಂದರ್ ದುವಾ ನೇತೃತ್ವದ ತಂಡ ಪತ್ತೆ ಹಚ್ಚಿದೆ.<br /> <br /> ಹೊಸ ಸಂಶೋಧನೆಯ ನೇತೃತ್ವ ವಹಿಸಿದ್ದ ನಾಟಿಂಗ್ಹ್ಯಾಮ್ ವಿಶ್ವವಿದ್ಯಾಲಯದ ನೇತ್ರವಿಜ್ಞಾನ ಮತ್ತು ದೃಶ್ಯ ವಿಜ್ಞಾನ ವಿಭಾಗದ ಮುಖ್ಯಸ್ಥ ಹಾಗೂ ಪ್ರೊಫೆಸರ್ ಆಗಿರುವ ಹರ್ಮೀಂದರ್ ದುವಾ ಅವರ ಹೆಸರನ್ನೇ ಈ ಪದರಕ್ಕೆ (`ದುವಾ ಪದರ') ಇಡಲಾಗಿದೆ.<br /> <br /> ಈ ಸಂಶೋಧನೆಯು ನೇತ್ರವಿಜ್ಞಾನದಲ್ಲಿ ಅತ್ಯಂತ ಮಹತ್ವದ ಬೆಳವಣಿಗೆಯಾಗಿದ್ದು, ಪಟಲದ ಕಸಿಕಟ್ಟುವಿಕೆಗೆ ಒಳಗಾಗುವ ರೋಗಿಗಳಿಗೆ ಪರಿಣಾಮಕಾರಿಯಾದ ಮತ್ತು ಫಲಪ್ರದ ಶಸ್ತ್ರಕ್ರಿಯೆ ನಡೆಸಲು ತಜ್ಞರಿಗೆ ಇದು ನೆರವಾಗಲಿದೆ ಎಂದು ವಿಜ್ಞಾನಿಗಳು ಅಭಿಪ್ರಾಯಪಟ್ಟಿದ್ದಾರೆ.<br /> <br /> ಕಣ್ಣನ್ನು ರಕ್ಷಿಸುವ ಮಸೂರದಂತೆ ವರ್ತಿಸುವ ಈ ಪಟಲದ ಮೂಲಕವೇ ಬೆಳಕು ಕಣ್ಣನ್ನು ಪ್ರವೇಶಿಸುತ್ತದೆ.<br /> <br /> ಅಕ್ಷಿಪಟಲದ ಮುಂಭಾಗದಿಂದ ಹಿಂಭಾಗದವರಗೆ ಐದು ಪದರಗಳಿವೆ ಎಂದು ಇದುವರೆಗೆ ನಂಬಲಾಗಿತ್ತು. (ಐದು ಪದರಗಳು: ಕಾರ್ನಿಯಲ್ ಎಪಿಥೀಲಿಯಂ, ಬೌಮನ್ಸ್ ಪದರ, ಕಾರ್ನಿಯಲ್ ಸ್ಟ್ರೋಮಾ, ಡೆಸೆಮೆಟ್ಸ್ ಮೆಂಬ್ರೇನ್ ಮತ್ತು ಕಾರ್ನಿಯಲ್ ಎಂಡೊಥೀಲಿಯಂ). ಈಗ ಪತ್ತೆ ಮಾಡಲಾಗಿರುವ ದುವಾ ಪದರವು ಅಕ್ಷಿಪಟಲದ ಹಿಂಭಾಗದಲ್ಲಿ ಕಾರ್ನಿಲ್ ಸ್ಟ್ರೋಮಾ ಮತ್ತು ಡೆಸೆಮೆಟ್ಸ್ ಮೆಂಬ್ರೇನ್ ನಡುವೆ ಇದೆ ಎಂದು ವಿಜ್ಞಾನಿಗಳು ಹೇಳಿದ್ದಾರೆ.<br /> <br /> ಮಾನವನ ಅಕ್ಷಿ ಪಟಲವು ಸುಮಾರು 550 ಮೈಕ್ರಾನ್ನಷ್ಟು (0.5 ಮಿ.ಮೀ) (ಒಂದು ಮೈಕ್ರಾನ್ ಅಂದರೆ 0.001 ಮಿ.ಮೀ) ದಪ್ಪ ಇದೆ. ಪ್ರೊ. ದುವಾ ಮತ್ತು ತಂಡ ಪತ್ತೆ ಹಚ್ಚಿರುವ ಪದರದ ದಪ್ಪ ಕೇವಲ 15 ಮೈಕ್ರಾನ್.<br /> <br /> `ಇದೊಂದು ಹೊಸ ಸಂಶೋಧನೆಯಾಗಿದ್ದು, ಇದರಿಂದಾಗಿ ನೇತ್ರವಿಜ್ಞಾನ ಕುರಿತ ಎಲ್ಲಾ ಪಠ್ಯಗಳನ್ನು ಮತ್ತೆ ಹೊಸದಾಗಿ ಸಿದ್ಧಪಡಿಸುವ ಅಗತ್ಯವಿದೆ. ಅಕ್ಷಿ ಪಟಲದ ಅಂಗಾಂಶದಲ್ಲಿ ಹೊಸ ಪದರವನ್ನು ಪತ್ತೆ ಹಚ್ಚಿರುವುದು ಸುರಕ್ಷಿತ ಮತ್ತು ಸರಳ ಶಸ್ತ್ರಕ್ರಿಯೆಗೆ ನೆರವಾಗಲಿದೆ' ಎಂದು ದುವಾ ಹೇಳಿದ್ದಾರೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
