<p>ಆಶ್ಚರ್ಯ ಬೇಡ. ಇನ್ನು ಕೆಲವೇ ವರ್ಷಗಳಲ್ಲಿ ಆಸ್ಪತ್ರೆಗೆ ತೆರಳುವ ರೋಗಿಗಳಿಗೆ ರೋಬೋಟ್ (ಯಂತ್ರ ಮಾನವ) ಸಾಮಾನ್ಯ ವೈದ್ಯರು, ದಾದಿಯರಂತೆ ಚಿರಪರಿಚಿತನಾಗಿ ಬಿಡಲಿದ್ದಾನೆ. <br /> <br /> ಈಗಾಗಲೇ ವಿಶ್ವದ ಹಲವೆಡೆ ರೋಬೊಟ್ ಸಹಾಯದಿಂದ ಯಶಸ್ವಿ ಶಸ್ತ್ರಚಿಕಿತ್ಸೆ ನಡೆದ ಉದಾಹರಣೆಗಳೂ ಇವೆ. ಇನ್ನೇನು ಕೆಲವೇ ವರ್ಷಗಳಲ್ಲಿ `ರೋಬೋಟಿಕ್ ಶಸ್ತ್ರಚಿಕಿತ್ಸೆ~ ಎಂಬ ಪದ ಲ್ಯಾಪ್ರೋಸ್ಕೋಪಿಕ್ ಶಸ್ತ್ರಚಿಕಿತ್ಸೆಯಷ್ಟೇ ಸಾಧಾರಣವಾಗಿ ಜನರ ನಾಲಿಗೆಯ ತುದಿಯಲ್ಲಿ ಹರಿದಾಡಬಹುದು.<br /> <br /> ರೋಬೊಟ್ ಸೇವೆಯನ್ನು ಸಮರ್ಪಕವಾಗಿ ಬಳಸಿಕೊಳ್ಳಲು ಆಸ್ಟ್ರೇಲಿಯಾದ ಆಸ್ಪತ್ರೆಗಳು ಮುಂದಾಗಿವೆ. ಮುಂದಿನ ವರ್ಷದ ಅಂತ್ಯದೊಳಗೆ ಅಲ್ಲಿನ ಆಸ್ಪತ್ರೆಗಳಲ್ಲಿ ಆಹಾರದ ಪಟ್ಟಿ ಹಿಡಿದು ರೋಬೊಟ್ ರೋಗಿಗಳ ಮುಂದೆ ಬಂದು ನಿಲ್ಲುತ್ತಾನೆ. <br /> <br /> ರೋಗಿಗಳಿಗೆ ಬೇಕಾದ ಔಷಧಿಯನ್ನೂ ತಂದುಕೊಡುವ ಮೂಲಕ ಆಸ್ಪತ್ರೆಯ ಇತರ ಸಿಬ್ಬಂದಿಗಳಂತೆ ಈ ಯಂತ್ರಮಾನವನೂ ಆಸ್ಪತ್ರೆಯ ಅವಿಭಾಜ್ಯ ಅಂಗವಾಗಲಿದ್ದಾನೆ. <br /> <br /> ಕಂಪ್ಯೂಟರ್ ಚಾಲಿತ ಮಾರ್ಗಗಳಲ್ಲಿ ಸಂಚರಿಸುವ ಈ ರೋಬೊಟ್ಗಳು ಒಂದು ವೇಳೆ ರೋಗಿಗಳು ತಮಗೆ ಇಂಥ ಆಹಾರ ಬೇಡ ಎಂದಲ್ಲಿ ಮುಂದೆಂದೂ ಆ ಆಹಾರ ರೋಗಿಗಳ ಮುಂದೆ ಕಾಣಿಸಿಕೊಳ್ಳದಂತೆ ಮಾಡುವಷ್ಟು ಕರಾರುವಾಕ್ಕಾಗಿ ಕಾರ್ಯನಿರ್ವಹಿಸುತ್ತವೆ. <br /> <br /> ಇವುಗಳ ನೇಮಕದಿಂದ ರೋಗಿಗಳಿಗೆ ಉತ್ತಮ ಗುಣಮಟ್ಟದ ಸೇವೆ ನೀಡಲು ಸಾಧ್ಯ. ಹೆರಿಗೆಯೇ ಆಗಲಿ, ಶಸ್ತ್ರಚಿಕಿತ್ಸೆಯೇ ಆಗಲಿ, ಔಷಧಗಳನ್ನು ನೀಡುವುದೇ ಆಗಲಿ, ರೋಗಿಗಳನ್ನು ಸಂದರ್ಶಿಸುವುದೇ ಆಗಲಿ ಎಲ್ಲದಕ್ಕೂ ಈ ರೋಬೋಟ್ಗಳು ಸೈ. <br /> <br /> ಆಸ್ಪತ್ರೆಯ್ಲ್ಲಲಿನ ಸಿಬ್ಬಂದಿಗಳ ಕೊರತೆಯನ್ನು ಈ ರೋಬೋಟ್ಗಳು ನೀಗಿಸುವುದರಿಂದ ಆಸ್ಪತ್ರೆಗಳ ಕಾರ್ಯಕ್ಷಮತೆ ಇನ್ನಷ್ಟು ಹೆಚ್ಚಿಸಲು ರೋಬೊಟ್ಗಳಿಂದ ಸಾಧ್ಯ ಎನ್ನುವುದು ಆಸ್ಪತ್ರೆಯ ಮುಖ್ಯಸ್ಥರ ಅಭಿಪ್ರಾಯ. <br /> <br /> <strong>ಮ್ಯಾಕ್ಕೆಸ್ಸನ್ ರೋಬೋಟ್-ಆರ್ಎಕ್ಸ್:</strong> ಇದು ಇಡೀ ಅಸ್ಪತ್ರೆಗೆ ಬೇಕಾದ ಔಷಧಗಳನ್ನು ವಿತರಿಸುತ್ತದೆ. ವೈದ್ಯರು ಬರೆದುಕೊಟ್ಟ ಔಷಧವನ್ನು ಕಂಪ್ಯೂಟರ್ನಲ್ಲಿ ಫೀಡ್ ಮಾಡಿದಾಗ ರೋಬೋಟ್ಗಳು ಅದರಲ್ಲಿನ ಬಾರ್ಕೋಡ್ಗಳನ್ನು ಸ್ಕ್ಯಾನ್ ಮಾಡಿ ಡೋಸೇಜ್ಗಳನ್ನು ಸಂಗ್ರಹಿಸುತ್ತವೆ. <br /> <br /> ಸೂಕ್ತ ಔಷಧಿಗಳು ಸಮಯಕ್ಕೆ ಸರಿಯಾಗಿ ರೋಗಿಗೆ ತಲುಪುವಂತೆ ಮಾಡುವುದರ ಜತೆಗೆ ಆಸ್ಪತ್ರೆಯಲ್ಲಿನ ಔಷಧ ಸಂಗ್ರಹದ ಮೇಲೂ ಸಂಪೂರ್ಣ ನಿಗಾ ವಹಿಸುತ್ತದೆ. <br /> ಅಮೆರಿಕದ ಮೂರನೇ ಒಂದರಷ್ಟು ಆಸ್ಪತ್ರೆಗಳ ಔಷಧಾಲಯಗಳು ರೋಬೋಟ್ ಆರ್ಎಕ್ಸ್ಗಳನ್ನು ಹೊಂದಿವೆ. <br /> <br /> ದಿನವಿಡಿ ಕಾರ್ಯ ನಿರ್ವಹಿಸುವ ಇವುಗಳು, ವೈದ್ಯಕೀಯ ತಪ್ಪುಗಳನ್ನು ಕಂಡು ಹುಡುಕುವುದರೊಂದಿಗೆ ಔಷಧಗಳನ್ನು ವರ್ಗೀಕರಿಸುತ್ತವೆ. ಜತೆಗೆ ಸಮಯ ಹಾಗೂ ಹಣ ಉಳಿತಾಯವೂ ಸಾಧ್ಯವಾಗುತ್ತದೆ.ರೋಬೊಟ್ಗಳು ಉತ್ತಮ ಸಂದೇಶವಾಹಕವೂ ಹೌದು. <br /> <br /> ಜತೆಗೆ ಕೊರಿಯರ್ಗಳಂತೆಯೂ ಕಾರ್ಯನಿರ್ವಹಿಸುತ್ತದೆ. ಆಸ್ಪತ್ರೆಯ ಪರಿಚಾರಕಿ ಕೆಲಸವನ್ನು ರೋಬೋಟ್ಗಳು ಜಾಣತನದಿಂದ ನಿರ್ವಹಿಸುತ್ತದೆ. <br /> <br /> <strong>ಮೊಬೈಲ್ ರೋಬೋಟ್</strong>: ಮೊಬೈಲ್ ರೋಬೋಟ್ಸ್ಗಳಂತೂ (ಆರ್ಪಿ-6) ಮತ್ತು (ಆರ್ಪಿ-7)ವೇಗದ ಸೇವೆಯನ್ನು ನೀಡಬಲ್ಲದಲ್ಲದೆ ತಲೆಯ ಮೇಲೆ ಕಂಪ್ಯೂಟರ್ ಸ್ಕ್ರೀನ್ಗಳನ್ನು ಮತ್ತು ಕಿವಿ ಮತ್ತು ಕಣ್ಣುಗಳಲ್ಲಿ ವೀಡಿಯೊ ಕ್ಯಾಮೆರಾಗಳನ್ನು ಇವು ಹೊಂದಿವೆ. ವೈರ್ಲೆಸ್ ತಂತ್ರಜ್ಞಾನದ ಸಹಾಯದಿಂದ ವೈದ್ಯರು ಇವುಗಳನ್ನು ನಿಯಂತ್ರಿಸುತ್ತಾರೆ.<br /> <br /> ಶಸ್ತ್ರಚಿಕಿತ್ಸೆಯಲ್ಲಿ ಈ ರೋಬೋಟ್ ಹೆಚ್ಚಿನ ನೆರವನ್ನು ನೀಡುತ್ತದೆ. ವೈದ್ಯರು ತಾವೇ ನೇರವಾಗಿ ಉಪಕರಣಗಳನ್ನು ಬಳಸುವ ಬದಲು ರೋಬೋಟ್ಗಳು ಉಪಕರಣಗಳನ್ನು ಹಿಡಿದು ಶಸ್ತ್ರಚಿಕಿತ್ಸೆ ನಡೆಸುತ್ತವೆ. <br /> <br /> ವೈದ್ಯರು ಒಂದೇ ಟೆಲಿಮ್ಯಾನಿಪ್ಯುಲೇಟರ್ ಅಥವಾ ಕಂಪ್ಯೂಟರ್ ಸಹಾಯದಿಂದ ರೋಬೋಟ್ನನ್ನು ನಿಯಂತ್ರಿಸುತ್ತಾರೆ. 1985ರಲ್ಲಿ ಮೊದಲ ಬಾರಿಗೆ ಮಿದುಳಿನ ಅಂಗಾಂಶ ಪರೀಕ್ಷೆಯ ವೇಳೆ ಸೂಜಿಯನ್ನು ಅಳವಡಿಸುವ ಸಲುವಾಗಿ `ಪ್ಯೂಮಾ 560~ ರೋಬೊಟ್ ಅನ್ನು ಬಳಸಲಾಯಿತು. <br /> <br /> ಸ್ಕಾಟ್ಲೆಂಡ್ನ ಆಸ್ಪತ್ರೆಯಲ್ಲಿ ದಿನಿತ್ಯದ ಕೆಲಸ ಕಾರ್ಯಗಳನ್ನು ನಡೆಸುವ ಸಲುವಾಗಿ ಮೊದಲ ಬಾರಿಗೆ ರೋಬೋಟ್ಗಳ ದೊಡ್ಡ ಪಡೆಯನ್ನೆ ಬಳಸಲಾಗುತ್ತಿದೆ. ಈ ರೋಬೋಟ್ಗಳು ವೈದ್ಯಕೀಯ ತ್ಯಾಜ್ಯಗಳ ವಿಲೇವಾರಿ, ಆಹಾರ ವಿತರಣೆ, ಶಸ್ತ್ರಚಿಕಿತಾ ಕೊಠಡಿಯ ಶುಚೀಕರಣದ ಜತೆಗೆ ಔಷಧಿ ವಿತರಣಾ ಕೆಲಸವನ್ನು ಮಾಡುತ್ತದೆ. <br /> <br /> ಈ ರೋಬೋಟ್ಗಳು ತಮಗೆಂದೇ ವಿನ್ಯಾಸಗೊಳಿಸಿದ ನಿರ್ದಿಷ್ಟ ಲೇಸರ್ ನಿಯಂತ್ರಿತ ಮಾರ್ಗಗಳಲ್ಲಿ ಸಂಚರಿಸುತ್ತವೆ ಎಂದು ಫೋರ್ತ್ ವ್ಯಾಲಿ ಆಸ್ಪತ್ರೆಯ ಅಧ್ಯಕ್ಷ ಇಯಾನ್ ಮುಲ್ಲನ್ ತಿಳಿಸುತ್ತಾರೆ.<br /> <br /> ಹಾಗೆಂದ ಮಾತ್ರಕ್ಕೆ, ರೋಬೊಟ್ಗಳಿಂದ ಎಲ್ಲವೂ ಸಾಧ್ಯ ಎನ್ನುವಂತಿಲ್ಲ. ರೋಬೋಟ್ ತಾಂತ್ರಿಕ ತೊಂದರೆಯಿಂದ ಕೈಕೊಟ್ಟರೆ, ಬದಲಿ ಸೇವೆಗೆ ಸಿಬ್ಬಂದಿಯೊಬ್ಬ ಬೇಕೇ ಬೇಕು. </p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p>ಆಶ್ಚರ್ಯ ಬೇಡ. ಇನ್ನು ಕೆಲವೇ ವರ್ಷಗಳಲ್ಲಿ ಆಸ್ಪತ್ರೆಗೆ ತೆರಳುವ ರೋಗಿಗಳಿಗೆ ರೋಬೋಟ್ (ಯಂತ್ರ ಮಾನವ) ಸಾಮಾನ್ಯ ವೈದ್ಯರು, ದಾದಿಯರಂತೆ ಚಿರಪರಿಚಿತನಾಗಿ ಬಿಡಲಿದ್ದಾನೆ. <br /> <br /> ಈಗಾಗಲೇ ವಿಶ್ವದ ಹಲವೆಡೆ ರೋಬೊಟ್ ಸಹಾಯದಿಂದ ಯಶಸ್ವಿ ಶಸ್ತ್ರಚಿಕಿತ್ಸೆ ನಡೆದ ಉದಾಹರಣೆಗಳೂ ಇವೆ. ಇನ್ನೇನು ಕೆಲವೇ ವರ್ಷಗಳಲ್ಲಿ `ರೋಬೋಟಿಕ್ ಶಸ್ತ್ರಚಿಕಿತ್ಸೆ~ ಎಂಬ ಪದ ಲ್ಯಾಪ್ರೋಸ್ಕೋಪಿಕ್ ಶಸ್ತ್ರಚಿಕಿತ್ಸೆಯಷ್ಟೇ ಸಾಧಾರಣವಾಗಿ ಜನರ ನಾಲಿಗೆಯ ತುದಿಯಲ್ಲಿ ಹರಿದಾಡಬಹುದು.<br /> <br /> ರೋಬೊಟ್ ಸೇವೆಯನ್ನು ಸಮರ್ಪಕವಾಗಿ ಬಳಸಿಕೊಳ್ಳಲು ಆಸ್ಟ್ರೇಲಿಯಾದ ಆಸ್ಪತ್ರೆಗಳು ಮುಂದಾಗಿವೆ. ಮುಂದಿನ ವರ್ಷದ ಅಂತ್ಯದೊಳಗೆ ಅಲ್ಲಿನ ಆಸ್ಪತ್ರೆಗಳಲ್ಲಿ ಆಹಾರದ ಪಟ್ಟಿ ಹಿಡಿದು ರೋಬೊಟ್ ರೋಗಿಗಳ ಮುಂದೆ ಬಂದು ನಿಲ್ಲುತ್ತಾನೆ. <br /> <br /> ರೋಗಿಗಳಿಗೆ ಬೇಕಾದ ಔಷಧಿಯನ್ನೂ ತಂದುಕೊಡುವ ಮೂಲಕ ಆಸ್ಪತ್ರೆಯ ಇತರ ಸಿಬ್ಬಂದಿಗಳಂತೆ ಈ ಯಂತ್ರಮಾನವನೂ ಆಸ್ಪತ್ರೆಯ ಅವಿಭಾಜ್ಯ ಅಂಗವಾಗಲಿದ್ದಾನೆ. <br /> <br /> ಕಂಪ್ಯೂಟರ್ ಚಾಲಿತ ಮಾರ್ಗಗಳಲ್ಲಿ ಸಂಚರಿಸುವ ಈ ರೋಬೊಟ್ಗಳು ಒಂದು ವೇಳೆ ರೋಗಿಗಳು ತಮಗೆ ಇಂಥ ಆಹಾರ ಬೇಡ ಎಂದಲ್ಲಿ ಮುಂದೆಂದೂ ಆ ಆಹಾರ ರೋಗಿಗಳ ಮುಂದೆ ಕಾಣಿಸಿಕೊಳ್ಳದಂತೆ ಮಾಡುವಷ್ಟು ಕರಾರುವಾಕ್ಕಾಗಿ ಕಾರ್ಯನಿರ್ವಹಿಸುತ್ತವೆ. <br /> <br /> ಇವುಗಳ ನೇಮಕದಿಂದ ರೋಗಿಗಳಿಗೆ ಉತ್ತಮ ಗುಣಮಟ್ಟದ ಸೇವೆ ನೀಡಲು ಸಾಧ್ಯ. ಹೆರಿಗೆಯೇ ಆಗಲಿ, ಶಸ್ತ್ರಚಿಕಿತ್ಸೆಯೇ ಆಗಲಿ, ಔಷಧಗಳನ್ನು ನೀಡುವುದೇ ಆಗಲಿ, ರೋಗಿಗಳನ್ನು ಸಂದರ್ಶಿಸುವುದೇ ಆಗಲಿ ಎಲ್ಲದಕ್ಕೂ ಈ ರೋಬೋಟ್ಗಳು ಸೈ. <br /> <br /> ಆಸ್ಪತ್ರೆಯ್ಲ್ಲಲಿನ ಸಿಬ್ಬಂದಿಗಳ ಕೊರತೆಯನ್ನು ಈ ರೋಬೋಟ್ಗಳು ನೀಗಿಸುವುದರಿಂದ ಆಸ್ಪತ್ರೆಗಳ ಕಾರ್ಯಕ್ಷಮತೆ ಇನ್ನಷ್ಟು ಹೆಚ್ಚಿಸಲು ರೋಬೊಟ್ಗಳಿಂದ ಸಾಧ್ಯ ಎನ್ನುವುದು ಆಸ್ಪತ್ರೆಯ ಮುಖ್ಯಸ್ಥರ ಅಭಿಪ್ರಾಯ. <br /> <br /> <strong>ಮ್ಯಾಕ್ಕೆಸ್ಸನ್ ರೋಬೋಟ್-ಆರ್ಎಕ್ಸ್:</strong> ಇದು ಇಡೀ ಅಸ್ಪತ್ರೆಗೆ ಬೇಕಾದ ಔಷಧಗಳನ್ನು ವಿತರಿಸುತ್ತದೆ. ವೈದ್ಯರು ಬರೆದುಕೊಟ್ಟ ಔಷಧವನ್ನು ಕಂಪ್ಯೂಟರ್ನಲ್ಲಿ ಫೀಡ್ ಮಾಡಿದಾಗ ರೋಬೋಟ್ಗಳು ಅದರಲ್ಲಿನ ಬಾರ್ಕೋಡ್ಗಳನ್ನು ಸ್ಕ್ಯಾನ್ ಮಾಡಿ ಡೋಸೇಜ್ಗಳನ್ನು ಸಂಗ್ರಹಿಸುತ್ತವೆ. <br /> <br /> ಸೂಕ್ತ ಔಷಧಿಗಳು ಸಮಯಕ್ಕೆ ಸರಿಯಾಗಿ ರೋಗಿಗೆ ತಲುಪುವಂತೆ ಮಾಡುವುದರ ಜತೆಗೆ ಆಸ್ಪತ್ರೆಯಲ್ಲಿನ ಔಷಧ ಸಂಗ್ರಹದ ಮೇಲೂ ಸಂಪೂರ್ಣ ನಿಗಾ ವಹಿಸುತ್ತದೆ. <br /> ಅಮೆರಿಕದ ಮೂರನೇ ಒಂದರಷ್ಟು ಆಸ್ಪತ್ರೆಗಳ ಔಷಧಾಲಯಗಳು ರೋಬೋಟ್ ಆರ್ಎಕ್ಸ್ಗಳನ್ನು ಹೊಂದಿವೆ. <br /> <br /> ದಿನವಿಡಿ ಕಾರ್ಯ ನಿರ್ವಹಿಸುವ ಇವುಗಳು, ವೈದ್ಯಕೀಯ ತಪ್ಪುಗಳನ್ನು ಕಂಡು ಹುಡುಕುವುದರೊಂದಿಗೆ ಔಷಧಗಳನ್ನು ವರ್ಗೀಕರಿಸುತ್ತವೆ. ಜತೆಗೆ ಸಮಯ ಹಾಗೂ ಹಣ ಉಳಿತಾಯವೂ ಸಾಧ್ಯವಾಗುತ್ತದೆ.ರೋಬೊಟ್ಗಳು ಉತ್ತಮ ಸಂದೇಶವಾಹಕವೂ ಹೌದು. <br /> <br /> ಜತೆಗೆ ಕೊರಿಯರ್ಗಳಂತೆಯೂ ಕಾರ್ಯನಿರ್ವಹಿಸುತ್ತದೆ. ಆಸ್ಪತ್ರೆಯ ಪರಿಚಾರಕಿ ಕೆಲಸವನ್ನು ರೋಬೋಟ್ಗಳು ಜಾಣತನದಿಂದ ನಿರ್ವಹಿಸುತ್ತದೆ. <br /> <br /> <strong>ಮೊಬೈಲ್ ರೋಬೋಟ್</strong>: ಮೊಬೈಲ್ ರೋಬೋಟ್ಸ್ಗಳಂತೂ (ಆರ್ಪಿ-6) ಮತ್ತು (ಆರ್ಪಿ-7)ವೇಗದ ಸೇವೆಯನ್ನು ನೀಡಬಲ್ಲದಲ್ಲದೆ ತಲೆಯ ಮೇಲೆ ಕಂಪ್ಯೂಟರ್ ಸ್ಕ್ರೀನ್ಗಳನ್ನು ಮತ್ತು ಕಿವಿ ಮತ್ತು ಕಣ್ಣುಗಳಲ್ಲಿ ವೀಡಿಯೊ ಕ್ಯಾಮೆರಾಗಳನ್ನು ಇವು ಹೊಂದಿವೆ. ವೈರ್ಲೆಸ್ ತಂತ್ರಜ್ಞಾನದ ಸಹಾಯದಿಂದ ವೈದ್ಯರು ಇವುಗಳನ್ನು ನಿಯಂತ್ರಿಸುತ್ತಾರೆ.<br /> <br /> ಶಸ್ತ್ರಚಿಕಿತ್ಸೆಯಲ್ಲಿ ಈ ರೋಬೋಟ್ ಹೆಚ್ಚಿನ ನೆರವನ್ನು ನೀಡುತ್ತದೆ. ವೈದ್ಯರು ತಾವೇ ನೇರವಾಗಿ ಉಪಕರಣಗಳನ್ನು ಬಳಸುವ ಬದಲು ರೋಬೋಟ್ಗಳು ಉಪಕರಣಗಳನ್ನು ಹಿಡಿದು ಶಸ್ತ್ರಚಿಕಿತ್ಸೆ ನಡೆಸುತ್ತವೆ. <br /> <br /> ವೈದ್ಯರು ಒಂದೇ ಟೆಲಿಮ್ಯಾನಿಪ್ಯುಲೇಟರ್ ಅಥವಾ ಕಂಪ್ಯೂಟರ್ ಸಹಾಯದಿಂದ ರೋಬೋಟ್ನನ್ನು ನಿಯಂತ್ರಿಸುತ್ತಾರೆ. 1985ರಲ್ಲಿ ಮೊದಲ ಬಾರಿಗೆ ಮಿದುಳಿನ ಅಂಗಾಂಶ ಪರೀಕ್ಷೆಯ ವೇಳೆ ಸೂಜಿಯನ್ನು ಅಳವಡಿಸುವ ಸಲುವಾಗಿ `ಪ್ಯೂಮಾ 560~ ರೋಬೊಟ್ ಅನ್ನು ಬಳಸಲಾಯಿತು. <br /> <br /> ಸ್ಕಾಟ್ಲೆಂಡ್ನ ಆಸ್ಪತ್ರೆಯಲ್ಲಿ ದಿನಿತ್ಯದ ಕೆಲಸ ಕಾರ್ಯಗಳನ್ನು ನಡೆಸುವ ಸಲುವಾಗಿ ಮೊದಲ ಬಾರಿಗೆ ರೋಬೋಟ್ಗಳ ದೊಡ್ಡ ಪಡೆಯನ್ನೆ ಬಳಸಲಾಗುತ್ತಿದೆ. ಈ ರೋಬೋಟ್ಗಳು ವೈದ್ಯಕೀಯ ತ್ಯಾಜ್ಯಗಳ ವಿಲೇವಾರಿ, ಆಹಾರ ವಿತರಣೆ, ಶಸ್ತ್ರಚಿಕಿತಾ ಕೊಠಡಿಯ ಶುಚೀಕರಣದ ಜತೆಗೆ ಔಷಧಿ ವಿತರಣಾ ಕೆಲಸವನ್ನು ಮಾಡುತ್ತದೆ. <br /> <br /> ಈ ರೋಬೋಟ್ಗಳು ತಮಗೆಂದೇ ವಿನ್ಯಾಸಗೊಳಿಸಿದ ನಿರ್ದಿಷ್ಟ ಲೇಸರ್ ನಿಯಂತ್ರಿತ ಮಾರ್ಗಗಳಲ್ಲಿ ಸಂಚರಿಸುತ್ತವೆ ಎಂದು ಫೋರ್ತ್ ವ್ಯಾಲಿ ಆಸ್ಪತ್ರೆಯ ಅಧ್ಯಕ್ಷ ಇಯಾನ್ ಮುಲ್ಲನ್ ತಿಳಿಸುತ್ತಾರೆ.<br /> <br /> ಹಾಗೆಂದ ಮಾತ್ರಕ್ಕೆ, ರೋಬೊಟ್ಗಳಿಂದ ಎಲ್ಲವೂ ಸಾಧ್ಯ ಎನ್ನುವಂತಿಲ್ಲ. ರೋಬೋಟ್ ತಾಂತ್ರಿಕ ತೊಂದರೆಯಿಂದ ಕೈಕೊಟ್ಟರೆ, ಬದಲಿ ಸೇವೆಗೆ ಸಿಬ್ಬಂದಿಯೊಬ್ಬ ಬೇಕೇ ಬೇಕು. </p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
